«Երևանի պետական համալսարան» հիմնադրամի Իջևանի մասնաճյուղի «Տավուշ» հետազոտական կենտրոնը գիտական և գիտատեխնիկական գործունեության պայմանագրային (թեմատիկ) ֆինանսավորման նպատակով կազմակերպում է Տավուշի մարզի զարգացման ուղղությամբ (ագրոարդյունաբերություն, բնապահպանություն, զբոսաշրջություն) գիտական թեմաների հայտերի ներբուհական մրցույթ:

Մրցույթին կարող են ներկայացվել կոլեկտիվ կամ անհատական հայտեր, որոնք պատրաստվել են ԵՊՀ ԻՄ-ի հաստիքային աշխատակիցների կողմից` պայմանով, որ ղեկավարը և նախագծի ենթադրվող բոլոր կատարողների առնվազն 50 տոկոսը ԵՊՀ ԻՄ-ի աշխատակիցները կամ ուսանողներն են:

Կից ներկայացնում ենք «Երևանի պետական համալսարան» հիմնադրամի Իջևանի մասնաճյուղում գիտական դրամաշնորհների տրամադրման կարգը, որը կարող եք ներբեռնել՝ սեղմելով այստեղ:

Մրցույթին մասնակցելու հայտը սոսնձված և ստորագրված ծրարով ներկայացվում է «Տավուշ» հետազոտական կենտրոն աշխատանքային օրերին՝ ժամը 9:00-12:00-ն կամ փոստով՝ մինչև 2021թ. ­­­­­­­­­­­­­­­­­­­­­մարտի 10-ը ներառյալ:  

Մրցույթի հրավերի ամբողջական փաթեթը հասանելի է այստեղ:

Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ «Տավուշ» հետազոտական կենտրոնի քարտուղարությունից՝ զանգահարելով 099-148-199 և 093-455-564 հեռախոսահամարներով:

Ուշադրություն. խնդրում ենք հայտերը լրացնելիս նախօրոք ծանոթանալ կարգին ու հրավերի պայմաններին՝  հաշվի առնելով, որ թերի կամ ոչ լիարժեք փաստաթղթեր պարունակող, ինչպես նաև սահմանված ժամկետից ուշ ներկայացված հայտերը չեն դիտարկվելու:

Հարգելի՛ դասախոսներ, հրավիրում ենք ձեզ մասնակցելու ռուսերենով կազմակերպվող “Web of  Science”  2021թ. փետրվարյան վեբինարների շարքին:

Ձեզ ենք ներկայացնում 2021 թվականի փետրվարի ժամանակացույցը:

«Ինչպե՞ս պատրաստել հրապարակում միջազգային գիտական ամսագրի համար»

Այս շարքի վեբինարները կվարի Վալերիա Կուրմակաևան:

1. Միջազգային ամսագրերում հրապարակումների հիմնական պահանջները.

Խմբագրի ակնկալիքները: Հրապարակումը մերժելու հիմնական պատճառները: Գրախոսների խմբագրումների հետ աշխատանքը: Գիտական հոդվածի կառուցվածքը: Գործնական խորհուրդներ հիմնական բաժինները գրելու համար: Ակադեմիական անգլերենի տարբերակիչ առանձնահատկությունները: Անոտացիաների կազմումը: Վերնագրումը: Հիմնաբառերի ընտրությունը:

– 15 փետրվարի, երկուշաբթի 09:00

– 16 փետրվարի, երեքշաբթի 12:00

– 17 փետրվարի, չորեքշաբթի 15:00

Ընդհանուր գրանցման էջ

2. Մատենագիտության հետ աշխատելու EndNote-ի հնարավորությունները.

EndNote Online-ի միջոցով սեփական մատենագիտական տվյալների բազայի ստեղծումը: Գրառումների տեսակավորումը, խմբերի ստեղծումը և դրանց հասանելիության վերահսկումը: Մատենագիտության ձևավորման ձևանմուշների օգտագործումը: Cite-while-You-Writing մոդուլի օգտագործումը Microsoft Word-ի համար և մատենագիտական ցանկի կազմումը անմիջապես տեքստը գրելիս:

– 15 փետրվարի, երկուշաբթի 12:00

– 16 փետրվարի, երեքշաբթի 15:00

– 17 փետրվարի, չորեքշաբթի 09:00

Ընդհանուր գրանցման էջ 

3. Հրապարակման պատրաստում. տեքստի կազմում և խմբագրում, խմբագրի աշխատանք.

Գիտական հոդվածի տեքստի կազմակերպման հիմնական սկզբունքները: Փաստարկ անգլախոս ավանդույթի մեջ: Ինչպես խմբագրել տեքստը նրա կազմման բոլոր մակարդակներում: Ավտոմատ խմբագրման սկզբունքները: Որն է խմբագրի աշխատանքը:

– 15 փետրվարի, երկուշաբթի 15:00

– 16 փետրվարի, երեքշաբթի 09:00

– 17 փետրվարի, չորեքշաբթի 12:00

Ընդհանուր գրանցման էջ 

Վեբինարների 2-րդ շարքի թեման է «Գիտական վերլուծություն. Web of  Science և InCites», որը կվարի կ.գ.թ. Իրինա Տիխոնկովան:

Վեբինարների 3-րդ շարքը «Web of Science-ի հետ աշխատելու հիմունքները» թեմայով է, որը կվարի Վարվառա Սոսեդովան: 

«Web of Science 2021 փետրվար» վեբինարների շարքի մասին ամբողջական տեղեկատվությանը կարող եք ծանոթանալ հետևյալ հղումով:  

Հարգելի՛ դասախոսներ և ուսանողներ, սիրով տեղեկացնում ենք, որ 2021թ. փետրվարի 9-ից կմեկնարկեն ԵՊՀ ԻՄ-ի առկա ուսուցման 2020-2021 ուստարվա 2-րդ կիսամյակի բակալավրիատի դասերը, որոնք կիրականացվեն  առկա և առցանց եղանակների զուգորդումով:

Ըստ այդմ՝ ԵՊՀ ԻՄ-ի տեղեկատվական համակարգերի սպասարկման և զարգացման բաժնի աշխատակիցները ակադեմիական խմբերի համար ձևավորել են անհրաժեշտ քանակի Zoom-հարթակներ:

Խմբերում դասավանդող դասախոսները  իրենց էլեկտրոնային հասցեներին կստանան դեպի հարթակ մուտքի լոգինը (մուտքաբառը) և գաղտնաբառը՝ դասընթացները կազմակերպելու իրավունքով: Նրանց համար մշակվել է նաև ծրագրի ներդրման և աշխատելու համառոտ ուղեցույց:  Դասախոսների ուղեցույցը հասանելի է այստեղ:

Ուսանողներն իրենց էլեկտրոնային հասցեներին կստանան խմբի համար նախատեսված հղումները՝ դասընթացներին անմիջական մասնակցության իրավունքով: Նրանց անհրաժեշտ կլինի դասացուցակով նախատեսված ժամերին ակտիվացնել համապատասխան հղումը: Ուսանողների համար նույնպես մշակվել է համառոտ ուղեցույց, որը հասանելի է այստեղ:

Տեղեկացնում ենք նաև, որ բոլոր դասացուցակները հասանելի են մասնաճյուղի կայքէջում.

• Բնական գիտությունների ֆակուլտետ,
• Հումանիտար գիտությունների ֆակուլտետ,
• Տնտեսագիտության ֆակուլտետ,
• Կիրառական արվեստի ֆակուլտետ:

Ժամատախտակը հասանելի է այստեղ: 

Ցանկացած հարցի կամ տեխնիկական խնդրի դեպքում խնդրում ենք անմիջապես կապվել ԵՊՀ ԻՄ-ի ՏՀՍԶ բաժնի աշխատակիցների հետ հետևյալ հեռախոսահամարներով՝  094 11 21 01  կամ  077 83 07 60:

2021թ. մարտի 13-ին՝ ժամը 11:00-ին, Երևանի պետական համալսարանն Իջևանի մասնաճյուղում անցկացնելու  է դպրոցական օլիմպիադայի I փուլը:

Օլիմպիադան կանցկացվի հետևյալ հանրակրթական առարկաների գծով՝

• մաթեմատիկա,
• ֆիզիկա,
• քիմիա,
• կենսաբանություն,
• աշխարհագրություն,
• հայ ժողովրդի պատմություն,
• հայոց լեզու և գրականություն,
• ռուսաց լեզու,
• անգլերեն,
• գերմաներեն,                                             
• ֆրանսերեն,
• ստեղծագործական աշխատանք,
• սոցիոլոգիա:

