2017-2018 ուստարվա I կիսամյակում «ԵՊՀ» հիմնադրամի Իջևանի մասնաճյուղի գրադարանը հերթական անգամ համալրվեց մասնագիտական նոր գրքերով:

Ստորև ներկայացնում ենք ձեռք բերված գրականության ցանկը՝ այբբենական կարգով, ըստ մասնագիտությունների. 

Տնտեսագիտության տեսություն և զբոսաշրջություն 

1. Ղարիբյան Գ., Խառատյան Ա., Իսահակյան Ռ., Անկախության տարիներին Հայաստանի Հանրապետության սոցիալ-տնտեսական զարգացումները և մարդկային կապիտալի վերարտադրության հիմնախնդիրները, Երևան, 2017,  340 էջ (2 օրինակ):

Պատմություն 

1. Ացամբա, Գուբեր, Սիմոնովսկայա, Ասիայի և Աֆրիկայի երկրների պատմություն. Միջին դարեր, Երևան, ԵՊՀ հրատ., 1978, 605 էջ:
2. Ացամբա, Գուբեր, Սիմոնովսկայա, Ասիայի և Աֆրիկայի երկրների պատմություն. Նոր դարեր, Երևան, ԵՊՀ հրատ., 1978, 712 էջ:
3. Գալոյան Գ., Հայաստանը մեծ տերությունների աշխարհակալման առճակատումներում, ՀՀ ԳԱԱ, Երևան, 2004, 822 էջ:
4. Գասպարյան Ն., Հայն ու Հայաստանը օտարների աչքերով, Երևան, ԵՊՀ հրատ., 2017, 196 էջ:
5. Թոյնբի Ա., Հասու լինել պատմությանը, Երևան, «Անտարես», 2013:
6. Կիրակոսյան Ջ., Հայաստանը միջազգային դիվանագիտության և սովետական արտաքին քաղաքականության փաստաթղթերում, Երևան, 1972, 870 էջ:
7. Հայրենիք-Սփյուռք հարաբերությունները. 1918 թվականից մինչև մեր օրերը, Երևան, ԵՊՀ հրատ., 2017, 244 էջ:
8. Շտայներ Ռուդոլֆ, Ինչպես հասնել բարձրագույն աշխարհների ճանաչողության, Երևան, «Սարգիս Խաչենց» հրատ., 2007, 212 էջ:
9. Պետական տեղեկագիր, ՀՀ աշխատանքային օրենսգիրք, Երևան, 2017:
10. Սկազկին, Միջին դարերի պատմություն, Երևան, ԵՊՀ հրատ, 1978, 852 էջ:
11. Սկազկին, Միջին դարերի պատմություն, Երևան, ԵՊՀ հրատ., 1978, 530 էջ:
12. Ստեփանյան Ա., Պատմության հետագիծը, Երևան, «Փրինթ ինֆո» հրատ., 2014, 496 էջ:
13. Վիրաբյան Վ., Հայաստանի Հանրապետությունը 1918-1920 թթ., Երևան, ԵՊՀ հրատ., 2011, 204 էջ:

Մանկավարժություն և հոգեբանություն

1. Ապաքինում և հոգեսոցիալական վերականգնողական աշխատանք հոգեկան առողջության ոլորտում (ուսումնաօժանդակ ձեռնարկ), Երևան, ԵՊՀ հրատ., 2016, 298 էջ:
2. Ղույումչյան Գ., Մանկավարժություն, հ. 1, Երևան, «Բեկոր» հրատ., 2017, 464  էջ:

Հայոց լեզու և գրականություն,  օտար լեզուներ 

1. Ալիշան Ղ., Երկեր, Երևան, «Սովետական գրող» հրատ., 1981, 400 էջ:
2. Աղաբաբյան, Հայ սովետական գրականության պատմություն, Երևան, ՀԽՍՀ ԳԱԱ հրատ., 1986, 576 էջ:
3. Այտընյան Ա., Քննական քերականություն աշխարհաբար կամ արդի հայերեն լեզվի, Երևան, ԵՊՀ հրատ., 1987, 866 էջ:
4. Ավետիսյան Յ., Թելյան Լ., Սարգսյան Լ., Ավետիսյան Լ., Հայոց լեզվի ուղեցույց, Երևան, ԵՊՀ հրատ., 2017, 222 էջ (2 օրինակ):
5. Ավետիսյան, Ղազարյան, Գրաբարի ձեռնարկ, Երևան, ԵՊՀ հրատ., 2007, 300 էջ:
6. Բախչինյան Հ., Հայ միջնադարյան գրականություն, Երևան, 2006, 232 էջ:
7. Բայրամյան Հր., Վրացերենի դասընթաց, Երևան, ԵՊՀ հրատ., 2017, 306 էջ:
8. Գալշոյան Մ., Քեզ վերևից չպետք է նայել, Երևան, «Նաիրի» հրատ., 1990, 288 էջ:
9. Դավթյան Վ., Երկեր 2 հատորով, Երևան, «Սովետական գրող» հրատ., 1985 (3 հատորով):
10. Էմին Գ., Երկերի ժողովածու 3 հատորով, Երևան, «Սովետական գրող» հրատ., 1985 (3 հատորով):
11. Թոթովենց Վ., Երկեր 3 գրքով, Երևան, «Սովետական գրող» հրատ., 1988 (3 հատորով):
12. Կամյու Ալբեր, Երկեր, հ. 1, Երևան, 2002, 375 էջ:
13. Կիրակոսյան Ա., Խորան, Երևան, «Նոր դար» հրատ., 1992, 383 էջ:
14. Հեսսե Հերման, Տափաստանի գայլը, Երևան, «Անտարես» հրատ., 2014, 272 էջ:
15. Մանդելշտամ Օ., Մեգանոմ, Երևան, «Ապոլոն» հրատ., 1993, 216 էջ:
16. Շահնուր Շ., Նահանջը առանց երգի, Երևան, ԵՊՀ հրատ., 1994, 216 էջ:
17. Շեքսպիր Վ., Լիր արքա, Երևան, «Հայաստան» հրատ., 1970, 238 էջ:
18. Շիրազ Հ., Երկերի ժողովածու 2 հատորով, Երևան, «Սովետական գրող» հրատ., 1984 (2 հատորով):
19. Չարենց Եղիշե, Ընտիր երկեր, հատոր Դ, Երևան, «Անտարես» հրատ., 2015, 424 էջ:
20. Պարոնյան Շ., Այունց Ա., Լեզուն և մշակույթը ակադեմիական համատեքստում, Երևան, ԵՊՀ հրատ., 2017,  264 էջ (2 օրինակ):
21. Պետրոսյան Վ., Հայկական էսքիզներ, Երևան, «Հայաստան» հրատ., 1984, 304 էջ:
22. Ռեմբո Ա., Բանաստեղծություններ, Երևան, «Ապոլոն» հրատ., 1991, 190 էջ:
23. Ռոլանդի երգը, Երևան, «Սարգիս Խաչենց» հրատ., 1995, 234 էջ:
24. Սարտր Ժան-Պոլ, Սրտխառնոց, Երևան, «Անտարես» հրատ., 2016, 264  էջ:
25. Սոսյուր Ֆ., Ընդհանուր լեզվաբանության դասընթաց, Երևան, «Փրինթինֆո» հրատ., 2008, 375 էջ:
26. Ստենդալ, Կարմիրը և սևը, Երևան, «Անտարես» հրատ., 2012, 656 էջ:
27. Վոյնիչ, Բոռ, Երևան, «Հայրապետ» հրատ., 1960, 360 էջ:
28. Րաֆֆի, Երկերի ժողովածու հ. 1, Երևան, «Սովետական գրող» հրատ., 1983, 568 էջ:
29. Րաֆֆի, Երկերի ժողովածու հ. 3, Երևան, «Սովետական գրող» հրատ., 1984, 464 էջ:
30. Օսթին Ջեյն, Զգացմունք և բանականություն, Երևան, «Անտարես» հրատ., 2017, 408 էջ:
31. Օրուել Ջորջ, 1984, Երևան, «Անտարես» հրատ., 2012, 336 էջ:
32. 20-րդ դարի արտասահմանյան արձակ, հ. 1, Երևան, ԵՊՀ հրատ., 1984, 576 էջ:
33. Alexander L., For and Against, London, 1968.
34. Vince Michael, Advanced Language Practice, Macmillan, 2007.
35. Vince Michael, First Certificate Language Practice, Macmillan, 2007.

Բնական գիտություններ 

1. Բադալյան Ս., Ղարիբյան Ն., Տարբեր սնկային կուլտուրաների միցելիումի կառուցվածքային առանձնահատկությունները, Երևան, ԵՊՀ հրատ., 2017, 176 էջ:

Նոյեմբերի 17-ը Ուսանողության միջազգային օրն է, օր, որ ինչպես միշտ, լի է ապագայի հանդեպ ձեր վառ երազներով, ստացած գիտելիքները ժողովրդին ու հայրենիքին ծառայեցնելու անսահման պատրաստակամությամբ, լուսավոր վաղվա հանդեպ աներկբա հույսով ու հավատով:

Դուք մեծ հոգածությամբ պաշտպանված եք մեր անկախ հանրապետության մեջ, որը գնահատում ու հավատում է ձեզ, ձեր ուժին, անկեղծ հայրենասերի ձեր անընկճելի ոգուն, որ դուք գործով եք ապացուցում միշտ:

Սրտանց ու ջերմորեն շնորհավորում եմ ձեզ Ուսանողի  օրվա առթիվ, մաղթում մեծ հաջողություններ ուսման մեջ, անձնական կյանքում: Ուսանողական այս անզուգական, երբեք չկրկնվող տարիները թո՛ղ դառնան հարուստ գիտելիքների ձեռքբերման ու անմոռաց հիշողություններով լի տարիներ:  Դուք լավ գիտեք ու երբեք չմոռանաք, որ ուսանողասեր ու ուսանողամետ մեր հաստատության մեջ ինձ համար դուք ամենասիրելին ու ամենապաշտպանվածն եք և ամեն ինչ արվել ու արվում է այստեղ, որ լիարժեք պայմաններում անցկացնեք ձեր ուսումնառությունը,  որ վաղը դառնաք այն բանիմաց ու պահանջված մասնագետը, որ բարձր կպահի մեր բուհի անունն ու հեղինակությունը:

Մաղթում եմ, որ դուք չիրականացած երազանքներ չունենաք, այլ ունենաք դժվարություններ հաղթահարելու անկոտրում կամք ու արևոտ նպատակներ: Նա, ով վաղը զինվոր է դառնալու, ծառայի մարտական ոգով ու փառքով տուն դառնա, ով ուզում է ուսումը շարունակել, հաջողություններ նրան գիտության ճանապարհներին և ամենուր.  չէ՞ որ դուք եք այս երկրի տերն ու ժառանգորդը…

ԵՊՀ ԻՄ-ի տնօրեն  Ս. Ա. Առաքելյան

2017թ. նոյեմբերի 17-ին՝ Ուսանողության միջազգային օրը, «ԵՊՀ» հիմնադրամի Իջևանի մասնաճյուղը ղեկավարեցին ուսանողները (ուսանողական կառույցների ներկայացուցիչները):

Պաշոնակատար ուսանողներն էին՝

• Իսկուհի Շաղբաթյանը (ՈՒԽ-ի նախագահ, «ՀԼԳ» IV կուրս) – մասնաճյուղի տնօրեն,
• Հրանտ Ղարագյոզյանը (ՈՒԳԸ նախագահ, «Տնտ.» II կուրս) – Մարդկային ռեսուրսների կառավարման բաժնի վարիչ,

• Լիանա Ներսիսյանը («ԻԿՄ» I կուրս) – տնօրենի քարտուղար,

• Զարուհի Վարտանյանը («ԱԼԳ» IV կուրս) – Հումանիտար գիտությունների ֆակուլտետի դեկան,
• Անի Ասրյանը («Օտար լ. և գր.» II կուրս) – նույն ֆակուլտետի դեկանի տեղակալ,
• Իննա Մկրտումյանը («Օտար լ. և գր.» II կուրս) – նույն ֆակուլտետի քարտուղար,

• Հասմիկ Քարտաշյանը («ՏՏ» IV կուրս) – Տնտեսագիտության ֆակուլտետի դեկան,
• Արփինե Վերանյանը («Տնտ.» II կուրս) – նույն ֆակուլտետի դեկանի օգնական,

• Արտյոմ Վարդանյանը («ՔԿԳ» III կուրս) – Բնական գիտությունների ֆակուլտետի դեկան,
• Տարոն Ալավերդյանը («ԻԿՄ» I կուրս) – նույն ֆակուլտետի դեկանի տեղակալ,
• Գոհար Բեջանյանը («ԻԿՄ» III կուրս) – նույն ֆակուլտետի քարտուղար:
• Աղավնի Օրդինյանը («ՔԿԳ» III կուրս) – Ընդհանուր մաթեմատիկայի և բնագիտության ամբիոնի վարիչ:
• Արման Ալեքսանյանը («ԿԱ» IV կուրս) – Կիրառական արվեստի ֆակուլտետի դեկան:

Օրը սկսվեց տնօրենության կողմից հրավիրված նիստով, որի ընթացքում Ուսանողական խորհրդի նախագահ Իսկուհի Շաղբաթյանը տնօրենությանը ներկայացրեց օրվա ծրագրերն ու անելիքները.

• Դասապրոցեսի կազմակերպում, լսարանային հարցերի լուծում:
• Այցելություններ կուրսեր՝ շնորհավորելու նպատակով:
• Մասնաճյուղի ներքին կարգապահության պահպանում:
• Լավագույն ուսանողների կողմից դասախոսությունների վարում:
• Դասալսումների կազմակերպում:
• Նիստերի ու խորհրդակցությունների հրավիրում:

Հանձնարարականներն ստանալուց հետո մեկօրյա պաշտոնակատարներն անցան գործի:

Թիմն աշխատում էր մեծ ոգևորությամբ, ընթացքում պարբերաբար հրավիրվում էին նիստեր ու խորհրդակցություններ:

Բնական գիտությունների ֆակուլտետի դեկան Արտյոմ Վարդանյանը հրավիրեց նաև ավագների ժողով:

Տնտեսագիտության ֆակուլտետի դեկան Հասմիկ Քարտաշյանը ամբիոնի վարիչի հետ համատեղ  անցկացրեց դասալսումներ:

Հումանիտար գիտությունների ֆակուլտետի ուսանողների (Անի Գրիգորյան, Ռաֆայել Հարությունյան, Հայկ Դանիելյան) վարած դասերը լսեց դեկան Զ.Վարտանյանը:

Կիրառական արվեստի ֆակուլտետի մեկօրյա դեկան Արման Ալեքսանյանը խորհրդակցություն անցկացրեց իրական դեկան Ա.Մարգարյանի հետ՝ քննարկելով ուսումնական գործընթացին վերաբերող մի շարք հարցեր:

Աշխատանքի բնականոն ընթացքին հետևում էր տնօրենը՝ այցելություններ կատարելով կուրսեր, ուսանողներին շնորհավորելով իրենց տոնի առթիվ, հետաքրքրվելով նրանց հուզող հարցերով:

Օրն ամփոփվեց եզրափակիչ նիստով, որին մասնակցում էին մեկօրյա և իրական պաշտոնակատարները:

Նիստի ընթացքում մեկօրյա պաշտոնակատարներից յուրաքանչյուրը ներկայացրեց իր կատարած աշխատանքները, ստացած տպավորությունները:

Վերջում ՈՒԽ-ի նախագահ Իսկուհի Շաղբաթյանը ուսանողական կառույցների անդամների անունից շնորհակալություն հայտնեց ԵՊՀ Իջևանի մասնաճյուղի ղեկավարությանը՝ ընձեռած հնարավորության համար:

Նա նշեց, որ ծրագիրը, հետաքրքիր լինելուց բացի, շատ օգտակար էր. այն նպաստեց, որ ուսանողները մոտիկից ծանոթանան բուհի կառավարմանը, նրա վարչական և պրոֆեսորադասախոսական անձնակազմի որքան պատվաբեր, նույնքան էլ պատասխանատու և պարտավորեցնող աշխատանքին:

2017թ. նոյեմբերի 16-ին ԵՊՀ Իջևանի մասնաճյուղում կայացավ Ուսանողների միջազգային օրվան նվիրված գրական-երաժշական միջոցառում, որը նախաձեռնել և կազմակերպել էր մասնաճյուղի ուսանողական խորհուրդը:

Ներկա էին ԵՊՀ ԻՄ-ի վարչական և պրոֆեսորադասախոսական անձնակազմի ներկայացուցիչներ, առկա և հեռակա ուսուցման համակարգերի ուսանողներ, հյուրեր:

Միջոցառումը բացվեց մասնակիցների՝ ուսանողությանն ուղղված շնորհավորական խոսքով ու բարեմաղթանքներով. «Մենք թևակոխել ենք մի նոր դարաշրջան, երբ օր օրի փոփոխվող համաշխարհային մարտահրավերներին կարող ենք դիմագրավել միայն արդիական գիտելիքներով: Թե ինչպիսին կլինի ՀՀ-ն տարիներ անց, պայմանավորված է ներկայիս ուսանողության ձգտումներով, երազանքներով ու հաստատակամությամբ: Հասարակության երիտասարդ մտավոր ներուժն այն գրավականն է, որն ապահովում է ինչպես պետության հզորությունը, այնպես էլ յուրաքանչյուր քաղաքացու բարեկեցությունը: Ուստի ջերմորեն շնորհավորում ենք մեր ուսանող ընկերներին,  ցանկանում անսպառ եռանդ, հաստատուն կամք, ուսման մեջ հաջողություններ և նպատակների իրականացում»:

Ուսանողների միջազգային օրվա կապակցությամբ շնորհավորական ուղերձով հանդես եկավ ԵՊՀ Իջևանի մասնաճյուղի տնօրեն Սամվել Առաքելյանը՝ սրտանց շնորհավորելով նրանց տոնը, մաղթելով, որ ուսանողական տարիները նրանց համար դառնան հարուստ գիտելիքների ձեռքբերման ու անմոռաց հիշողություններով լի տարիներ, որ նրանք չունենան չիրականացած երազանքներ, այլ ունենան դժվարությունները հաղթահարելու անկոտրում կամք ու արևոտ նպատակներ: Տնօրենն իր խոսքում ընդգծեց, որ ուսանողամետ մեր բուհում ամեն ինչ արվել ու արվում է, որ ուսանողները լիարժեք պայմաններում անցկացնեն իրենց ուսումնառությունը և դառնան այն պահանջված մասնագետները, ովքեր բարձր կպահեն ԵՊՀ-ի անունն ու հեղինակությունը:

Այնուհետև ուսանողների տոնը շնորհավորեց մասնաճյուղի ՈՒԽ-ի նախագահ Իսկուհի Շաղբաթյանը՝ մասնավորապես նշելով. «Սիրելի՛ համալսարանականներ, 
այսօր ողջ աշխարհը տոնում է Ուսանողի միջազգային օրը, օր, որը ստիպում է մեզ վերաիմաստավորել մեր կյանքի ամենակարևոր, պատասխանատու և անհոգ փուլերից մեկը։ Հպարտորեն եմ բարձրաձայնում, որ մեր բուհում արվել և արվում է ամեն ինչ, որ ուսանողն իրեն զգա լիարժեք, երջանիկ ու կրթված: Մեզ մոտ լսելի է ուսանողի ձայնը, իսկ նման բուհի ուսանող լինելն առաջին հերթին պատիվ է, արժանապատվություն, որին պետք է յուրաքանչյուրս մոտենանք մեծագույն պատասխանատվությամբ, լինենք խելացի, բարեկիրթ, նպատակամետ ու համառ, ունենանք նվիրական երազանքներ, իսկ Ուսանողական խորհուրդն ինչպես միշտ կմնա լավագույն հարթակը ինքնադրսևորվելու, զարգանալու և ինքնակազմակերպվել սովորելու համար: Շնորհավո՛ր ձեր տոնը, սիրելի ուսանողներ»:

Ապա ներկայացվեց տոնի պատմությունը, թե ինչպես 1939թ. հոկտեմբերի 28-ին Պրահայի ուսանողները և դասախոսները դուրս էին եկել ցույցի՝ նշելու Չեխոսլովակիայի կազմավորման տարեդարձը։ Ֆաշիստ զավթիչների կողմից ցույցը դաժանաբար ճնշվեց, որի ժամանակ սպանվեց ուսանող Յան Օպլետալը։ Յանի թաղման օրը՝ նոյեմբերի 15-ը, նույնպես վերածվեց բողոքի մեծ ցույցի, որի ժամանակ տասնյակ ցուցարարներ ձերբակալվեցին։ Նոյեմբերի 17-ի վաղ առավոտյան ֆաշիստական ուժերը շրջափակեցին ուսանողական հանրակացարանները, ձերբակալվեց ավելի քան 1200 ուսանող։

Ուսանողական շարժման 9 ակտիվիստներ գնդակահարվեցին։ Հիտլերի հրամանով Չեխոսլովակիայի բոլոր բարձրագույն ուսումնական հաստատությունները փակվեցին մինչև պատերազմի ավարտը։ Հետագայում արդեն Ուսանողների համաշխարհային կոնգրեսը նոյեմբերի 17-ը հռչակեց որպես Ուսանողների միջազգային օր։

Միջոցառումը շարունակվեց մասնաճյուղի շնորհալի ուսանողների երաժշտական ու պարային գեղեցիկ կատարումներով:

Տոնական դահլիճում մերթ թևածեց սիրո քնքուշ մեղեդին, ու բեմի վրա ալիքվեց նաիրյան հեզաճկուն պարը, մերթ թնդաց ազգային-հայրենասիրական խրոխտ երգն, ու բոլորվեց շուրջպարը: