Երևանի պետական համալսարանի Իջևանի մասնաճյուղ

Հիմնական

featured

Տնօրենության նիստում

Ս.թ. հունվարի 23-ին ԵՊՀ Իջևանի մասնաճյուղում կայացավ տնօրենության հերթական նիստը, որին մասնակցում էին տնօրենության անդամները: Նիստը նախագահում էր տնօրեն Ս. Առաքելյանը:

Քննարկվեցին մի  շարք հարցեր, այդ թվում՝ մասնաճյուղի անձնակազմի հաստիքային  ցուցակի վերաբերյալ հարցը:

Նշվեց, որ անհրաժեշտ է հստակեցնել հաստիքացուցակը, որն ընդգրկում է մասնաճյուղի վարչակառավարչական, ուսումնաօժանդակ և սպասարկող անձնակազմի պաշտոնների հրահանգները՝ նրանց իրավունքների ու պարտականությունների ամրագրումով:

Ընթացքի մեջ են նաև դասախոսների պարտականությունների հստակեցման աշխատանքները:

Շարունակվելու է իրենց աշխատանքը հստակ ու բարեխղճորեն կատարող  աշխատողների դրույքաչափը ընդլայնելու գործընթացը:

Նախատեսվում է  այս տարի  մասնաճյուղի  աշխատողների միջին աշխատավարձը բարձրացնել 15%-ով:

23.01.13

Բնական գիտությունների ֆակուլտետի խորհրդի նիստում

Ս.թ. հունվարի 22-ին  տեղի ունեցավ ԵՊՀ Իջևանի մասնաճյուղի բնական գիտությունների ֆակուլտետի խորհրդի հերթական նիստը, որը նախագահում էր ֆակուլտետի դեկան Ա.Ցուցուլյանը:

Նիստին մասնակցում էին  խորհրդի 9 անդամները՝ դեկան, խորհրդի նախագահ Ա. Ցուցուլյանը,  ֆակուլտետի քարտուղար Հ.Գասպարյանը, բարձրագույն մաթեմատիկայի և ինֆորմատիկայի ամբիոնի վարիչ Մ.Զաքարյանը, ընդհանուր ֆիզիկայի ամբիոնի վարիչ Մ.Աթոյանը, անտառագիտության ամբիոնի վարիչ Ա.Ալավերդյանը, ասիստենտ  Է.Օսիպովան, արհմիության նախագահ Գ.Գուլակյանը, ՈՒԳԸ նախագահ Մ.Մելիքյանը, ՈՒԽ նախագահ  Պ.Ամիրխանյանը:

Խորհրդի նիստում ամփոփվեցին ֆակուլտետի 2012-2013 ուստարվա I  կիսամյակի քննաշրջանի արդյունքները: Ըստ կուրսերի՝ քննարկվեց ուսանողների ցուցաբերած առաջադիմությունը: Ապա ներկայացվեց 2012-2013 ուստարվա  I կիսամյակի  I լուծարքային շրջանի գրաֆիկը:

Ամբիոններին հանձնարարվեց առարկայական պարտք ունեցող ուսանողների հետ կազմակերպել ամենօրյա լրացուցիչ կոնսուլտացիաներ (խորհրդատվություններ)՝ընդգրկելով նաև կուրսղեկներին:

Մեկնարկել է շարժունակության մասին «Էրազմուս Մունդուս Յանուս» նախագիծը

Մասնաճյուղի գիտական ու վարչական աշխատակազմի ներկայացուցիչներին և ուսանողներին հայտնում ենք, որ Հայաստանում մեկնարկել է շարժունակության մասին «Էրազմուս Մունդուս Յանուս» նախագիծը՝ հետևյալ ուղղություններով՝ Յասի (Ռումինիա),  Գրաց (Ավստրիա),  Լիլ 1 (Ֆրանսիա),  Մոնպելիե 2 (Ֆրանսիա), Գռոնինգեն (Նիդեռլանդներ),  Կռակով (Լեհաստան),  Բանսկա Բիստրիցա (Սլովակիա), Գռանդա (Իսպանիա):

Դիմումների ընդունումը կտևի դեկտեմբերի 7-ից մինչև փետրվարի 15-ը: Շարժունակությունը կարող է տևել մեկ ամսից (աշխատակազմի համար) մինչև ուսումնառության ավարտը  (կրթական նոր աստիճանի շնորհումը`ուսանողների և ասպիրանտների համար):

Կրթաթոշակը ներառում է ճանապարհածախսը, մուտքի արտոնագրի վճարը, ապահովագրությունը, կեցությունը,  ինչպես նաև ուսման վարձը:

Մանրամասն տեղեկությունների համար այցելե՛ք  http://ianus.uaic.ro/:

ԵՊՀ ԻՄ ուսանողական գիտական ընկերությունը հրավիրում է ընդլայնված նիստ

Նիստը տեղի կունենա Կիրառական արվեստի ֆակուլտետի նիստերի դահլիճում, ս.թ. փետրվարի 8-ին` ժամը 14:15-ին:

Նիստի ընթացքում կքննարկվի մասնաճյուղի ՈՒԳԸ կիսամյակային գործունեության ծրագիրը:

Կարող են ներկա գտնվել բոլոր ցանկացողները:

ԵՊՀ ԻՄ ՈՒԳԸ

ՀՀ կառավարությունը հայտարարում է մրցույթ

Առկա ուսուցման առաջին և երկրորդ կուրսերի` անվճար համակարգում չընդգրկված ուսանողներին հայտնում ենք, որ ՀՀ կառավարությունը կրթաթոշակ տրամադրելու նպատակով հայտարարում է մրցույթ:

Հայտատու ուսանողը պետք է բավարարի նշված պահանջներից առնվազն մեկին.

  • սոցիալապես անապահով (ընտանիքի անապահովության սահմանային միավորից բարձր միավոր ունեցող) ընտանիքների անդամ,
  • միակողմանի ծնողազուրկ ուսանող,
  • երրորդ խմբի հաշմանդամ ուսանող,
  • հեռավոր լեռնային և սահմանամերձ գյուղերի ուսանող,
  • տվյալ ուսումնական տարվա կիսամյակի քննությունների և ստուգարքների արդյունքներով առավել բարձր գնահատականներ ունեցող ուսանող,
  • հասարակական ակտիվություն ցուցաբերող ուսանող,
  • պատշաճ վարքագիծ դրսևորող ուսանող:

Դիմում-հայտերի ընդունման վերջնաժամկետը փետրվարի 1-ն է։

 Դիմումներն ու անհրաժեշտ փաստաթղթերն ընդունվում են Հայաստանի երիտասարդական հիմնադրամի գրասենյակում (հասցե՝ ք. Երևան, Տերյան 74), ամեն օր, բացի շաբաթ և կիրակի օրերից` ժամը 10.00-17.00 (ընդմիջման ժամն է 13.00-14.00-ն):

Կրթաթոշակի տրամադրման մասին այլ մանրամասների կարելի է ծանոթանալ ՀԵՀ-ի պաշտոնական կայքում` http://heh.am:

Կ Ա Ր Գ Հայաստանի Հանրապետության բարձրագույն ուսումնական հաստատություններում անվճար համակարգում  չընդգրկված, բարձր առաջադիմություն և հասարակական ակտիվություն ունեցող առաջին և երկրորդ կուրսերի ուսանողներին կրթաթոշակների տրամադրման մասին

Սկիզբ...599600601602603604605606607608...Վերջ

Հայտարարություն

Նորություններ