 «Ինֆորմատիկա» առարկայից օլիմպիադան կանցկացվի մեկ փուլով ԵՊՀ-ում՝ մարտի 27-ին՝ ժամը 11:00-ին:

Օլիմպիադան նախատեսված է միայն 12-րդ դասարանի աշակերտների համար: Ըստ առարկաների՝ յուրաքանչյուր դպրոցից կարող է մասնակցել 2-3 աշակերտ (ամեն աշակերտ օլիմպիադային կարող է մասնակցել միայն 1 առարկայից)։

Օլիմպիադայի մասնակիցները մարտի 13-ին՝ ժամը 10:30-ին, պետք է ներկայանան ԵՊՀ Իջևանի մասնաճյուղ:

Անհրաժեշտ է, որ դպրոցների տնօրենները մինչև ս.թ. փետրվարի 20-ը հաստատեն իրենց աշակերտների մասնակցությունը՝ ըստ առարկաների նշելով աշակերտի անունը, հայրանունը, ազգանունը, դասարանը և ուղարկելով հետևյալ հասցեով՝ ՀՀ, ք. Իջևան, Ուսանողական 3, ԵՊՀ Իջևանի մասնաճյուղ (հեռ.՝ (0263) 40035, (0263) 40050):

Մասնակիցների հայտերը կարելի է ուղարկել նաև էլեկտրոնային փոստով՝  vahanagha@yandex.ru հասցեով:

I փուլի հաղթողները կմասնակցեն օլիմպիադայի II փուլին, որը տեղի կունենա մարտի 27-ին՝ ժամը 11:00 -ին, Երևանի պետական համալսարանում:

Օլիմպիադայի փակման և պարգևատրման արարողությունը տեղի կունենա ապրիլի 23-ին՝ ժամը 15:00-ին, Երևանի պետական համալսարանի Մեծ դահլիճում (Կենտրոնական մասնաշենք, 3-րդ հարկ):

Ի գիտություն

ԵՊՀ գիտական խորհրդի որոշմամբ՝ օլիմպիադայում հաղթած (I, II և III կարգի դիպլոմների արժանացած աշակերտներին Համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40 և 30 տոկոս ուսման վարձի զեղչ:

Եթե ՀՀ-ում համավարակի իրավիճակը բարդանա, ապա օլիմպիադան կանցկացվի առցանց:

Հարցերի դեպքում կարող եք զանգահարել Վահան Աղաբաբյանին (096987654- Vivacell, 096557556 –Beeline):

«Դասավանդի՛ր, Հայաստան» հիմնադրամը, կարևորելով կրթության հասանելիությունը ինչպես դպրոցական, այնպես էլ բուհական մակարդակում, 2020-2021 ուստարվա 2-րդ կիսամյակի համար հայտարարում է ուսման վարձավճարը ամբողջապես փոխհատուցող կրթաթոշակ՝ բակալավրիատում և մագիստրատուրայում սովորող ավարտական կուրսի այն ուսանողների համար, որոնք.

• սովորում են բնագիտական, մաթեմատիկական կամ ՏՏ ուղղվածություն ունեցող ֆակուլտետներում (STEM),
• ունեն բարձր առաջադիմություն. ՄՈԳ-ը բարձր է 15-ից (20 բալանոց համակարգով),
• պատրաստակամ են տվյալ կրթական աստիճանը ստանալուց (բակալավրիատ/մագիստրատուրա) անմիջապես հետո միանալ «Դասավանդի՛ր, Հայաստան»-ի Առաջնորդության զարգացման երկամյա ծրագրին:
• Դրական ազդեցություն են ունեցել այն կազմակերպություններում կամ համայնքներում, որտեղ եղել են ներգրավված:

«Դասավանդի՛ր, Հայաստան»-ի կրթաթոշակի մանրամասները կարող եք տեսնել այստեղ:

Առցանց հայտադիմումը կարող եք լրացնել այստեղ:

«Դասավանդի՛ր, Հայաստան»-ի Առաջնորդության զարգացման երկամյա ծրագրի մանրամասներին կարող եք ծանոթանալ այստեղ:

«ԴԱՍԱՎԱՆԴԻ՛Ր, ՀԱՅԱՍՏԱՆ» ԿՐԹԱԿԱՆ ՀԻՄՆԱԴՐԱՄ