Ս.թ. դեկտեմբերի 4-ին ԵՊՀ ԻՄ կիրառական արվեստի ֆակուլտետի նիստերի դահլիճում տեղի ունեցավ մասնաճյուղի ՈՒԳԸ հիմնադրման 10-ամյակին նվիրված քառօրյա գիտաժողովի հանդիսավոր բացումը, որին ներկա էին ԵՊՀ ԻՄ ղեկավարությունը, դասախոսներ, ուսանողներ:
Նորություններ
Սայաթ-Նովայի ծննդյան 300-ամյակին նվիրված հոբելյանական գիտաժողով
2012թ. նոյեմբերի 30-ին ԵՊՀ Իջևանի մասնաճյուղում տեղի ունեցավ Սայաթ-Նովայի ծննդյան 300-ամյակին նվիրված հոբելյանական գիտաժողով, որը նախաձեռնել ու կազմակերպել էր Հայոց լեզվի և գրականության ամբիոնի վարիչ, բ.գ.թ., դոցենտ Վ. Ավագյանը:
Կայացավ «Ճանապարհային երթևեկության կանոններ» թեմայով սեմինարը
Ս.թ. նոյեմբերի 26-ին ԵՊՀ Իջևանի մասնաճյուղի գրադարանում տեղի ունեցավ «Ճանապարհային երթևեկության կանոններ» թեմայով սեմինար, որը կազմակերպել էր Ուսանողական գիտական ընկերությունը:
Ֆակուլտետի խորհրդի նիստում
Ս.թ. նոյեմբերի 26-ին տեղի ունեցավ ԵՊՀ Իջևանի մասնաճյուղի բնական գիտությունների ֆակուլտետի խորհրդի նիստ, որը նախագահում էր ֆակուլտետի դեկան Ա. Ցուցուլյանը:
Նիստին մասնակցում էին խորհրդի 9 անդամներ՝ դեկան, խորհրդի նախագահ Ա. Ցուցուլյանը, ֆակուլտետի քարտուղար Հ. Գասպարյանը, բարձրագույն մաթեմատիկայի և ինֆորմատիկայի ամբիոնի վարիչ Մ. Զաքարյանը, ընդհանուր ֆիզիկայի ամբիոնի վարիչ Մ. Աթոյանը, անտառագիտության ամբիոնի վարիչ Ա. Ալավերդյանը, ասիստենտ Է. Օսիպովան, արհմիության նախագահ Գ. Գուլակյանը, ֆակուլտետի ՈՒԳԸ-ի նախագահ Մ. Մելիքյանը, ՈՒԽ-ի նախագահ Պ. Ամիրխանյանը:
Խորհրդի նախագահ Ա. Ցուցուլյանը ներկայացրեց 2012-2013 ուստարվա I կիսամյակի II ընթացիկ քննությունների և ստուգումների ժամանակացույցը (10-22.12.2012թ.), I կիսամյակի քննաշրջանի և կոնսուլտացիաների նախապատրաստական աշխատանքները և ըստ ուսումնական պլանի կազմված ժամանակացույցը (13.12.2012թ-25.01.2013թ.)՝ համապատասխան մասնագիտությունների և կուրսերի:
Զեկուցողը հանձնարարեց ամբիոններին քննաշրջանը և կոնսուլտացիաները կազմակերպել հաստատված ժամանակացույցի հիման վրա, իսկ դեկանատին՝ սահմանել հսկողություն քննաշրջանը ուսումնական պրոցեսի կարգին համապատասխան անցկացնելու համար:
Որոշվեց ներկայացնել տնօրենություն՝ հաստատելու 2012-2013 ուստարվա I կիսամյակի քննաշրջանի ժամանակացույցը:
Նիստի ընթացքում քննարկվեցին նաև ներֆակուլտետային ուսումնական գործընթացին վերաբերող հարցեր և տրվեցին ընդհանուր հանձնարարականներ ֆակուլտետի կարգապահության, ուսանողների հետ տարվող դաստիարակչական աշխատանքների մասին:
Գրական-երաժշտական ցերեկույթ՝ նվիրված Ուսանողների միջազգային օրվան
2012թ. նոյեմբերի 20-ին ԵՊՀ Իջևանի մասնաճյուղում տեղի ունեցավ Ուսանողների միջազգային օրվան նվիրված «Հայ քնարերգության գոհարները երաժշտության մեջ» խորագրով գեղարվեստական միջոցառումը, որը նախաձեռնել և կազմակերպել էր ԵՊՀ ԻՄ հայոց լեզվի և գրականության ամբիոնի դասախոս, բ.գ.թ., դոցենտ Ա. Սարհատյանը: