Գերմանիայի Բունդեսթագը Բեռլինի Ազատ համալսարանի, Հումբոլդտի համալսարանի և Տեխնիկական համալսարանի հետ միասին, երիտասարդ, քաղաքականությամբ հետաքրքրվող, բարձրագույն կրթություն ունեցող երիտասարդներին 5 ամսով հրավիրում է Բեռլին՝ մասնակցելու Միջազգային խորհրդարանական կրթաթոշակ ծրագրին:

Միջազգային խորհրդարանական կրթաթոշակը նախատեսված է բարձր որակավորում ունեցող և քաղաքականությամբ հետաքրքրվող երիտասարդ աղջիկների ու տղաների համար, ովքեր մտադիր են ծրագրի ավարտից հետո վերադառնալ հայրենիք և ակտիվորեն ու պատասխանատվության զգացումով մասնակցել նրա ժողովրդավարական ապագայի կերտմանը:

Ծրագիրը տևում է 2017թ. մարտի 1-ից մինչև հուլիսի 31-ը:

ՀԱՅՏԵՐԻ ՆԵՐԿԱՅԱՑՄԱՆ ՎԵՐՋՆԱԺԱՄԿԵՏԸ 2016Թ․ ՀՈՒԼԻՍԻ 31-Ն Է։

Ծրագրի վերաբերյալ կարևոր տեղեկություններ, այդ թվում մասնակցության նախադրյալներն ու մրցութային փաստաթղթերի ցանկը, կարող եք գտնել տեղեկատվական թերթիկում։

Գերմանիայի Բունդեսթագի www.bundestag.de/ips համացանցային էջում զետեղված են գերմաներենի գիտելիքները հաստատող լրացման թերթիկը, հավակնորդներին անհրաժեշտ փաստաթղթերի ցանկը, ինչպես նաև մրցույթին վերաբերող հարցաթերթիկը։

Ծրագրով հետաքրքրվող հավակնորդները կարող են կապ հաստատել դեսպանության հետ՝ դիմելով պարոն Ռայներ Վիլքեին կամ տիկին Գոհար Մկրտչյանին։

Աղբյուրը` www.bundestag.de/ips
ՀՀ-ում Գերմանիայի Դաշնային Հանրապետության դեսպանություն

Սիրելի՛ ուսանողներ, օգոստոսի 15-21-ը Ծաղկաձորում անց է կացվելու «ԲԱԶԵ–2016» համահայկական երիտասարդական հավաքը:

Այս տարի «Տավուշ» ջոկատը հանդես կգա կարմիր ճակատում: Մրցումները տեղի կունենան հետևյալ սպորտաձևերով՝ սեղանի թենիս, շախմատ, սպորտլանդիա, պարանի ձգում, վոլեյբոլ, բազկամարտ, մինի ֆուտբոլ, ազգային խաղեր, լող, երգ, պար, ֆիլմ, հումոր, նորաձևություն, նկարչություն, բրեյն ռինգ։

Մասնակցության համար կարող եք դիմել ՀԵՀ Տավուշի մարզային կենտրոն (հասցե՝  ք. Իջևան, Անկախության 9, հեռ.՝  026340123) կամ գրել ֆեյսբուքյան համապատասխան էջին:

Հայտերի ընդունման վերջնաժամկետն է 10․07․2016թ.: 

Սիրելի՛ ուսանողներ,

ԵՊՀ ուսանողների շրջանում մարտական պատրաստության վիճակի և ռազմական գիտելիքների զարգացման նպատակով կանցկացվի «ԵՊՀ ռազմական ճամբար 2016» ծրագիրը, որը տեղի կունենա հուլիսի 12-19-ը Արցախում՝ վրանային պայմաններում:

Ռազմական ճամբարի շրջանակներում ԵՊՀ ուսանողներից, ինչպես նաև Արցախի և Ջավախքի ուսանողներից կազմված ԼՂՀ ՊԲ պաշտպանական շրջանները խորհրդանշող 9 ջոկատների միջև մրցակցային սկզբունքով կանցկացվեն ռազմագիտական տեսական և գործնական պարապմունքներ, ինտելեկտուալ, մարզամշակութային մրցումներ, թեմատիկ դասախոսություններ, թիմային աշխատանքներ, սեմինար-քննարկումներ, արշավներ և ուխտագնացություններ դեպի Արցախի սրբավայրեր (Սբ. Կատարո վանք, Ամարաս, Տնջրի ծառ, Մելիք Եգանյանների ապարանք), ինչպես նաև այցելություններ զորամասեր, հրաձգարաններ և այլն:

Ռազմական ճամբարին մասնակցել ցանկացողները պետք է մինչև հունիսի 25-ը ներառյալ լրացնեն մասնակցության հայտը և ուղարկեն stud-dep@ysu.am էլ. փոստի հասցեին:

ԵՊՀ ուսանողների հետ տարվող աշխատանքների կենտրոն

ԵՊՀ կենտրոնական մասնաշենք, 6-րդ հարկ
Հեռ.՝ (+374 60) 710191, (+374 60) 710192
էլ. փոստ՝ stud-dep@ysu.am
Ֆեյսբուքի էջ՝ www.facebook.com

Աղբյուրը՝ http://ysu.am