ԵՊՀ Իջևանի մասնաճյուղի տնօրենի 2014 թ. հունվարի 10-ի № 3 հրամանով հաստատվել են մասնաճյուղի բակալավրի և մագիստրոսի կրթական ծրագրերով առկա ուսուցման 2013-2014 ուսումնական տարվա երկրորդ կիսամյակի ուսումնական գործընթացի կազմակերպման ժամանակացույցերը.

1. Բակալավրի և մագիստրոսի կրթական ծրագրերով առկա ուսուցման 2013-2014 ուստարվա երկրորդ կիսամյակի ուսումնական պարապմունքներն սկսել փետրվարի 3-ից:

2. 2013-2014 ուստարվա երկրորդ կիսամյակի ուսումնական պարապմունքներն ավարտել`
ա) բակալավրիատի I և II կուրսերը` մայիսի 24-ին, IV կուրսերը` մարտի 29-ին,
բ) մագիստրատուրայի I կուրսը` մայիսի 24-ին, II կուրսը` մարտի 29-ին:

3. 2013-2014 ուստարվա երկրորդ կիսամյակի ուսման վարձի պարտք ունեցող ուսանողներին արգելել մասնակցել ստուգարքներին և քննություններին:

4. Առաջին ընթացիկ ստուգումներն ու քննություններն անցկացնել`
ա) բակալավրիատի I և II կուրսերում` ս/թ մարտի 17-29-ը, IV կուրսերում` փետրվարի 24-ից մինչև մարտի 1-ը,
բ) մագիստրատուրայի I կուրսում` մարտի 17-29-ը, II կուրսում` փետրվարի 24-ից մինչև մարտի 1-ը:

5. Երկրորդ ընթացիկ ստուգումներն ու քննություններն անցկացնել`
ա) բակալավրիատի I և II կուրսերում` մայիսի 19-31-ը, IV կուրսերում` մարտի 24-29-ը,
բ) մագիստրատուրայի I կուրսում` մայիսի 19- 31-ը, II կուրսում` մարտի 24-29-ը:

6. Կուրսային աշխատանքների և ստուգարքների հանձնումն իրականացնել`
ա) բակալավրիատի I և II կուրսերը` մայիսի 19-31-ը, IV կուրսերը` մարտի 31-ից մինչև ապրիլի 5-ը,
բ) մագիստրատուրայի I կուրսը` մայիսի 19-31-ը, II կուրսը` մարտի 31-ից մինչև ապրիլի 5-ը:

7. 2013-2014 ուստարվա երկրորդ կիսամյակի քննաշրջանն անցկացնել`
ա) բակալավրիատի I և II կուրսերինը` հունիսի 2-ից մինչև սեպտեմբերի 20-ը, իսկ IV կուրսերինը` ապրիլի 1-26-ը,
բ) մագիստրատուրայի I կուրս` հունիսի 2-ից մինչև սեպտեմբերի 20-ը, II կուրս` ապրիլի
1-26-ը:

8. Մնացորդային գիտելիքների ստուգումներն անցկացնել մարտի 3-15-ը:

9. Ամփոփիչ ատեստավորումն ավարտել մինչև ս/թ մայիսի 31-ը:

10. Յուրաքանչյուր շաբաթվա վերջում ներկայացնել ուսանողների հաճախումների ամփոփ տվյալները:

11. Պրոֆեսորադասախոսական կազմի ամառային արձակուրդի ժամկետը նախատեսել ս/թ հուլիսի 14-ից մինչև օգոստոսի 23-ը:

Հեռակա ուսուցման 2013-2014 ուստարվա երկրորդ
կիսամյակի ուսումնական գործընթացի կազմակերպման
ժամանակացույց

1. Հեռակա ուսուցմամբ I-IV կուրսերի 2013-2014 ուստարվա երկրորդ կիսամյակի ուսումնական պարապմունքներն սկսել ս.թ. մարտի 3-ից և ավարտել մարտի 29-ին, իսկ V կուրսերինը` մարտի 3-15-ը:

2. Հեռակա ուսուցմամբ ավարտական կուրսերի համար ս/թ մայիսի 12-ից մինչև 24-ն անցկացնել ուսումնական կոնսուլտացիաներ և ավարտական աշխատանքների նախապաշտպանություն:

3. 2013-2014 ուստարվա երկրորդ կիսամյակի ընթացիկ ստուգումներն ու քննություններն անցկացնել.
ա) I-IV կուրսերի 1-ին ընթացիկ ստուգումներն ու քննությունները` ապրիլի 1-12-ը, իսկ V կուրսերինը` մարտի 17-22-ը,
բ) I-IV կուրսերի 2-րդ ընթացիկ ստուգումներն ու քննությունները` մայիսի 19-31-ը, իսկ V կուրսերինը` ապրիլի 1-5-ը:
I-IV կուրսերի 2013-2014 ուստարվա երկրորդ կիսամյակի քննաշրջանն անցկացնել ս/թ հունիսի 2-ից մինչև սեպտեմբերի 27-ը, իսկ V կուրսերինը` ապրիլի 7-ից մինչև մայիսի 3-ը:

4. Մինչև ս.թ. հուլիսի 1-ը ներկայացնել շրջանավարտների ամփոփիչ ատեստավորման արդյունքների վերաբերյալ հաշվետվությունները:

Շրջանավարտների և կարիերայի կենտրոնը այսուհետև մասնաճյուղի պաշտոնական էլ. կայքի /www.ijevan.ysu.am/ «Շրջանավարտ» բաժնում պարբերաբար կներկայացնի թափուր աշխատատեղերի վերաբերյալ հայտարարություններ:

Բացի այդ՝ լրացնելով գրանցման թերթիկը /sylfaen տառատեսակով/ և ուղարկելով shrjanavartysuib@gmail.com էլեկտրոնային հասցեով՝ դուք կընդգրկվեք «Շրջանավարտների և կարիերայի կենտրոնի» բազայում և կենտրոնի կողմից պարբերաբար կստանաք տեղեկատվություն թափուր աշխատատեղերի, վերապատրաստման դասընթացների և կրթական այլ ծրագրերի մասին:

ՀՀ ԿԳ նախարարության Վանաձորի Հովհ. Թումանյանի անվան պետական մանկավարժական ինստիտուտը կազմակերպում է գիտաժողով` «Երկու հարյուրամյակ»` նվիրված Հովհ. Շիրազի և Համո Սահյանի ծննդյան 100-ամյակներին և ստեղծագործությանը:

Գիտաժողովի աշխատանքային լեզուներն են՝ հայերեն, ռուսերեն, անգլերեն:

Գիտաժողովի կազմակերպչական հանձնախմբի կողմից հավանության արժանացած աշխատանքները կտպագրվեն գիտաժողովի նյութերն ամփոփող ժողովածուում:

Աշխատանքներն ընդունվում են մինչև  2014թ. մարտի 1-ը թղթային և էլելտրոնային տարբերակներով` ՀՀ, Լոռու մարզ, ք. Վանաձոր, Տիգրան Մեծի 36 հասցեով (գիտական մաս), կամ էլեկտրոնային փոստով`santoyan.vspi@mail.ru:

Էլեկտրոնային փոստով ուղարկելու դեպքում հեղինակները զանգով կամ այլ հաղորդագրությամբ հավաստում են իրենց հեղինակային իրավունքը: Մինչև 2014թ. մարտի 10-ը հայտատուները կտեղեկացվեն աշխատանքը գիտաժողովի կազմակերպիչների կողմից ընդունված  լինելու մասին:

Գիտաժողովը կանցկացվի Վանաձորի պետական մանկավարժական ինստիտուտում 2014 թ. ապրիլի 11-ին, սկիզբը` ժամը 12<sup>00</sup>-ին (մասնակիցների գրանցումը` ժամը 11⁰⁰-ին ):

Լրացուցիչ տեղեկությունների համար զանգահարել (0322) 20917 (գիտական աշխատանքների գծով պրոռեկտոր), (0322) 41855-158 կամ (093)338996 (գրականության ամբիոնի վարիչ), (077) 067797 (լրատվության բաժնի վարիչ) հեռախոսահամարներով:

Հոդվածին ներկայացվող պահանջները 

Հոդվածը կարելի է ներկայացնել հայերենով, ռուսերենով, անգլերենով: Տեքստի տառատեսակները. հայերեն` Armenian Phonetic Unicode (sylfaen), ռուսերեն` Arial LatRus, անգլերեն` Arial: Տեքստի տառաչափը` 12, միջտողային հեռավորությունը` 1.5, էջի ֆորմատը` A4 (210×297մմ), լուսանցքները. վերևից` 20 մմ, ներքևից` 25 մմ, ձախից` 30 մմ, աջից` 10 մմ:

Առաջին էջի վերևում տրվում է վերնագիրը` գլխատառերով, մեջտեղում, 12 տառաչափով, իսկ հեղինակի (ների)   Ա. Հ. Ազգանունը (ները)՝ 10 տառաչափով: Եթե աշխատանքը հայերեն է, մեկ տող ներքև տրվում է հայոց լեզվով համառոտագիրը (анотация)` 9 տառաչափով, 5-6 առանցքային բառերով, վերջում` գրականությունից հետո, ռուսերեն և անգլերեն տրվում են վերնագիրը` 12, հեղինակները` 10, համառոտագրի տեքստը և առանցքային բառերը` 9 տառաչափով: Հոդվածի ռուսերեն, անգլերեն տարբերակներում համապատասխանաբար փոխվում են համառոտագրերը: Տեքստը հավաքել առանց տողադարձերի և չօգտագործել 1-ից ավելի միջբառային բացատ (տՐՏոպս):

Հոդվածի ավարտից մեկ տող ներքև՝ մեջտեղում նշվում է Գրականություն (փոքրատառ, bold, 10 տառաչափով)` ըստ ընդունված ստանդարտի,  9 տառաչափով տրվում է գրականության ցանկը` համարակալված ըստ օգտագործման  հերթականության, հեղինակ (ների) ազգանունը ա. հ.` 9 տառաչափով, հոդվածի վերնագիրը և հրատարակման տվյալները: Ցանկալի է գրականության ցանկում ընդգրկել 6-8 անվանումից ոչ ավելի հրատարակումներ:

Հոդվածը պարտադիր գրախոսվում է:

Անհրաժեշտության դեպքում ուղարկվում է արտաքին գրախոսման:

Հոդվածի  ընդհանուր ծավալը չպետք է գերազանցի 10 էջը:

Հոդվածը ներկայացնել A4 ֆորմատի վրա տպված (1 օրինակով) և էլեկտրոնային տարբերակով:

Հեղինակների և համապատասխան ամբիոնի վարիչի ստորագրությունները պարտադիր են: Եթե հեղինակն ասպիրանտ է կամ մագիստրանտ, անհրաժեշտ է նաև գիտական ղեկավարի ստորագրությունը: Առանձին էջի վրա ներկայացնել զեկուցման վերնագիրը, հեղինակ (ների) ազգանունը, անունը, հայրանունը, կոչումը (պրոֆ., դոց., ասպ., մագ., ուս.), աշխատավայրը և հեռախոսի համարը:

Եվրասիա Համագործակցություն հիմնադրամի հյուսիսային մասնաճյուղը /Իջևան ԻնֆոՏունը/ հայտարարում է «Երաժիշտներ առանց սահմանի» միջազգային փոխանակման ծրագրին մասնակցելու հայտերի ընդունման մրցույթ: Ծրագիրը տեղի կունենա Վրաստանում և իրականացվում է «Երիտասարդությունը շարժման մեջ» ծրագրի շրջանակներում: Դասընթացը բաղկացած է լինելու 3 փուլերից, որոնցից առաջին մասը տեղի է ունենալու Քոբուլեթի քաղաքում, երկրորդ մասը՝ Գորիում ` բռնի կեպրով տեղահանվածների ճամբարում, երորրդը ՝ Թբիլիսիում:

 Աշխատանքային լեզուն՝ անգլերեն:

Հետաքրքրված անձինք մինչև հունվարի 31-ը կարող են ուղարկել իրենց ինքնակենսագրությունը` vnerkararyan-epf-north@epfound.am էլեկտրոնային հասցեով:

Մանրամանսներին կարող եք ծանոթանալ հայտարարության  անգլերեն տարբերակում:

Բաց հասարակության հիմնադրամներ –Հայաստան (ԲՀՀ-Հայաստան) կազմակերպությունը՝ Բարձրագույն կրթության աջակցման ծրագրի շրջանակներում, հայտարարում է անհատական դրամաշնորհների մրցույթ ՀՀ բուհերի ուսանողների և ուսանողական խմբերի համար:  Մրցույթին կարող են դիմել ուսանողներ,  ովքեր ցանկանում են համատեղ հետազոտական աշխատանքներ իրականացնել իրենց անմիջական ուսումնառության կամ ավելի լայն գիտական հետաքրքրությունների շրջանակում՝ իրենց դասախոս-խորհրդատուների հետ համատեղ: Ծրագրի նպատակն է բարձրացնել ուսանողների կողմից կատարվող հետազոտությունների որակական հմտություները, նպաստել քննադատական մտածողության հմտությունների և գիտական ներուժի զարգացմանը՝ նպաստելով հետագա մասնագիտական կյանքում անհրաժեշտ հմտությունների ամրապնդմանը:  Ծրագիրը ուսանողակենտրոն է, այն ակնկալում է ուսանողների ակտիվ ներգրավվածությունը հետազոտական աշխատանքներում՝ հետազոտության խնդրի առաջադրման և հիմնավորման փուլերում, ինչպես նաև հետազոտության արդյունքների տարածման աշխատանքներում՝ սեմինարներին և ակադեմիական հրապարակումներում: Հետազոտման թեման չի կարող լինել ուսանողի կողմից արդեն իսկ ընտրված և նախահաստատված որևէ ռեֆերատի, ավարտական աշխատանքի կամ մագիստրոսական թեզի ցանկից:

Ծրագրի նպատակներն են.

–  Զարգացնել ուսանողների հետազոտական և մեթոդաբանական                               հմտությունները՝բակալավրիատում և մագիստրատուրայում,

–  Հնարավորություն տալ ուսանողներին ձեռք բերել հետազոտության գործնական հմտություններ և կիառել դրանք իրենց հետաքրքության շրջանակի հարցերում գործնական լուծումներ գտնելու համար: Զարգացնել ուսանողների մեջ այնպիսի հմտություններ,  ինչպիսիք են՝ քննական (քննադատական) և ստեղծագործական մտածողությունը, արդյունավետ հաղորդակցումը, թիմային աշխատանքը, բանակցելը, հասարական կյանքում լայն ներգրավվածություն ունենալը, և այլն

–  Նպաստել դասախոսների մենթորական հմտությունների զարգացմանը և դրանց ամրապնդմանը համալսարանական միջավայրում:

Ծրագիրը պետք է ընդգրկի հետևյալ պարտադիր բաղադրիչները.

1. Ուսանող-դասախոս համատեղ հետազոտական աշխատանք
2. Հետազոտության արդյունքների հրապարակայնացման աշխատանքներ (արդյունքների տարածում համալսարաններում, քննարկումների կազմակերպում, հետագա կիրառման  ռազմավարություն և այլն):

Խրախուսվում է արդյունքների հրապարակումը առցանց կամ տպագիր ամսագրերում: Հետազոտության իրականացման ընթացքում առավել հետաքրքրված և առաջադեմ ուսանողներին հնարավորություն կտրվի համագործակցել համապատասխան հասարակական կազմակերպությունների հետ: 

Թեմաներ

Հայտերը պետք է ներառեն, բայց չսահմանափակվեն հետևյալ թեմաներով. մարդու իրավունքներ, սոցիալական արդարություն, կրթության կառավարում, կրթական բարեփոխումներ և կրթության որակ, աշխատանքային իրավունք և շուկա, գենդերային հարցեր, ԶԼՄ-ներ և խոսքի ազատություն, հանրային առողջապահություն, բնապահպանություն, երիտասարդների մասնակցությունը ժողովրդավարական գործընթացներում, հակախտրական քաղաքականություն ու նորմեր, և այլն:

Ով կարող է դիմել

Մրցույթին կարող են մասնակցել բակալավրիատի 4րդ կուրսի և մագիստրատուրայի ուսանողներ, ինչպես նաև ուսանողական խմբեր: Ուսանողները պետք է կարողանան հստակորեն ներկայացնել հետազոտման ենթակա թեմաները՝ իրենց մենթոր-դասախոսների ուղղորդմամբ: Մենթորների համար թեկնածուական աստիճանը պարտադիր է, քաղաքականություն մշակելու և վերլուծելու փորձը ցանկալի է: Ուսանողները կարող են օգտվել արդեն գոյություն ունեցող տվյալներից կամ կատարել նոր ուսումնասիրություն իրենց հետաքրքրության թեմայի շուրջ:

Հայտերի ընդունման կարգը

Հայտ-դիմումները պետք է մշակվեն և ներկայացվեն ուսանողների կողմից՝ դիմելով մենթորների ուղղորդմանը, խորհուրդներին և փորձին: Մենթորները պետք է ներկայացնեն աջակցող նամակ, որում կնշվի համատեղ աշխատանքի կարգը և ձևը, ուսանողներից և դասախոսներից ակնկալվող աշխատանքները և վերջնական արդյունքի նկարագրությունը: Նամակում պետք է նաև հստակ նշված լինի, որ ներկայացվող թեման չի հետազոտվել նախկինում և դուրս է  համալսարանի կողմից նախանշված թեմաների ցանկից:

Մենթորները նաև պետք է ներկայացնեն ինքնակենսագրություն, նշելով հրապարակումների ցանկը, նախկինում կատարված հետազոտական աշխատանքների օրինակները: Հետազոտական աշխատանքների արդյունքները կարող են ներկայացվել հայերեն և/կամ անգլերեն և ունենան անգլերեն համառոտագիր: Բյուջեն չպետք է գերազանցի 2500 ԱՄՆ դոլլար, ինչը կարող է ներառել մենթորների և ուսանողների համար նախատեսված հոնորար, ճանապարհածախս և ադմինիստրատիվ ծախսեր:

Ակնկալիքները և աշխատանքի արդյունքը

Հետազոտության աշխատանքների արդյունքները պետք է ներկայացվեն ուսանողների կողմից, լինեն 8000 բառի սահմանում, պարտադիր ներառեն հստակ առաջարկություններ և գործողություններ, ինչպես նաև աշխատանքի համառոտագիրը: Ծրագրի տևողությունը չպետք է գերազանցի 6 ամիսը:

Ընտրված դիմորդների համար կկազմակերպվի հետազոտման և գրավոր հմտությունների զարգացման վերապատրաստման դասընթաց:

  Դիմումների ներկայացումը

Հետաքրքրված ուսանողները պետք է ներկայացնեն իրենց հետազոտության առաջարկների դիմում-հայտերը (դիմումի ձևը տես ստորև) և օժանդակ նյութերը հետևյալ էլ. հասցեին register@osi.am,  ինչպես նաև ներկայացնեն թղթային տարբերակները ԲՀՀՀ գրասենյակ (Երևան, Թումանյան 2րդ փակուղի,  տուն 7/1) մինչև 2014 թ. հունվարի 31ը: Հարցերի և լրացուցիչ տեղեկությունների համար կարող եք դիմել Բարձրագույն կրթության աջակցման ծրագրի պատասխանատու՝ Աննա Գևորգյանին,  հեռ. 53-38-62; 53-67-58, էլ. փոստ` anna@osi.am.

Մրցույթի հետ կապված հարցերի պարզաբանմանը նվիրված հանդիպումը տեղի կունենա Կոնգրես հյուրանոցում 2014թ. հունվարի 16-ին, ժամը 16.30-ին:

Մանրամասն տեղեկությունների համար կարող եք այցելել www.osi.am կայքը:

Դիմումի փաթեթ

•  Լրացված հետազոտության դիմումը
•  Ծրագրի  բյուջե
•  Մենթորի կենսագրություն (CV)
•  Մենթորի կողմից աջակցման նամակ
•  Նախագծի ղեկավարի/ուսանողի/ կենսագրություն (CV)