2016թ. դեկտեմբերի 7-ին` Սպիտակի երկրաշարժի 28-րդ տարելիցին, ԵՊՀ Իջևանի մասնաճյուղի մի քանի աշխատակիցներ` տնօրեն Ս. Ա. Առաքելյանի գլխավորությամբ, ծաղիկներ դրեցին 1988-ի ավերիչ երկրաշարժի  զոհերին նվիրված հուշարձանին, հարգանքի տուրք մատուցեցին նրանց հիշատակին:

1988թ. դեկտեմբերի 7-ին ՀՀ հյուսիսային շրջաններում` գլխավոր Կովկասյան լեռնաշղթայի առանցքից մոտավորապես 150 կմ դեպի հարավ, տեղի ունեցավ ավերիչ երկրաշարժ, որը հետագայում անվանվեց Սպիտակի երկրաշարժ: Դրա հետևանքով զանգվածային վնասվածքների և փլուզումների ենթարկվեցին հազարավոր շինություններ, զոհվեցին տասնյակ հազարավոր մարդիկ:

Այն տեղի է ունեցել Գրինվիչի ժամանակով ժամը 7 անց 41 րոպեին (տեղական ժամանակով` 11 անց 41րոպե, 22.7 վրկ.): Ուժգնությունը էպիկենտրոնում գնահատվել է 10 բալ: Երկրաշարժը ընդգրկել է ՀՀ տարածքի մոտ 40%-ը, ուր ապրում էր 1մլն. մարդ: Ավերման գոտին, որտեղ երկրաշարժի ուժգնությունը կազմել է 8 բալ և ավելին, ընդգրկել է երեք հազար քառ. կմ տարածություն: Տուժել են 21 քաղաք և շրջան, 342 գյուղ: Անօթևան են մնացել 514 հազար մարդ: Տարբեր աստիճանի վնասվածքներ են ստացել մոտ 20000 մարդ, զոհերի թիվը կազմել է 25000 մարդ: Զոհեր շատ են եղել հատկապես Գյումրիում (մոտ 15-17 հազար) և Սպիտակում (4 հազ) մարդ:

Ավերվել է ՀՀ-ի ամբողջ բնակֆոնդի 17%-ը, դադարել են գործել 170 արդյունաբերական ձեռնարկություն, մեծ վնաս է հասցվել գյուղերին և ագրոարդյունաբերական համալիրին, ինչպես և պատմաճարտարապետական հուշարձաններին:

Անսպասելի աղետը հանկարծակիի է բերել ծայրահեղ իրավիճակում գործելու կոչված կազմակերպություններին և ծառայություններին: Կազմակերպված փրկարարական աշխատանքները հունի մեջ են մտել 2-3 օր հետո: Ազգաբնակչության և փրկարարների ջանքերով փլատակներից, զոհված կամ կենդանի, հանվել է ավելի քան 45000 մարդ, հոսպիտալացվել 12500 մարդ:

2016թ. դեկտեմբերի 2-ին կայացավ ԵՊՀ ԻՄ-ի ՈՒԽ-ի գիտակրթական հանձնաժողովի կողմից կազմակերպված մասնաճյուղային ինտելեկտուալ խաղի եզրափակիչ փուլը, որին մասնակցում էին «Ինֆորմատիկա և կիրառական մաթեմատիկա» («ԻԿՄ») I, «Հայոց լեզու և գրականություն» («ՀԼԳ») III, «Պատմություն» («Պատմ.») I և III, «Տնտեսագիտության տեսություն» («ՏՏ») III կուրսերը:

Խաղի եզրափակիչ փուլին նախորդեց 5-օրյա նախընտրական փուլ:

Նոյեմբերի 11-ին «Դիզայն» I, «Համակարգչային գրաֆիկա» I, «Կիրառական արվեստ» II, «Պատմություն» I կուրսերի միջև տեղի ունեցավ խաղը, որի արդյունքում եզրափակիչ փուլ անցավ «Պատմ.» I կուրսը:

Նոյեմբերի 12-ին խաղացին «Տնտեսագիտության տեսություն» մասնագիտության I-IV կուրսերի ուսանողները. եզրափակիչ փուլ անցավ «ՏՏ» III կուրսը:

Նոյեմբերի 14-ին խաղացին «ՖԼԳ» I, «ԱԼԳ» II և III, «Պատմ.» III կուրսերը. եզրափակիչ փուլ անցավ «Պատմ.» III կուրսը:

Նոյեմբերի 15-ին խաղացին «ԻԿՄ» I և II, «ՔԿԳ» I, «Սերվիս» III կուրսերը. եզրափակիչ փուլ անցավ «ԻԿՄ» I կուրսը:

Նոյեմբերի 16-ին խաղն ընթացավ «ՀԼԳ» II և III, «Հոգեբ.» II, «ՏՄՄ» I կուրսերի միջև. եզրափակիչ փուլ անցավ «ՀԼԳ» III կուրսը:

Դեկտեմբերի 2-ին կայացավ եզրափակիչ փուլ անցած կուրսերի միջև խաղի վերջին փուլը:

Հաղթող ճանաչվեց «Պատմ.» մասնագիտության I կուրսը:

2-րդ տեղը գրավեց «ՏՏ» III կուրսը:

3-րդ տեղը զբաղեցրին «Պատմ.» III և «ՀԼԳ» III կուրսերը:

4-րդ տեղը զբաղեցրեց «ԻԿՄ» I կուրսը:

Խաղի անցկացման բոլոր օրերին յուրաքանչյուր խաղից առաջ կարդացվել են զեկուցումներ գիտության ոլորտի համաշխարհային մրցանակների (Ֆիլդսյան, Աբելյան, Նոբելյան, Պուլիցերյան) մասին:

Վերջում մասնակից կուրսերին տրվեցին պատվոգրեր, հաղթանակ տարած կուրսին տրվեց նաև գավաթ և նվերներ:

Մասնաճյուղի ուսանողական խորհրդի նախագահ Ի.Շաղբաթյանը շնորհավորեց բոլոր հաղթողներին և ողջունեց ՈՒԽ-ի գիտակրթական հանձնաժողովի նախաձեռնությունը` հորդորելով, որ նմանատիպ միջոցառումները մասնաճյուղում լինեն շարունակական, իսկ ուսանողները դրանցում ակտիվորեն ներգրավվեն:

2016թ. դեկտեմբերի 1-ին «Առաջին բուժօգնություն» դասընթացի շրջանակներում ԵՊՀ ԻՄ-ի  առկա և հեռակա ուսուցման «Տարրական  մանկավարժություն  և  մեթոդիկա» մասնագիտության  առաջին  կուրսերում անցկացվեց ՄԻԱՎ/ՁԻԱՀ-ի կանխարգելման թեմայով բաց դաս, որը վարեց Արտակարգ իրավիճակների, մարմնակրթության և սպորտի ամբիոնի դասախոս Կ.Դովլաթբեկյանը:

Դեկտեմբերի  1-ին  ողջ  աշխարհը  «Կանխարգելե՛ք  ՁԻԱՀ-ը. կատարե՛ք խոստումը» կարգախոսով  նշում  է  ՄԻԱՎ/ՁԻԱՀ-ի  դեմ  պայքարի  համաշխարհային  օրը: Այս  տարի բաց դասի ձևով այն  նշվեց  է  նաև  ԵՊՀ Իջևանի  մասնաճյուղում: 

Դասի ընթացքում ուսանողների կողմից տրվեցին վարակի  վերաբերյալ մանրամասն տեղեկություններ, ցուցադրեցին  տեսանյութեր, ներկայացվեցին  ՄԻԱՎ/ՁԻԱՀ-ի վարակման  եղանակները  և  կանխարգելման միջոցները, բնակչությանն առավել հուզող հարցերը:

Մասնավորապես նշվեց, որ այն հայտնաբերվել  է 1983թ. Պաստերի  ինստիտուտում` ֆրանսիացի  կենսաբաններ  Լյուկ  Մոնտանյեի  և  Ֆրանսուազա  Բարի-Սինուսիի  կողմից: Ներկայումս  ՄԻԱՎ  վարակի  տարածումը  ձեռք  է  բերել  համավարակի  բնույթ,  և  այն  մտնում  է  մահվան  պատճառ  հանդիսացող  ամենատարածված  հիվանդությունների  հնգյակի  մեջ:

2016թ. նոյեմբերի 28-ին Հա­յաստանի պատմության թանգարանի դրա­մագիտության բաժնի վարիչ Ռուբեն Վարդանյանի աջակցությամբ ԵՊՀ Իջևանի մաս­նաճյուղի գրադարանը համալրվեց հայերեն և օտարալեզու դրա­մա­գիտական հա­րուստ գրա­կա­նութ­յամբ:

Նախաձեռնության նպատակն էր հնարավորություն տալ մաս­­­­նաճյուղի ուսա­նո­ղությանը (ինչպես նաև դրամագիտական հարցերով հե­տաքրքրվող դասա­խոս­նե­րին) ծանոթանալու հայկական դրամների մասին եղած ու­սում­­­նասիրություններին և Հայաստանի դրամական շրջանառության պատմութ­յանը:

Ստորև ներկայացնում ենք նվիրաբերված գրականության ցանկը.

1. Bedoukian  P. Z., Coinage of The Artaxiads of Armenia, London, 1978
2. Bedoukian Z., Coinage of Cilician Armenia,  Connecticut, 1979
3. Bedoukian Z., Selected Numismatic Studies, Los Angeles, 1981
4. Bedoukian Z., Coinage of the Armenian Kingdoms of Sophene and Commagene, Los Angeles, 1985
5. Bedoukian Z., Armenian Coin Hoards, Los Angeles, 1987
6. Bedoukian Z,, Attribution and Dating of Armenian Bilingual Trams, Los Angeles , 1983
7. Nersessian T., Armenian Numismatic Bibliography and Literature, Los Angeles , 1984
8. Nercessian Y.T., Bank Notes of Armenia, Los Angeles, 1988
9. Nercessian Y. T., Silver Coinage of the Artaxiad Dynasty of Armenia, Los Angeles, 2006
10. Nercessian Y. T., Catalogue of Armenian Coins, Los Angeles , 2008
11. Nercessian Y.T., Armenian Numismatic Studies, II, Los Angeles , 2009
12. Nercessian Y. T., Armenian Coin Auctions, Los Angeles , 2006
13. Nercessian Y. T., Metrology of Cilician Armenian Coinage, Los Angeles , 2007
14. Հայ դրամագիտական հանդէս, IV, Լոս Անջելես, 1978
15. Հայ դրամագիտական հանդէս, XV, Լոս Անջելես, 1989
16. Հայ դրամագիտական հանդէս, IV, Լոս Անջելես, 1978
17. Հայ դրամագիտական հանդէս, XXVII, Լոս Անջելես, 2001
18. Հայ դրամագիտական հանդէս, XXX, Լոս Անջելես, 2004
19. Հայ դրամագիտական հանդէս, 1 (31), Լոս Անջելես, 2005
20. Հայ դրամագիտական հանդէս, 2 (32), Լոս Անջելես, 2006
21. Հայ դրամագիտական հանդէս, 3 (33), Լոս Անջելես, 2007
22. Հայ դրամագիտական հանդէս, 4 (34), Լոս Անջելես, 2008
23. Հայ դրամագիտական հանդէս, 7 (37), Լոս Անջելես, 2011
24. Հայ դրամագիտական հանդէս, 8 (38), Լոս Անջելես, 2012
25. Հայ դրամագիտական հանդէս, 9 (39), Լոս Անջելես, 2013
26. Հայ դրամագիտական հանդէս,10 (40), Լոս Անջելես, 2014
27. Vardanyan R., Sylloge Nummorum Romanorum. Armenia. Vol. I. Roman Republic Yerevan, History Museum of Armenia, Yerevan, 2011

2016թ. նոյեմբերի 27-ին ԵՊՀ ԻՄ-ի հեռակա ուսուցման «Տնտեսագիտության տեսություն» մասնագիտության առաջին կուրսի ուսանող Մհեր Եգանյանը մասնակցեց Արթուր Ավետիսյանի հիշատակին նվիրված բազկամարտի առաջնությանը:

80 կգ քաշային կարգում (աջ ձեռքի մրցապայքարում) նա իրեն հավասարը չունեցավ. գրավեց առաջին տեղը և պարգևատրվեց մեդալով, պատվոգրով ու գավաթով:

Մհեր Եգանյանը մասնակցել էր նաև նոյեմբերի 17-ին՝ Ուսանողության միջազգային օրվա կապակցությամբ, Երևանում կայացած բազկամարտի ուսանողական առաջնությանը:

Նույն քաշային կարգում Մհերը գրավել էր երկրորդ տեղը և ստացել մեդալ, պատվոգիր ու դրամական պարգև:

Սիրով շնորհավորում ենք մեր ուսանողին՝ մաղթելով նրան նորանոր հաջողություններ ու նվաճումներ: