«ԱՐՓԱ» ինստիտուտը հայտարարում է նորարարության ամենամյա մրցույթ ՀՀ մինչեւ 35 տարեկան երիտասարդ գիտնականների (ներառյալ ուսանողների) համար:

Դիմումների ներկայացման վերջին ժամկետը ս.թ. մայիս 31-ն է:

 Մանրամասներն՝ այստեղ:

“Հանուն Մարդկային Կայուն Զարգացման” ասոցիացիան Հայաստանի երիտասարդական հիմնադրամի աջակցությամբ կազմակերպում է “Էկոտուրիզմը գյուղական համայնքներում. Հիմախնդիրները և արդի լուծման ուղիները” խորագիրը կրող սեմինար, որը նախատեսված է գործող և ուսանող տուրիստական գործակալների, զբոսավարների, էկոտուրիզմի ոլորտի երիտասարդ աշխատակիցների համար:
Ծրագիրը նախատեսվում է անցկացնել ք.Ծաղկաձորում մայիսի 26-28 ընկած ժամանակահատվածում:

Միացյալ ազգերի կազմակերպությունը 2017թ-ը հայտարարել է որպես Կայուն զբոսաշրջության զարգացման միջազգային տարի (A/RES/70/193), որը եզակի հնարավորություն է ընձեռնում բարձրաձայնել Հայաստանում էկոտուրիզմի զարգացման հեռանկարներն ու առկա խոչընդոտները: Միևնույն ժամանակ ՀՀ բնապահպանության նախարարությունը զարգացման գերակա ուղղություններից մեկը է հայտարարել կայուն տուրիզմը: Ուստի սույն ծրագիրն ուղղված է նպաստելու և խրախուսելու կայուն տուրիզմը Հայաստանում առհասարակ՝ շեշտը դնելով գյուղական համայնքների վրա:

Ծրագրի նպատակն է՝

• խթանել Հայաստանում կայուն տուրիզմի բիզնեսի զարգացման և դեպի նշված ոլորտ ներդրումների հոսքի ակտիվացմանը;
• նպաստել բնության պահպանվող տարածքների անքակտելի ու կայուն զարգացմանը, խնայողաբար օգտագորմանը և հաջորդ սերունդներին հնարավորինս անձեռնմխելի փոխանցմանը;
• աջակցել գյուղական համայնքների զարգացմանը։

Ծրագիրը կնպաստի գյուղական համայնքներում կայուն էկոտուրիզմի զարգացմանը։
Ծրագիրը կլուսաբանի էկոտուրիզմի զարգացման հիմնախնդիրները, կտրվեն հնարավոր լուծման ուղիները և կվերլուծվի համայնք-պահպանվող տարածք-տուրօպերատոր եռակողմ կապը:

Ծրագրի առանցքային թեմաներն են ՝

1. Զբոսաշրջության կառավարման ձևեր և առաջարկություններ;
2. Գյուղական համայնքի զարգացման մոդելները, առավելություններն ու սահմանափակումները;
3. Համայնք-գործակալություն համագործակցության հիմնական քայլերը;
4. Պատմամշակութային վայրեր և կոթողներ;
5. Համայնքում զբոսաշրջության ռեսուրսների և ենթակառուցվացքի գնահատում;
6. Առաջարկվող զբոսաշրջության տեսակներ և երթուղիներ;
7. Բիզնես ծրագրերի կազմում զբոսաշրջության ոլորտում:

Ընտրության կարգ

Մասնակիցները պետք է լինեն գործող և ուսանող

• տուրիստական գործակալներ,
• զբոսավարներ,
• էկոտուրիզմի ոլորտի երիտասարդ աշխատակիցներ

Լրացված հայտերն ուղարկել nersisyan.liana@gmail.com էլ.հասցեով մինչև 22.05.2017, ժամը 24.00:

Ընտրված մասնակիցները կտեղեկացվեն մինչև 23.05.2017

Ծրագրի բոլոր ծախսերը ֆինանսավորում է կազմկոմիտեն:

Ծրագիրն իրականացվում է ՀՀ նախագահի գործընկեր կազմակերպության` Հայաստանի երիտասարդական հիմնադրամի հայտարարած
դրամաշնորհի մրցույթի շրջանակներում:

Աղբյուրը՝ http://heh.am

2017թ. մայիսի 20-ին՝ ժամը 13:30-ին, Իջևանի մարզադպրոցի ֆուտբոլի դաշտում տեղի կունենա ֆուտբոլի մասնաճյուղային առաջնություն:

Մասնակցելու համար մինչև մայիսի 19-ը կարող եք դիմել Արտակարգ իրավիճակների, մարմնակրթության և սպորտի ամբիոն:

ՄԱԿ-ի Զարգացման ծրագրի կողմից իրականացվող և ՌԴ կողմից ֆինանսավորվող «Գյուղական Զբոսաշրջության Ինտեգրացված Զարգացում» նախագծի շրջանակներում աշխատանքային պրակտիկայի հնարավորություն է տրվում Տավուշի մարզի երիտասարդներին, որոնք հետաքրքրված են մարզի գյուղական տուրիզմի զարգացմամբ:

6-ամսյա պրակտիկան հնարավորություն կունենանք անցկացնել ԵՊՀ Իջևանի մասնաճյուղում բացված Տուրիզմի զարգացման և հետազոտական կենտրոնում:

Կենտրոնի նպատակներն են՝

• Ներգրավել մարզի երիտասարդներին գյուղական տուրիզմի զարգացմանը,
  ապահովել երիտասարդներին աշխատանքային փորձով և նոր հմտություններով,
• գյուղական տուրիզմի զարգացմանն ուղղված նորարական գաղափարներ, մոտեցումներ և բիզնես ծրագրեր մշակել,
• հնարավորություն տալ երիտասարդներին նոր, առավել մրցունակ ձեռնարկություններ և աշխատատեղեր ստեղծել:

Կարող են դիմել բուհի բարձր կուրսերի ուսանողները և շրջանավարտները:

Օտար լեզվի և համակարգչային գիտելիքների իմացությունը պարտադիր է:

Դիմելու վերջնաժամկետն է մայիսի 18-ը, 2017թ.:

Լրացրեք առցանց Դիմում-հայտը https://goo.gl/forms/0yn0vi4CyaSIOeTw1, միաժամանակ tourism.am@undp.org և lianadoy@yahoo.com էլեկտրոնային փոստի հասցեներին ուղարկեք ձեր ինքնակենսագրականը (CV) և անձնագրի պատճենը (սքան կամ ֆոտո տարբերակով)՝ նամակի թեմա բաժնում նշելով YCT_Internship: Առանց կից փաստաթղթղերի ձեր դիմում-հայտը չի դիտարկվի: Բոլոր դիմորդները կհրավիրվեն հարցազրույցի: Հարցերի դեպքում զանգահարեք՝ 091435136: