Երևանի պետական համալսարանի Իջևանի մասնաճյուղ

Հիմնական

featured

«ԻԿՄ» մասնագիտության 2-րդ կուրսում կայացավ բաց դաս

2017թ. նոյեմբերի 15-ին ԵՊՀ ԻՄ-ի «Ինֆորմատիկա և կիրառական մաթեմատիկա»  մասնագիտության 2-րդ կուրսում կայացավ բաց դաս, որը վարեց Անգլերեն լեզվի և գրականության ամբիոնի դասախոս, ՄԿԾ-ի պատասխանատու Աստղիկ Սիմոնյանը:

«ԻԿՄ» մասնագիտության 2-րդ կուրսում կայացավ բաց դաս

Ուսանողները անգլերենով ներկայացրին խնդիրների լուծումներ, ցուցադրեցին բանաձևերի դուրսբերման եղանակներ, ծրագրերի կոդավորման շնորհանդեսներ:

«ԻԿՄ» մասնագիտության 2-րդ կուրսում կայացավ բաց դաս

Բաց դասին իրենց աշխատանքներով հանդես եկան Վարդուհի Մեհրաբյանը, Վազգեն Փայտյանը, Գերասիմ Ալավերդյանը և Լևոն Սարուխանյանը:

«ԻԿՄ» մասնագիտության 2-րդ կուրսում կայացավ բաց դաս

 

Վարդուհի Մեհրաբյանը անգլերենով ապացուցեց X+Y+XY=1 հավասարումը՝ ներկայացնելով բոլոր հերթական քայլերը:

«ԻԿՄ» մասնագիտության 2-րդ կուրսում կայացավ բաց դաս

Հաջորդիվ Վազգեն Փայտյանը ներկայացրեց քառակուսի հավասարումից դիսկրիմինանտ և արմատներ գտնելու եղանակը (How to Find the Discriminant and the Roots in a Quadratic Polynomial):

«ԻԿՄ» մասնագիտության 2-րդ կուրսում կայացավ բաց դաս

Երրորդ թեման Էրատոսթենեսի մաղի (Sieve of Eratosthenes) միջոցով պարզ թվերը գտնելու մեթոդն էր, որը ներկայացրեց Գերասիմ Ալավերդյանը:

«ԻԿՄ» մասնագիտության 2-րդ կուրսում կայացավ բաց դաս

Լևոն Սարուխանյանը ներկայացրեց էկոլոգիական խնդրի լուծումը:

«ԻԿՄ» մասնագիտության 2-րդ կուրսում կայացավ բաց դաս

«ԻԿՄ»  մասնագիտության 2-րդ կուրսում սա անգլերեն լեզվով առաջին մասնագիտական միջոցառումն էր:

Պատմվածքների մրցույթ

էսսե շարադրություն

«Արձագանք» ընկերությունը և ընկերության նախագահ, թարգմանիչ – գրականագետ Մարո Մադոյան-Ալաջաջյանը հայտարարում են պատվածքների մրցույթ: Հեղինակների համար տարիքային և ներկայացված պատմվածքների համար բովանդակային սահմանափակում չկա:

Մրցույթին մասնակցելու համար պետք է պահպանել հետևյալ պայմանները.

  • Պատմվածքները բաղկացած պետք է լինեն ամենաքիչը 4 էջից:
  • Նյութի տառատեսակը՝ silfaen, տառաչափը՝ 11:
  • Ներկայացված պատմվածքները նախկինում որևէ այլ տեղ չպետք է տպագրված լինեն:
  • Հեղինակները չպետք է օգտվեն մեկ այլ աղբյուրից, այլապես նրանց աշխատանքերը կորակազրկվեն:

Պատմվածքներն անհրաժեշտ է ուղարկել gayane.eghiazaryan.75@mail.ru հասցեով մինչև 2018թ․մարտի 1-ը: Էլեկտրոնային նամակում պետք է նշել հեղինակի անունը, ազգանունը, զբաղվածությունը և կոնտակտային տվյալներ:

1-ին փուլում կընտրվեն այն աշխատանքները, որոնք համապատասխանում են մրցույթի չափանիշներին: 2 -րդ փուլում կընտրվեն լավագույն 5 աշխատանքներ: 3-րդ փուլին կմասնակցեն նախորդ փուլը հաղթահարած 5 պատմվածքները, որոնցից 3 կզբաղեցնեն հաղթանակած երեք հորիզոնականները և կստանան խրախուսական պարգևներ և նվերներ: Հարցերի համար զանգահարել՝ 043 11 73 09 հեռախոսահամարով:

Աղբյուրը՝ http://hy.armscoop.com

«Գրքասեր» (“Booklovers”) ակումբի քննարկումը` Ֆ. Ս. Ֆիցջերալդի «Բենջամին Բաթոնի առեղծվածային պատմությունը» պատմվածքի շուրջ

 2017թ. նոյեմբերի 14-ին ԵՊՀ Իջևանի մասնաճյուղում կայացավ «Գրքասեր» (“Booklovers”) ակումբի քննարկումը` Ֆ. Ս. Ֆիցջերալդի «Բենջամին Բաթոնի առեղծվածային պատմությունը» (“The Curious Case of Benjamin Button”) պատմվածքի շուրջ:

Քննարկումը վարում էր «Անգլերեն լեզու և գրականություն» մասնագիտության կրթական ծրագրի պատասխանատու Ա.Սիմոնյանը, մասնակցում էին Խաղաղության կորպուսի կամավոր դասախոս Քոլման Հեսլերը և ուսանողներ:

«Գրքասեր» (“Booklovers”) ակումբի քննարկումը` Ֆ. Ս. Ֆիցջերալդի «Բենջամին Բաթոնի առեղծվածային պատմությունը» պատմվածքի շուրջ

«Գրքասեր» ակումբի հերթական քննարկման ընթացքում կարծիքներ փոխանակվեցին Ֆիցջերալդի ոճային փոփոխության և պատմվածքի թեմայի գրավչության վերաբերյալ:

Զուգահեռներ անցկացվեցին ժամանակակից հասարակության և 1960-80-ականների Բալթիմորի միջև` մասնավորապես շեշտելով, որ փոքր բնակավայրերում հասարակական կարծիքից կախվածությունը միշտ էլ մեծ տեղ է զբաղեցրել  մարդու կյանքում:

Ընդգծվեց պատմվածքում արտահայտված արդիական մեկ այլ գաղափար՝ կապված յուրաքանչյուր տարիքում համապատասխան վարքագիծ և արտաքին ունենալու հետ:

«Գրքասեր» (“Booklovers”) ակումբի քննարկումը` Ֆ. Ս. Ֆիցջերալդի «Բենջամին Բաթոնի առեղծվածային պատմությունը» պատմվածքի շուրջ

Ներկայացվեց, որ Բենջամինը, լինելով բոլորից տարբեր, մերժված է հասարակության և իր ընտանիքի անդամների կողմից, ովքեր, իրականությունը որպես այդպիսին ընդունելու փոխարեն, մերժում են այն` տեղիք տալով ծիծաղաշարժ և գրոտեսկային իրավիճակների:

 

 

Նոյեմբերի 15-ի տնօրենության նիստում

2017թ. նոյեմբերի 15-ին ԵՊՀ Իջևանի մասնաճյուղում կայացավ տնօրենության նիստ, որը նախագահում էր Ս. Ա. Առաքելյանը, մասնակցում էին տնօրենության անդամները, ՈՒԽ-ի նախագահ Իսկուհի Շաղբաթյանը:

Նոյեմբերի 15-ի տնօրենության նիստում

Նիստի ընթացքում քննարկվեցին ուսանողության տոնին նվիրված միջոցառումների իրականացմանը, ուսումնական գործընթացին, ուսանողների առաջադիմությանն ու կարգապահությանը վերաբերող հարցեր:

ՈՒԽ-ի նախագահի կողմից ներկայացվեցին այն միջոցառումները, որոնք նախատեսված էին ուսանողության տոնի շրջանակներում («Ուսանողների տոնին նվիրված երաժշտական միջոցառում մասնաճյուղի դահլիճում» (նոյեմբերի 16, ժամը 13:30), «Ուսանողության միջազգային օրը մասնաճյուղը ղեկավարում են ուսանողները» (նոյեմբերի 17), «Մարզահամերգային համալիրում տոնական համերգ» (նոյեմբերի 17):

Տնօրենության նիստում նշվեց, որ ուսումնական գործընթացի արդյունավետ կազմակերպման, ուսանողների կարգապահության (մասնավորապես՝ հաճախումների) և նրանց  առաջադիմության միջև ուղիղ համեմատական կապ գոյություն ունի:

Այդ համատեքստում դարձյալ ընդգծվեց սեմինար և գործնական պարապմունքներին ուսանողների ակտիվության, դասամատյաններում դա գնահատելու ու վերջնական գնահատականների մեջ արտացոլելու, ինքնուրույն աշխատանքի կարևորությունը:

Ներկայացվեց, որ մասնաճյուղի տնօրենության կողմից հետևողական վերահսկողություն է իրականացվում ուսանողների հաճախումների նկատմամբ, որպեսզի գործող կարգապահական կանոնների համաձայն ձեռնարկվեն համապատասխան քայլեր՝ բացակայությունները կանխելու կամ դրանք նվազագույնի հասցնելու նպատակով:

Աշխատանքի հրավեր ծրագրավորողների համար

Աշխատանքի հրավեր ծրագրավորողների համար

«Վեկտր» ընկերությունը աշխատանքի է հրավիրում ծրագրավորողների։

Աշխատանքային փորձը ցանկալի է։

Ցանկացողները կարող են լրացնել հայտը:

Հարցերի դեպքում գրեք մեզ կամ զանգահարեք հետևյալ հեռախոսահամարներով՝ 094033266, 099033266։

Հայտերն ընդունվում են մինչև դեկտեմբերի 25-ը ներառյալ։

Սկիզբ...288289290291292293294295296297...Վերջ

Հայտարարություն

Նորություններ