Երևանի պետական համալսարանի Իջևանի մասնաճյուղ

Հիմնական

featured

Տուրիզմի կառավարման և մշակութաբանության ամբիոնի ասիստենտ Լ. Լաչիկյանը մասնակցեց միջազգային և հանրապետական գիտաժողովների  

2015-16 ուստարվա ավարտը ԵՊՀ ԻՄ-ի Տուրիզմի կառավարման և մշակութաբանության ամբիոնի ասիստենտ Լ.Լաչիկյանի համար բավականին հագեցած էր. դասախոսական աշխատանքին ու քննական գործընթացին զուգահեռ՝ նա իր մասնակցությունը բերեց Երևանում կազմակերպված 2 հոբելյանական գիտաժողովների:

Տուրիզմի կառավարման և մշակութաբանության ամբիոնի ասիստենտ Լ. Լաչիկյանը մասնակցեց միջազգային և հանրապետական գիտաժողովների

Առաջինը կազմակերպվել էր Հայաստանի պետական մանկավարժական համալսարանում և նվիրված էր արևմտահայ ականավոր մանկավարժ Հովհաննես Հինդլյանի ծննդյան 150-ամյակին: «Սփիւռք» գիտաուսումնական կենտրոնի հրավերին արձագանքել էին նշանավոր մտավորականներ՝ հայկական սփյուռքի տարբեր գաղթօջախներից՝ Պոլսի Կեդրոնական վարժարանի տնօրեն Սիլվա Գույումճյանը (Թուրքիա), հայտնի հայագետներ Արմեն Քյուրքչյանը (Կանադա), Կարապետ Դաքեսյանը (Ֆրանսիա), Հրայր Ճեպեճյանը (Կիպրոս), Գաբրիել Սուլթանյանը (Մեծ Բրիտանիա) և շատ ուրիշներ:

Տուրիզմի կառավարման և մշակութաբանության ամբիոնի ասիստենտ Լ. Լաչիկյանը մասնակցեց միջազգային և հանրապետական գիտաժողովների

Լևոն Լաչիկյանը հանդես եկավ «Հինդլյանի հայաստանյան ներկայությունը» թեմայով զեկուցմամբ՝ նվիրված մեծ մանկավարժի հայացքների վերընձյուղմանը մայր հայրենիքում, ինչպես նաև ՀՀ Տավուշի մարզում գործող Հ.Հինդլյանի անվան միջնակարգ դպրոցի 10-ամյա փորձին: Ավելին՝ մեր դասախոսի առաջարկով երկօրյա գիտաժողովի երկրորդ օրվա նիստը գումարվեց  Տավուշի մարզի Կայան ավանում, ուր այցելեցին արտերկրից ժամանած հյուրերն ու երևանցի գիտնականները: Այդտեղ նրանք ոչ միայն հյուրընկալվեցին Հ. Հինդլյանի անվան դպրոցում, այլև մոտիկից տեսան այն սահմանը, որից սկսվում է հող հայրենին:

Տուրիզմի կառավարման և մշակութաբանության ամբիոնի ասիստենտ Լ. Լաչիկյանը մասնակցեց միջազգային և հանրապետական գիտաժողովների

Հաջորդ գիտաժողովը, որին մասնակցեց մեր դասախոսը, ՀՀ ԳԱԱ Մ. Աբեղյանի անվան գրականության ինստիտուտում հունիսի 16-ին կայացած ներկայացուցչական գիտաժողովն էր՝ նվիրված հայ հանրագիտակ մտածող Խաչատուր Էրզրումեցու 350-ամյա հոբելյանին: Լ.Լաչիկյանը գիտաժողովում ներկայացրեց «Լեզվի և խոսքի գեղագիտության հարցերը Խաչատուր Էրզրումեցու աշխատություններում» զեկուցումը:

Տուրիզմի կառավարման և մշակութաբանության ամբիոնի ասիստենտ Լ. Լաչիկյանը մասնակցեց միջազգային և հանրապետական գիտաժողովների

Վերոհիշյալ 2 գիտաժողովներն էլ ընթացան Լևոն Լաչիկյանի դիտարժան գծանկարների ուղեկցությամբ: Մանկավարժական համալսարանում  բացվեց նրա՝ թվով 11-րդ անհատական ցուցահանդեսը, որը կրում էր «Պոլիսը՝ մոտ ու հեռու» խորագիրը: Իսկ ՀՀ ԳԱԱ գրականության ինստիտուտի նիստերի դահլիճում գեղագետի ներկայացրած գործերը վերստեղծեցին քաղաքային այն միջավայրը (Վենետիկ, Կ.Պոլիս), որտեղ 17-18-րդ դարերի սահմանագծին ապրել ու ստեղծագործել էր Խաչատուր Էրզրումեցին:

Տուրիզմի կառավարման և մշակութաբանության ամբիոնի ասիստենտ Լ. Լաչիկյանը մասնակցեց միջազգային և հանրապետական գիտաժողովների

Ամառային հետազոտական դպրոց․ Wolfram Research – Հայաստան

 

Ամառային հետազոտական դպրոց․ Wolfram Research – Հայաստան

Կրթական ու մասնագիտական զարգացման եզակի հնարավորություն՝ սովորելու և հետազոտական նախագծեր իրականացնելու գիտության, տեխնոլոգիաների և նորարարության ասպարեզում:

Ե՞րբ․ 7-20-ը օգոստոսի, 2016 թ․ (երկու շաբաթ)
Որտե՞ղ․ Թումո կենտրոն, Երևան
Լեզուն․ անգլերեն   
Մասնակցությունն անվճար է  

Տեղեկատվական աջակից՝ ArmScoop գիտակրթական ցանց

Դիմել մասնակցության համար

Տեղեկատվական տեխնոլոգիաների ոլորտում նորարար հետազոտությունների համաշխարհային առաջատար ընկերություններից մեկը՝ Wolfram Research-ը, իր կրթական ծրագրերի շրջանակներում Հայաստանում կկազմակերպի հետազոտական ամառային դպրոց։ Երկշաբաթյա ամառային դպրոցը եզակի հնարավորություն է՝ իրականացնելու հետազոտական կամ տեխնոլոգիական որևէ նախագիծ, գաղափարները վերածելու արտադրանքի և նոր ընկերությունների հիմքի, զարգացնելու կրթական գործիքները և ավելին։

Բրիտանացի մաթեմատիկոս և ծրագրավորող Սթիվեն Վոլֆրամի կողմից 1987 թ․ հիմնադրված Wolfram Research ընկերությունը ծրագրային ապահովման և գիտական ու տեխնոլոգիական նորարար մշակումների ոլորտներում աշխարհի ամենահեղինակավոր ընկերություններց է։ 2015 թ․ սեպտեմբերի 26-27-ը «Վոլֆրամ» ընկերության տարածաշրջանային գրասենյակի կողմից Դիլիջանում անցկացվել է տեխնոլոգիական համաժողով։

Ամառային դպրոցին կարող են մասնակցել կրթական, մշակութային և մասնագիտական տարբեր փորձառությամբ մարդիկ՝ առանց տարիքային սահմանափակումների։ Նախընտրելի է ավագ դպրոցի աշակերտների, ուսանողների, ինչպես նաև եռանդուն, ակտիվ մասնագետների մասնակցությունը։ 

Դպրոցին կարող են մասնակցել ինչպես հայաստանցի, այնպես էլ միջազգային դիմորդներ։ Կազմակերպիչները նախատեսում են մրցակցային սկզբունքով ընտրել ընդհանուր առմամբ շուրջ 25 մասնակցի։ Տեղերի սահմանափակությունը հաշվի առնելով՝ խրախուսվում է մասնակցության համար հնարավորինս շուտ դիմելը։ Վաղ ընդունված հայտերը առավելություն կունենան։

Ամառային դպրոցի ընթացքում մասնակիցները կկարողանան իրենց նախագծերի համար օգտագործել «Վոլֆրամ» ընկերության տեխնոլոգիաները և տեխնոլոգիական վերջին զարգացումները (ինչպես օրինակ՝ տվյալների գիտությունը կամ մեքենայական ուսուցումը)՝ հնարավորություն ստանալով լուծելու գիտության և տեխնոլոգիաների արդիական խնդիրները։ Նման հետազոտությունների արդյունքները հաճախ վերածվում են մասնագիտական ավարտաթեզերի ու հոդվածների և կարող են նոր ուղղություն դառնալ մասնակիցների հետազոտական աշխատանքներում։ Ծրագրի վերջում մեկնարկային գաղափարը դառնում է աշխատանքային նախատիպ, որը հնարավորություն կտա մասնակիցներին իրագործելու իրենց գաղափարները։

Ամառային դպրոցին մասնակցելուց առաջ անհրաժեշտ է հանձնել Mathematica ծրագրի ուսանողական հավաստագրման քննություն։ Ամառային դպրոցի ծրագիրը՝ այստեղ։

Մասնակցության կարգի և պայմանների վերաբերյալ հավելյալ մանրամասներին կարող եք ծանոթանալ այստեղ։

Աղբյուրը՝ http://armscoop.com

Կիրառական արվեստի ֆակուլտետի՝ 2015-2016 ուստարվա շրջանավարտների ավարտական աշխատանքները

Հարգելի՛ համալսարանականներ,

սիրով տեղեկացնում ենք, որ ԵՊՀ Իջևանի մասնաճյուղի պաշտոնական կայքէջի «Պատկերասրահ» բաժնում տեղադրվել են Կիրառական արվեստի ֆակուլտետի՝ 2015-2016 ուստարվա շրջանավարտների ավարտական աշխատանքները: 

Մաղթում ենք ձեզ հաճելի դիտում:

 

Բոլորի համար և անվճար․ գիտության առցանց բանալիները

Գիտական աշխարհում առկա ամենամեծ խնդիրներից մեկը գիտական գրականության ոչ բավարար հասանելիությունն է։ Հիմնական խնդիրն այն է, որ գիտական հանդեսների մեծ մասն աշխարհում վճարովի է, և մասնագիտական գրականության ձեռքբերումը, հատկապես սկսնակ հետազոտողների և ուսանողների համար, էժան հաճույք չէ, առավել ևս, որ հաճախ անհրաժեշտ է լինում ունենալ կամ գոնե կարդալ տասնյակ, եթե ոչ հարյուրավոր հոդվածներ ու գրքեր։ Մյուս կողմից, գիտական գրականության մասնավոր հրատարակչական ընկերությունները վաճառվող հոդվածների դիմաց գործնականում ոչինչ չեն վճարում դրանց իսկ հեղինակներին և վերջիններիս գրախոսներին։

Ընդհանուր առմամբ, ստեղծված փակ շղթայից դուրս գալու ելքերի որոնումը հանգեցրել է երկու զուգահեռ միտումների՝ բաց մատչելիության սկզբունքի օրինական ամրագրման շարժմանը և բաց հասանելիություն չունեցող՝ վճարովի գիտական հանդեսների թվային օրինակները համացանցային տեխնոլոգիական հնարավորությունների միջոցով «բացելու» հենային (պիրատային) նախաձեռնություններին։ Պիրատային հարթակները, որպես կանոն, ստեղծվում են անհատական նախաձեռնություններով և նպատակ ունեն գիտական գրականության շրջանառության ներկա համակարգը կազմաքանդելու միջոցով բոլորի համար մատչելի դարձնել հնարավորինս մեծ թվով գիտական հոդվածներ ու գրքեր։

letter-Sci-hub Գիտելիք բոլորին 

Գիտական գրականության ամբողջական ու զանգվածային, անվճար և ուղղակիհասանելիություն ապահովելու բարդ խնդիրն արմատապես փորձեց լուծել Ղազախստանի քաղաքացի, ազգությամբ հայ ուսանողուհի Ալեքսանդրա Էլբակյանը՝ 2011 թ․ ստեղծելով Sci-Hub կայքը։ Ղազախստանի ազգային տեխնիկական համալսարանի շրջանավարտ, տեղեկատվության պաշտպանության մասնագետ Ալեքսանդրա Էլբակյանը մասնագիտական գրականության մատչելիության խնդրին բախվել էր դեռևս իր դիպլոմային աշխատանքը գրելիս։ Մասնագիտական թվային գրականության հայթայթման ու փոխանակման առցանց համայնքերին ակտիվ մասնակցելով՝ Ալեքսանդրան որոշեց գրել հատուկ ծրագիր՝ սկրիպտ, որը թույլ կտար ավտոմատացնել ողջ գործընթացը և կայքից օգտվողի հարցումով գիտական հոդվածները ներբեռնել համապատասխան հանդեսների կայքերից։ Ներկա պահին կայքը կարող է ավելի քան 47 միլիոն հոդվածի հասանելիություն ապահովել։

Ինչպե՞ս օգտվել

Sci-Hub կայքից օգտվելու համար պարզապես անհրաժեշտ է պատճենել (copy) որևէ կոնկրետ կայքում հրապարակված, սակայն բաց հասանելիություն չունեցող (ոչ ներբեռնելի) հոդվածի էլեկտրոնային հղումը (hyperlink) և տեղադրել Sci-Hub կայքի որոնողական պատուհանում ու «բացել» հղումը։ Օրինակ, եթե անհրաժեշտ է ներբեռնել JSTOR առցանց շտեմարանում հրապարակված հետևյալ հոդվածը՝ Charles Tilly, Observations of Social Process and Their Formal Representations, Sociological Theory, Vol. 22, No. 4 (Dec., 2004), ապա պետք է պարզապես պատճենել հոդվածի հղումը, տեղադրել Sci-Hub կայքի որոնողական պատուհանում և ներբեռնել այն։ 

Jstor-image

Որոնման այլ տարբերակ է կայքում տեղադրել գիտական հոդվածի թվային օբյեկտի նույնականացման կոդը (DOI – digital object identifier) կամ բժշկագիտական հոդվածների դեպքում՝PMID նույնականացնող կոդը։ Տեխնիկական պատճառներով ժամանակավորապես չի գործում որոնողական պատուհանում հոդվածի կամ հեղինակի անվանումով ուղղակի որոնման հնարավորությունը։

Ի՞նչ սկզբունքով է գործում Sci-Hub-ը

Կայքից օգտվողի հարցումով նախևառաջ ավտոմատ կերպով ստուգվում է հոդվածի (կամ գրքի) առկայությունը պիրատային մեկ այլ խոշոր հարթակում՝ LibGen-ում (տես ստորև), և եթե այն բացակայում է վերջինում, ապա Ալեքսանդրա Էլբակյանի ստեղծած ծրագրային ապահովումը հնարավորություն է տալիս կայքերում հրապարակված վճարովի հոդվածների բաց հասանելիության արգելափակումը շրջանցելով՝ անհրաժեշտ հոդվածը ներբեռնել համալսարանական պրոքսի-սերվերներից ու այն տրամադրել ընթերցողին։ Կայքի մուտքը պրոքսի-սերվերներ ապահովվում է տվյալ սերվերին հասանելիություն ունեցող համալսարանի գիտնականների կամ ուսանողների տրամադրած բանալի-կոդերի միջոցով։ Յուրաքանչյուր առաջին հարցումով ներբեռնված հոդվածը ներառվում է նաև LibGen կայքի շտեմարանում, և հաջորդ անգամ Sci-Hub-ը հոդվածն այդտեղից տրամադրում է ընթերցողին։ Նման համակարգը թույլ է տալիս կայքին օրական սպասարկել աշխարհի բոլոր ծայրերում ապրող օգտատերերից եկող հարյուր հազարավոր նման հարցումներ։

site-Sci-hub

 

Sci-Hub կայքի գործունեությունն ու շարունակ համալրվող շտեմարանը չվրիպեցին հրատարակչական խոշոր ընկերությունների աչքից, որոնք տարեկան հարյուր միլիոնավոր դոլարի եկամուտ են ստանում հոդվածների վաճառքից։ 2015 թ․ խոշորագույն հրատարակչական տներից մեկը՝ հոլանդական Elsevier-ը, նաև այլ հրատարակիչների անունից Նյու Յորքի դատարանում հայց ներկայացրեց Sci-Hub-ի դեմ։ 2015 թ․ նոյեմբերին դատարանի որոշմամբ կայքի դեմ գործունեության արգելանք հաստատվեց, սակայն այն փաստացի չի գործում, քանի որ Sci-Hub-ի փաստացի գործունեության տարածքը դուրս է ԱՄՆ իրավազորությունից։ Բացի այդ, դատարանի որոշմամբ կայքը զրկվեց իր հիմնական ենթատիրույթային անվանումից (domain)՝ ԱՄՆ-ի իրավազորության տակ գտնվող sci-hub.org-ից։ Հետագայում կայքը տեղափոխվեց ․io տիրույթ, որը ևս փակվելուց հետո ներկայում գործում է .cc, .bz և .ac տիրույթներում։

logo-Library genesis

Նյու Յորքի դատարանում Elsevier-ը հայց էր ներկայացրել նաև գիտական գրականության հանրայնացման մյուս խոշորագույն հարթակի՝ Library Genesis (LibGen) կայքի դեմ։ Կայքի իրավատերերը և գործունեության փաստացի հասցեն հայտնի չեն (սերվերները հավանաբար տեղակայված են Ռուսաստանում և Նիդերլանդներում)։ Library Genesis-ը գործում է և որպեսշտեմարան, և որպես բաց մատչելիության գիտական ու ոչ գիտական գրականության ներքին որոնողական համակարգ։ Ի տարբերություն Sci-Hub-ի՝ Library Genesis-ի հսկայական շտեմարանում ներառված են ինչպես գիտական հոդվածներ ու գրքեր, այնպես էլ գեղարվեստական գրականություն։ Ինչպես և Sci-Hub-ը, կայքը երկլեզու է՝ անգլերեն և ռուսերեն։ Գրականության մեծ մասը անգլալեզու է, զգալի թվով գրքեր ու հոդվածներ կան նաև ֆրանսերեն, ռուսերեն, գերմաներեն, իսպաներեն և այլ լեզուներով։

Library Genesis հարթակի շտեմարանում գրքերն ու հոդվածները խմբավորված են ըստ թեմատիկ դասակարգումների և ընդգրկում են գործնականում բոլոր գիտական ոլորտներն ու մասնագիտությունները: Առկա է ավելի քան 1 միլիոն գիտական գիրք, և շուրջ 20 միլիոն գիտական հոդված։

Libgen-page

Ինչպե՞ս է գործում

Library Genesis կայքի շտեմարաններում գրքերը պահվում են միանգամից մի քանի հայելային սերվերներում (Libgen, Bookfi.org, Bookzz.org և այլն)։ Կայքի գլխավոր էջի որոնողական պատուհանում հնարավոր է հարցում կատարել՝ նշելով գրքի անվանումը, կամ հեղինակի անունը, կամ որևէ բանալի բառ (բառեր)։ Որոնման արդյունքում կարտածվեն հնարավոր բոլոր արդյունքները, որոնք հասանելի են հայելային սերվերներից որևէ մեկից ներբեռնելու համար (որևէ առանձին սերվերում գրքի բացակայության դեպքում հնարավոր է ներբեռնել մյուսից)։ Օրինակ, գլխավոր պատուհանում «nuclear physics» բանալի-բառերի որոնման արդյունքում հայտնաբերված 562 գրքերից մեկը՝  Advanced course in modern nuclear physics, հնարավոր է ներբեռնել ինչպես ուղղակիորեն գրքի վերնագիրը բացելիս, այնպես էլ ներքևում նշված սերվերներից որևէ մեկից։

Աղբյուրը՝ http://armscoop.com

Գրահավաք. թվայնացված հայերեն ձեռագրերը համացանցում

Khorenatsi-2«Գրահավաք» բլոգը ներկայացրել է համացանցում հայերեն թվայնացված ձեռագրերի բավական արժեքավոր մի ցուցակ՝ համապատասխան հղումներով։ Այստեղ կգտնեք համացանցում առկա այն ձեռագրերը, որոնք հնարավոր է դիտել, անգամ հաճախ ամբողջությամբ ներբեռնել։ Սրանցում կան նաև Թորոս Ռոսլինի, Սարգիս Պիծակի նկարազարդումներով մատյաններ։ Ձեռագրերը գտնվում են աշխարհի տարբեր գրադարաններում։

Թվայնացված այս ձեռագրերը հատկապես օգտակար կարող են լինել նրանց, ովքեր գրաբար են սովորում և ցանկանում վարժվել գրաբարյան տեքստերի ձեռագրային օրինակների ընթերցմանը։

Աւետարաններ

◈ Աւետարան, 887 թ. (Աւետարան ըստ թարգմանութեան նախնեաց մերոց գրեալ ՅԼԶ թ. հայոց եւ յամի Տեառն 887. լուսատիպ հրատարակութիւն գրչագրի Լազարեան Ճեմարանի Արեւելեան Լեզուաց, Մոսկուա, 1899)
◈ Աւետարան, Թ կամ Ժ դար (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, 966 թ. (ձեռագիր, գրիչ՝ Սարգիս, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Հռոմկլայ, 1193 թ. (ձեռագիր, պահպ. վայրը՝ ԱՄՆ, Բալտիմոր, Walters Art Museum)
◈ Գանձասարի Կարմիր Աւետարան, ԺԲ կամ ԺԳ դար (ձեռագիր, պահպ. վայրը՝ Չիկագոյի համալսարանի գրադարան)
◈ Ութ մանրանկարիչների Աւետարան, ԺԳ դարի 60-70-ական թթ. (ձեռագիր, գրիչ՝ Գրիգոր, պահպ. վայրը՝ ՄՄ Մատենադարան)
◈ Աւետարան, Հռոմկլայ, 1262 թ. (ձեռագիր, ծաղկող՝ Թորոս Ռոսլին, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Կիպրոս, 1284-1312 թթ. (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, 1302 թ. և 1406 թ. (ձեռագիր, ծաղկող՝ Մոմիկ, պահպ. վայրը՝ ՄՄ Մատենադարան). միայն մանրանկարներով էջեր
◈ Աւետարան, Գլաձոր, 1313 թ. (ձեռագիր, գրիչ՝ Պօղոս վրդ., պահպ. վայրը՝ ՄՄ Մատենադարան). միայն մանրանկարներով էջեր
◈ Աւետարան, Խիզան, 1455 թ. (ձեռագիր, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Վան?, 1475 թ. (ձեռագիր, գրիչ՝ Արիստակէս, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Եկեղեաց գաւառ, 1488 թ. (ձեռագիր, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Հալեպ, ԺԵ դ. (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, ԺԵ դ. (ձեռագիր, գրիչ՝ Մկրտիչ, պահպ. վայրը՝ ՄՄ Մատենադարան)
◈ Աւետարան, ԺԵ-ԺԶ դդ. (ձեռագիր, Չիկագոյի համալսարանի գրադարան)
◈ Աւետարան, Վերին Նորավանք, 1532 թ. (կայքում սխալ թուական է գրուած) (ձեռագիր, գրիչ՝ Գրիգոր, պահպ. վայրը՝ ԱՄՆ Կոնգրեսի գրադարան)
◈ Աւետարան, Ամիդ, 1600-1625 թթ. (ձեռագիր, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Հայաստան, 1609 թ. (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, Հալեպ, 1624 (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, Նոր Ջուղա, 1635 թ. (ձեռագիր, գրիչ՝ Ղազար, պահպ. վայրը՝ Բեռլինի պետական գրադարան)
◈ Աւետարան, Կ. Պոլիս, 1654 թ. (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, 1661 (ձեռագիր, գրիչ՝ Վարդան, պահպ. վայրը՝ Չիկագոյի համալսարանի գրադարան)
◈ Աւետարան, Թոքատ, 1666 թ. (ձեռագիր, պահպ. վայրը՝ ԱՄՆ, Բալտիմոր, Walters Art Museum)
◈ Աւետարան, Շամխոր, 1670 (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, ԺԷ դար (ձեռագիր, պահպ. վայրը՝ Չիկագոյի համալսարանի գրադարան)
◈ Աւետարան, ԺԷ դար (ձեռագիր, ծաղկող՝ Յովհաննէս, պահպ. վայրը՝ ԱՄՆ, Բալտիմոր, Walters Art Museum)

Այլ գրքեր

◈ Հեթում Բ-ի ճաշոցը, Հռոմկլայ, 1286 թ. (ձեռագիր, պահպ. վայրը՝ ՄՄ Մատենադարան)
◈ Երգարան, Սիւնիք, 1337 թ. (ձեռագիր, պահպ. վայր՝ Բեռլինի պետական գրադարան)
◈ Շարակնոց, Բաբերդ, 1559 թ. (կայքում սխալ թուական է գրուած) (ձեռագիր, պահպ. վայր՝ Ֆրանսիայի ազգային գրադարան)
◈ Սիմէոն Լեհացի, Ուղեգրութիւն, [Լվով?], 1619-1636 թթ. (ձեռագիր, պահպ. վայրը՝ Biblioteka Narodowa)
◈ Շարակնոց, 1640 թ. (ձեռագիր, պահպ. վայր՝ Ֆրանսիայի ազգային գրադարան)
◈ Ժողովածոյ, 1640 թ. Պատարագամատոյց, Խրատք ոգեշահ[ք] յաղագս նորընծայ քահանայից, Ժամամուտ պահոց (ձեռագիր, պահպ. վայր՝ Բեռլինի պետական գրադարան)
◈ Պատմութիւն Աղեքսանդրի (Կեղծ Կալիսթենէսի), 1646 թ. (ձեռագիր, պահպ. վայր՝ Ֆրանսիայի ազգային գրադարան)
◈ Երեմիա Քէօմիւրճեանի Կոնդակ Ս. Կարապետ եկեղեցւոյ ի Կրետէ, Կ. Պոլիս, 1670 թ. (ձեռագիր, ինքնագիր, պահպ. վայր՝ Ֆրանսիայի ազգային գրադարան)
◈ Շարակնոց, 1678 թ. (ձեռագիր, պահպ. վայրը՝ ԱՄՆ, Բալտիմոր, Walters Art Museum)
◈ Գիրք առաքինութեանց, Նոր Ջուղա, 1692/1693 (ձեռագիր, պահպ. վայրը՝ Բեռլինի պետական գրադարան)
◈ Շարակնոց, Կ. Պոլիս, ԺԷ-ԺԸ դդ. (ձեռագիր, գրիչ՝ Աւետ, պահպ. վայրը՝ ԱՄՆ, Բալտիմոր, Walters Art Museum)
◈ Շարակնոց, 1710 թ. (ձեռագիր, պահպ. վայր՝ Բեյրութ, Near East School of Theology)
◈ Ժողովածոյ (Ma XIII 92). Դիոնեսիոս Արիոպագացի, Ն. Շնորհալու Թուղթ ընդհանրականը, Նիկիական կանոնները, Անանիա Սանահնեցի եւն (ձեռագիր, պահպ. վայր՝ Թիւբինգենի համալսարանի գրադարան)
◈ Ժողովածոյ (Ma XIII 93), 1701-1800 թթ.։ Միքայէլ Ասորու պատմութիւնը, Գրիգոր վրդ. Ժամակարգութեան մեկնութիւնը, Սամուէլ Անեցու պատմութիւնը, աւետարանական խօսքերի մեկնութիւններ, Հարցումն տաճկաց եւ պատասխանի մերոց վարդապետաց եւ այլն (ձեռագիր, պահպ. վայր՝ Թիւբինգենի համալսարանի գրադարան)
◈ Ժողովածոյ (Ma XIII 94), 1701-1800 թթ։ Զանազան պատմութիւններ, վարքեր եւն (ձեռագիր, պահպ. վայր՝ Թիւբինգենի համալսարանի գրադարան)
◈ Յովհաննէս Զօհրապեան, Լվովի եւ Տրիեստի հայերէն ձեռագրերի ցուցակը, 1820 թ. (ձեռագիր, պահպ. վայր՝ Ֆրանսիայի ազգային գրադարան)

Աղբյուրը՝ http://armscoop.com

Սկիզբ...391392393394395396397398399400...Վերջ

Հայտարարություն

Նորություններ