ՀՀ մշակույթի նախարարությունը Սիրո և երիտասարդների արագահաս բարեխոս Սուրբ Սարգսի տոնին նվիրված փառատոնի շրջանակում հայտարարում է Երիտասարդ ստեղծագործողների թեմատիկ ցուցահանդես-մրցույթ՝ գեղանկար և գրաֆիկա անվանակարգերում:

Մրցույթի պայմաններն են՝
. մասնակցի տարիքը՝ մինչև 35,
. աշխատանքների չափսերը, կատարման տեխնիկան և նյութը՝ ազատ:

Սահմանվել է երեք մրցանակ յուրաքանչյուր անվանակարգում՝

1. 150.0 հազ. դրամ
2. 100.0 հազ. դրամ
3.  50.0 հազ. դրամ:

Մրցույթը կմեկնարկի 2017թ. փետրվարի 7-ին՝ Գ. Սունդուկյանի անվան ազգային ակադեմիական թատրոնի ճեմասրահում:

Մասնակիցները երեք օր աշխատանքը կկատարեն տեղում՝ ժամը 12։00-ից մինչև 16։00-ն։

Մասնագիտական հանձնախումբը մրցույթի արդյունքը կամփոփի փետրվարի 10-ին՝ նույն տեղում։

Մրցույթի մասնակիցներն իրենք են ապահովելու աշխատանքային նյութերը։

Տեղեկությունների համար զանգահարել (010) 52-68-73, Email: info@mincult.am:

Աղբյուրը՝ https://www.facebook.com/ARMMINCULT

Նախաորակավորման ծրագիր

«ԱՐԴՇԻՆԲԱՆԿ» ՓԲԸ

Աշխատանքային վայրը՝

ք. Երևան (վերջնաժամկետ՝ 30.01.2017թ.),
ք. Բերդ (վերջնաժամկետ՝ 22.01.2017թ.):

Դրույք՝ լրիվ դրույք,

Աշխատանքային պարտականություններ՝

Ծրագիրը ֆինանսաբանկային համակարգում աշխատանքային փորձ չունեցող երիտասարդների համար հնարավորություն է ընձեռնում`

• ստանալ գործնական գիտելիքներ բանկային գործի վերաբերյալ,
• ծանոթանալ Բանկի կողմից մատուցվող ծառայությունների կազմակերպման սկզբունքներին և ընթացակարգերին,
• Ծրագրի ավարտից հետո ունենալ պատրաստվածության առավել բարձր մակարդակ Բանկի կողմից համապատասխան թափուր հաստիքների համար հայտարարված մրցույթներին մասնակցության համար՝ այլ հավասար պայմաններում ունենալով նախապատվություն Ծրագրին չմասնակցած անձանց նկատմամբ:

Պահանջվող որակավորում՝

Ֆինանսաբանկային համակարգում աշխատանքային փորձ չունեցող երիտասարդ անձինք, որոնք.

• ունեն բարձրագույն կրթություն (առնվազն բակալավրի աստիճան),
• ուսման ընթացքում ցուցաբերել են բարձր առաջադիմություն (նախընտրելի են այն դիմորդները, ում ավարտական վկայականին կից գնահատման թերթիկի բալային միջին գնահատականը կազմում է գնահատման բալային համակարգի առավելագույն արժեքի առնվազն 75%-ը):

Դիմելու կարգը՝

Ծրագրին մասնակցության համար անհրաժեշտ է «Արդշինբանկ» ՓԲԸ ներկայացնել`

• ծրագրին մասնակցության լրացված հայտ`
  – ք. Երևանի համար՝ Դիմում_Նախաորակաորման ծրագիր.pdf
  – ք. Բերդի համար՝ Դիմում_Նախաորակաորման ծրագիր.pdf
• անձը հաստատող փաստաթղթի պատճե (սքանավորված տարբերակ),
• դիմորդի ԲՈՒՀ-ի ավարտական վկայականի (մագիստրատուրայի, իսկ վերջինիս բացակայության դեպքում՝ բակալավրի) և կից գնահատման թերթիկի պատճեներ:

Համապատասխան փաստաթղթերի ամբողջական փաթեթն անհրաժեշտ է ուղարկել hr@ardshinbank.am էլեկտրոնային փոստի հասցեով` հաղորդագրության անվանման դաշտում նշելով՝

• ք. Երևանի համար՝ «Նախաորակավորման ծրագիր_Երևան»,
• ք. Բերդի համար՝ «Նախաորակավորման ծրագիր_Բերդ»:

www.ardshinbank.am

«Բաց հասարակության հիմնադրամներ- Հայաստանը » (ԲՀՀՀ)  հայտարարում է «Հանրային քաղաքականության կրթաթոշակներ»   նախաձեռնության մեկնարկի մասին՝ ուղղված աջակցելու հետազոտողներին, ովքեր պատրաստակամ են իրականացնել  ուսումնասիրություններ հանրային քաղաքականության տարբեր բնագավառներում:

Ով կարող է դիմել

Ծրագիրը բաց է քաղաքացիական հասարակության ներկայացուցիչների, համալսարանների դասախոսական կազմի, հանրային քաղաքականության ոլորտի հետազոտողների, վերլուծաբանների և խորհրդատուների համար:

Անհրաժեշտ է ունենալ նվազագույնը մագիստրոսական կրթություն հանրային կառավարման, հանրային քաղաքականության, քաղաքագիտության կամ սոցիալական այլ գիտությունների` իրավագիտության, տնտեսագիտության, միջազգային հարաբերությունների կամ համանման բնագավառներում:

Ցանկալի է փորձի առկայություն հանրային քաղաքականության ձևակերպման և վերլուծության, ինչպես նաև շահերի պաշտպանություն իրականացնելու ոլորտներում:

Հետազոտական աշխատանքների համար անհրաժեշտ գրավոր հմտությունների առկայությունը ևս խիստ գերադասելի է: Հայտատուն պարտավոր է էական և անհրաժեշտ ժամանակ հատկացնել մինչև հինգ ամիս տևող նախագծերի իրականացմանը, որոնք կարող են ներկայացվել միայն անհատների կողմից:

Ակնկալվող արդյունքներ

Նախաձեռնության շրջանակներում ակնկալվում է համախմբել տարբեր ոլորտների նախաձեռնող քաղաքականության հետազոտողների, ովքեր ի վիճակի են ակտիվ գործողություններ ձեռնարկել սեփական հետազոտության արդյունքների իրականացման ուղղությամբ, ինչպես նաև դրանք հասու դարձնել հանրության առավել լայն շրջանակներին:

Որպես արդյունք ակնկալվում է ունենալ ընտրված բնագավառում կոնկրետ առաջարկներ պարունակող հանրային քաղաքականության հաշվետվություններ և հաշվետվության համառոտագիր, որոնք միասին չպետք է գերազանցեն 10000 բառը:

Ակնկալվում է նաև, որ կրթաթոշակառուները հավաքագրված նյութերը արդյունավետ կերպով կօգտագործեն, քաղաքականության մշակման գործընթացում ակտիվ միջամտություն ունենալու նպատակով: Նման միջամտությունը չպետք է սահմանափակվի միայն հաշվետվության հանրային ներկայացմամբ, այլ կարող է ներառել այնպիսի գործողություններ, ինչպիսիք են՝ դաշտում աշխատող այլ կազմակերպությունների և անհատների հետ կոալիցիաները, ջատագովության համատեղ պլանի ձևակերպումը և իրականացումը, որոշում կայացնողների հետ խորհդատվական հանդիպումները, մեդիա քարոզարշավները:

Խրախուսվում են այն ծրագրերը, որոնք կունենան ջատագովության նորարար գործիքներ և կհիմվեն սեփական հետազոտությունների ընթացքում արդեն իսկ հավաքագրված թարմ տվյալների վրա: Դիմորդները կարող են, բայց որևէ կերպ սահմանափակված չեն ուսումնասիրության ենթակա խնդիրները ձևակերպել հաշվի առնելով սույն հայտարարության հավելված 1-ում ներկայացված ընդհանուր թեմատիկ ուղղությունները: Խրախուսվում են բոլոր այն ծրագրերը, որոնք քաղաքականության նորարար լուծումներ կառաջարկեն Հայաստանում բաց հասարակության ձևավորմանը խոչընդոտող ցանկացած խնդրի շուրջ:

Դիմելու ընթացակարգ

Ծրագրի դիմումները ընդունվում են երկաստիճան ընթացակարգով: Առաջին փուլում դիմորդները ներկայացնում են մեկ էջի սահմաններում լրացված Հետաքրքրության նամակը1 , որը ձևակերպում է քաղաքականության հետազոտության առարկա հանդիսացող խնդիրը, դրա հրատապությունը քաղաքականության մշակման տվյալ փուլում, հետազոտության մեթոդաբանությունը և ակնկալվող արդյունքները:

Առաջին փուլը հաջողությամբ հաղթահարած դիմորդները ընտրության երկրորդ փուլում կներկայացնեն քաղաքականության հետազոտության ամբողջական դիմում հայտ: Բոլոր մասնակիցները կտեղեկացվեն մրցույթի արդյունքների մասին 2017 թվականի հունվարի 23-ից հետո, վեցշաբաթյաժամկետում:

Ծրագրի բյուջե

Կրթաթոշակառուները կստանան մինչև 3000 ԱՄՆ դոլարին համարժեք դրամ ծրագրի իրականացման հետ առչվող ծախսերի համար: Կրթաթոշակառուները նեկայացնում են ըստ առաձին ծախսերի ամբողջական բյուջեն միայն այն դեպքում, երբ նրանք հաջողությամբ հաղթահարել են դիմումների ներկայացման և ընտրության առաջին փուլը:

Դասընթաց

Բացի դրամաշնորհից, Հիմնադրամը կրթաթոշակառուներին աջակցում է նաև քաղաքականության վերլուծական հմտությունների զարգացման գործում:

Ընտրական երկու փուլերը հաջողությամբ հաղթահարած կրթաթոշակառուները պարտադիր կերպով պետք է մասնակցեն Երևանում անցկացվելիք քաղաքականության խնդիրների ձևակերպման, մեթոդաբանության և քաղաքականության ջատագովության վերաբերյալ խորացված սեմինարին:

Կրթաթոշակառուները հնարավորություն կունենան նաև մասնակցել Կենտրոնական Եվրոպական համալսարանի կողմից Բուդապեշտում կազմակերպվելիք վերպատրաստման դասընթացին, որին կմասնակցեն նաև տարածաշրջանի մի շարք երկրների /Մոլդովա, Ղրղզստան, Ղազախստան/ քաղաքականության կրթաթոշակառուներ: Վերապատրաստման այս դասընթացին մասնակցությունը տեղի կունենա լրացուցիչ ընտրության հիման վրա:

Ակնկալվում է նաև, որ կրթաթոշակառուները ակտիվորեն կմասնակցեն Հիմնադրամի և գործընկեր քաղաքացիական հասարակության կազմակերպությունների հրավիրած քաղաքականության քննարկումններին և հանդիպումներին:

Դիմումների ընդունում և վերջնաժամկետ

Հետաքրքրված անձիք պետք է ներկայացնեն լրացված Հետաքրքրության նամակը, /ըստ Հավելված 2-ում նշված ձևի/, հետևյալ էլ. հասցեին register@osi.am մինչև 2017 թվականի հունվարի 25-ը, ժամը 17.00:

Դիմումը մեզ ուղարկելուց հետո, մինչև երկու աշխատանքային օրերի ընթացքում, դուք կստանաք հաստատող նամակ դիմումի ստացման վերաբերյալ, հակառակ դեպքում խնդրում ենք կապ հաստատել մեզ հետ:

Հարցերի և լրացուցիչ տեղեկությունների համար կարող եք դիմել Մարիամ Մաթևոսյանին` «Քաղաքականության կրթաթոշակներ» ծրագրի պատասխանատու, էլ. փոստ` mmariam@osi.am:

Մանրամասները՝ http://www.osf.am -ում:

ԵՊՀ ԻՄ շրջանավարտների և կարիերայի կենտրոնը տեղեկացնում է հետևյալ թափուր աշխատատեղերի մասին`

• Թափուր աշխատատեղեր հանրակրթական դպրոցներում

• ՀԱՐՑԱԶՐՈՒՑԱՎԱՐՆԵՐ 

• Վարկային մասնագետներ (մինչև 15.02.2017թ.) 

• Մարքեթինգի մասնագետ (մինչև 29.01.2017թ.) 

• ԳԱՆՁԱՊԱՀ (մինչև 25.01.2017թ.) 

Մասնագիտական կրթության որակի ապահովման ազգային կենտրոնը (ՈԱԱԿ) կազմակերպում է եռօրյա դասընթաց «Մասնագիտական կրթական ծրագիր. ակնկալվող ելքային արդյունքներ և ուսանողի գնահատում» թեմայով:

Այն տեղի կունենա 2017 թ. հունվարին, ՈԱԱԿ գրասենյակում:

Դասընթացը նախատեսված է բարձրագույն ուսումնական հաստատությունների ՄԿԾ պատասխանատուների, ամբիոնների վարիչների, դասախոսների համար: Դասընթացի շրջանակներում տեսական ու գործնական պարապմունքների միջոցով անդրադարձ կկատարվի հետևյալ թեմաներին՝  ուսանողի առաջընթաց. գնահատում, դասավանդում, ուսումնառություն; գիտելիքի յուրացման փուլերը; առարկայի ակնկալվող ելքային արդյունքների մշակում; ուսանողի գնահատման մինիմալ շեմի սահմանում. գնահատման սանդղակ և չափանիշներ; կրեդիտների բաշխում; հորիզոնական և ուղղահայաց համաձայնեցում և այլն:

Գրանցման վերջնաժամկետը հունվարի 20-ն է: 

Մանրամասները`  www.anqa.am -ում: