2016թ. ապրիլի 14-ին՝ ժամը 13:00-ին, Իջևանի քաղաքային պատկերասրահում տեղի կունենա ԵՊՀ ԻՄ-ի կիրառական արվեստի ֆակուլտետի դասախոսների և ուսանողների աշխատանքների ցուցահանդեսը՝ «Երեք սերունդ» խորագրով:
Բոլորին սիրով հրավիրում ենք:
2016թ. ապրիլի 15-ին՝ ժամը 13:00-ին, ԵՊՀ ԻՄ-ի օնլայն լսարանում տեղի կունենա «Հայաստանի անդամակցությունը ԵՏՄ-ին» խորագրով կոնֆերանս, որի ընթացքում Տնտեսագիտության ֆակուլտետի ուսանողները կներկայացնեն զեկուցումներ:
Կոնֆերանսը կազմակերպել է ֆակուլտետի ուսանողական գիտական ընկերությունը՝ Ընհանուր տնտեսագիտության ամբիոնի վարիչ, տ.գ.դ., պրոֆեսոր Հ.Մարզպանյանի ղեկավարությամբ:
Մեդիամաքսը հայտարարում է էսսեների մրցույթ, որի համար առաջարկվում է երկու թեմա։
1. «Մենք հաղթել ենք․ օգնենք մյուսներին էլ հաղթել»
Կարո՞ղ է ընդամենը 25 տարի առաջ իր անկախությունը վերականգնած Հայաստանը օգնել մյուսներին։
Հայ խաղաղապահները Աֆղանստանում, հայ փրկարարները երկրաշարժից տուժած Վանում՝ քաղաքական կոռեկտության տո՞ւրք են, թե՞ օգնելու անկեղծ ցանկություն։
Հայազգի ֆրանսիացի գիտնականը, որը գնացքում վնասազերծեց ահաբեկչին, համազգային հպարտության օրինա՞կ է, թե՞ հայերը, ինչպես միշտ, չափազանցնում են։
Պե՞տք է արդյոք հայերն օգնեն Իրաքում «Իսլամական պետության» գործողությունների հետեւանքով տուժած եզդիներին։
Պայմաններ
Նախագծին կարող են մասնակցել 18-40 տարեկան ՀՀ քաղաքացիները։ Կարող են մասնակցել նաեւ Հայաստանում հատուկ կացության կարգավիճակով բնակվող հայերը։
Էսսեի առավելագույն ծավալը 800 բառ է։ Նշված ծավալը գերազանցող էսսեները նախագծին չեն մասնակցի։
Էսսեներն ընդունվում են հայերենով։ Միայն բացառիկ դեպքերում էսսեները կարող են ընդունվել ռուսերեն ու անգլերեն լեզուներով:
Նախագծի անցկացման ժամկետն է մարտի 21-ից մինչեւ ապրիլի 10-ը (ներառյալ)։
Նախագծի հաղթողը կհայտարարվի ապրիլի 15-ին Mediamax.am կայքում։ Նախագծի հաղթողը կստանա դրամական պարգեւ՝ 1 000 000 դրամի չափով։
Հաղթողին ընտրելու է Մեդիամաքսի եւ 100LIVES նախագծի ներկայացուցիչներից կազմված հանձնաժողովը։
Այն դեպքում, եթե չի հաջողվի ընտրել բացարձակ հաղթողին, հանձնաժողովն իրեն իրավունք է վերապահում մի քանի մասնակիցների հրավիրել հարցազրույցի, որի արդյունքում կարող է որոշում կայացվել դրամական պարգեւը մի քանի մասնակցի միջեւ բաշխելու մասին։
Հանձնաժողովը նաեւ իրեն իրավունք է վերապահում որոշում կայացնել լրացուցիչ պարգեւի/պարգեւների շնորհման մասին։ Նման որոշման դեպքում լրացուցիչ պարգեւի/պարգեւների մասին կհայտարարվի առանձին։
Մասնակիցները երաշխավորում են, որ իրենք են ներկայացված էսսեների իրական հեղինակները։ Հեղինակային իրավունքի խախտման բացահայտման դեպքում մասնակիցը որակազրկվում է։
Ներկայացված էսսեները չպետք է պարունակեն բացահայտ քաղաքական կոչեր եւ ցուցադրեն հեղինակի հնարավոր քաղաքական կամ կուսակցական պատկանելությունը։ Այս պայմանին չհամապատասխանող էսսեները չեն մասնակցելու նախագծին։
Նախագծի ընթացքում էսսեները հրապարակվելու են Mediamax.am կայքի հատուկ բաժնում՝ բացի այն աշխատանքներից, որոնք․
– չեն համապատասխանում կազմակերպիչների ներկայացված թեմաներին;
– պարունակում են վիրավորական եւ այլ արտահայտություններ, որոնք հակասում են ՀՀ օրենսդրությանը։
Հեղինակները պետք է ուղարկեն էսսեները contest@mediamax.am էլեկտրոնային հասցեին՝ թեմայում նշելով «Երկրորդ շանս»։ Էսսեին հեղինակները պետք է կցեն իրենց անձնագրի սքանավորված տարբերակը, լուսանկարը (էսսեի հետ կայքում հրապարակելու համար) եւ կոնտակտային տվյալները։ Առանց անձնագրի պատճենի, լուսանկարի եւ կոնտակտային տվյալների ուղարկված էսսեները չեն ընդունվելու։
Յուրաքանչյուր հեղինակ կարող է էսսե ներկայացնել միայն մեկ թեմայով։
Աղբյուրը՝ armacad.info
2016թ. ապրիլի 15-ին՝ ժամը 14:00-ին, ԵՊՀ ԻՄ-ի օնլայն լսարանում տեղի կունենա Բանավեճի ակումբի քննարկումը՝ «Հող և հայրենիք» թեմայով:
Ստորև ներկայացնում ենք քննարկվելիք հարցերի մոտավոր շրջանակը.
2016թ. ապրիլի 7-ին ԵՊՀ Իջևանի մասնաճյուղում տեղի ունեցավ բանավեճի ակումբի հերթական քննարկումը՝ այս անգամ նվիրված Մայրության և գեղեցկության օրվան:
Քննարկմանը մասնակցում էին մասնաճյուղի ուսանողներ և աշխատակիցներ:
«Վերջին շաբաթվա ընթացքում մեր երկիրն ու ազգը վերապրեցին հերթական մեծ փորձությունը՝ կապված Լեռնային Ղարաբաղի Հանրապետության վրա Ադրբեջանի կողմից սանձազերծված հարձակման հետ», որից պատվով դուրս եկանք մեր հերոս տղաների, ողջ հայության համախմբվածության, պատմական արդարությունն ու մարդկայնությունը պաշտպանելու վճռականության շնորհիվ»,- քննարկման սկզբում նշեց Բանավեճի ակումբը վարող, սոցիոլոգ Է.Կյուրեղյանը:
Մեկ րոպե լռությամբ ներկաները հարգեցին հակամարտության օրերին զոհված զինվորների, խաղաղ բնակչության վառ հիշատակը:
Այնուհետև ներկայացվեց օրվա խորհուրդը, զուգահեռներ անցկացվեցին «Մարտի 8»-ի և «Ապրիլի 7-ի» միջև: «Աշխարհում որպես կանանց տոն նշվում է մարտի 8-ը, սակայն մի աներևույթ, ամենակարող ուժ, պատմական մաքառումների, դաժան ճակատագրի և ցուցաբերած հերոսական ջանքերի համար կարծես Հայ մորն ու կնոջը յուրովի «նվեր» է մատուցել կանանց միամսյա տոնի տեսքով: Չնայած հանուն ճշմարտության պետք է խոստովանել, որ բանականության ու բարոյականության թելադրանքով կանանց հանդեպ ուշադրությունն ու հոգատարությունը պետք է դրսևորվի տարվա բոլոր օրերին»,- նշեց պարոն Կյուրեղյանը:
Առանց նսեմացնելու կամ թերագնահատելու մնացած ազգերի ու ժողովուրդների կանանց որակները, կամ արհեստականորեն գերագնահատելու մեր կանանց որակները, հատուկ հիմնավորվեց ու ընդգծվեց հայ կնոջ առաքինությունը, անկրկնելի հմայք շնորհող ամոթխածությունը, ընտանիքին հավատարմությունը, անսահման սերն ու նվիրվածությունը երեխաների հանդեպ, ազգային արժանապատվության վեհ զգացողությունը, հայրենասիրությունն ու մարդասիրությունը, հատկանիշներ, որոնց մեծ մասը լիուլի դրսևորվեցին նաև փորձության վերջին օրերին: Այդ հատկանիշները ոչ միայն Հայաստանում, այլև դաժան ճակատագրի բերումով ողջ մոլորակի վրա սփռված Հայ կնոջը դարձնում են հարազատ ու սիրելի իրենց սոցիալական միջավայրի համար: Դրա ապացույցները բազմաթիվ են ամենատարբեր երկրների (Ֆրանսիա, Ռուսաստան, ԱՄՆ, Գերմանիա, Իտալիա, Իրան, Սիրիա, Լիբանան, Հնդկաստան և այլն) մտավորականության, գիտության և մշակույթի գործիչների հիշատակումներում, գեղարվեստական ստեղծագործություններում:
Քննարկման ընթացքում շոշափվեցին ընտանիքի կայունության, ընտանեկան սիրո, դրա փիլիսոփայական ըմբռնման, կնոջ կրթության և ինքնակրթության հարցերը: Առանձին ուշադրության առարկա դարձավ գիտելիքի, ուսման հանդեպ մասնաճյուղի «գեղեցիկ սեռի» վերաբերմունքի հիմնախնդիրը: Յուրովի վեր հանվեցին ուսմանը պատշաճորեն չվերաբերվելու, համատեղ կրթական կյանքի հանդեպ երբեմնի անտարբերության, դրա հասցրած վնասի հարցերը:
Շեշտադրվեց բարեկրթության, համակողմանի գիտելիքների, աշխարհայացքային ինքնակրթության կարևորությունը կայուն ընտանիքի, առողջ սերնդի ձևավորման, նրա մեջ հայրենասիրական ու մարդասիրական ոգու ներարկման հարցում. մի ճշմարտություն, որը հավանության արժանացավ մասնակիցների գերակշիռ մեծամասնության կողմից: