Հայտնում ենք ԵՊՀ Իջևանի մասնաճյուղի հեռակա ուսուցման բաժնի ուսանողներին, որ 2014-2015 ուստարվա առաջին կիսամյակի դասերն սկսվելու են 2014 թվականի նոյեմբերի 3-ին` ժամը 13:00-ին:
«ԵՊՀ լավագույն ուսանող» ամենամյա մրցանակաբաշխության կանոնակարգի համաձայն հայտարարվել է «Լավագույն ուսանող-2014» մրցույթը:
Մրցանակաբաշխությունը կազմակերպվում և անցկացվում է տարին մեկ անգամ:
Նպատակն է խրախուսել Երևանի պետական համալսարանի բակալավրիատում և մագիստրատուրայում սովորող ուսանողների առաջադիմությունը և խթանել նրանց գիտական ու հասարակական ակտիվությունը:
Մրցույթին կարող են մասնակցել ԵՊՀ բոլոր ֆակուլտետների և մագիստրոսական կրթական ծրագրեր իրականացնող կենտրոնների կամ այլ ստորաբաժանումների այն ուսանողները, ովքեր առնվազն 4 կիսամյակ հանդիսացել են ԵՊՀ ուսանող, վերջին երկու կիսամյակների ընթացքում ունեցել են բարձր կամ գերազանց առաջադիմություն (ՄՈԳ-ը՝ 16 և բարձր), ինչպես նաև ունեն մրցանակաբաշխության կանոնակարգում նշված «ԵՊՀ լավագույն ուսանողին» բնութագրող ձեռքբերումները:
Մասնակցության (որպես թեկնածու առաջադրվելու) համար ուսանողը, սահմանված կարգի համաձայն, պետք է ներկայացնի համապատասխան հայտ և անհրաժեշտ կից փաստաթղթերը:
Հայտերը պետք է լրացվեն առցանց՝beststudent.ysu.am էլեկտրոնային հասցեով:
Նշված ինտերնետային գործիքի միջոցով անհրաժեշտ է ստեղծված հայտը տպել, ստորագրել, կցել պահանջվող այլ փաստաթղթեր և մինչև 2014թ. հոկտեմբերի 28-ը՝ ժամը 16:00-ը, ներկայացնել ԵՊՀ ընդհանուր բաժին (ԵՊՀ կենտրոնական մասնաշենք, 1-ին հարկ):
«ԵՊՀ լավագույն ուսանող» ամենամյա մրցանակաբաշխության կանոնակարգը տեղադրված է ԵՊՀ պաշտոնական կայքում:
Մրցանակաբաշխության մասնակիցը պետք է ծանոթանա նշված կարգին, որպեսզի ապահովվի համապատասխան փաստաթղթերի առկայությունը (պրոֆեսորադասախոսական կազմի ներկայացուցիչների բնութագիր (առավելագույնը երկու բնութագիր), ֆակուլտետի ուսանողական խորհրդի և ուսանողական գիտական ընկերության նախագահի բնութագրերը, տպագրված գիտական աշխատանքների պատճենները կամ դրանք հավաստող այլ փաստաթղթեր, ներհամալսարանական ակտիվությունը հավաստող փաստաթղթեր (եթե այդպիսիք կան) և այլն):
«Լավագույն ուսանող-2014» ամենամյա մրցանակաբաշխության արդյունքները կհայտարարվեն 2014թ. նոյեմբերի 17-ին կայանալիք «Լավագույն ուսանող-2014» մրցանակաբաշխության հանդիսավոր արարողության ժամանակ:
Մրցույթին մասնակցելու հետ կապված ցանկացած հարցով ուսանողները կարող են դիմել ֆակուլտետի դեկանատ կամ «Լավագույն ուսանող-2014» ամենամյա մրցանակաբաշխության հանձնաժողովին:
Աղբյուրը՝ ysu.am
2014թ. հոկտեմբերի 15-ին մասնաճյուղի տնօրեն Սամվել Առաքելյանը հանդիպում ունեցավ ուսխորհրդի անդամների հետ:
Հանդիպմանը ներկա էին նաև Մասնագիտական կրթության որակի ապահովման բաժնի ավագ մասնագետ Մ. Ճաղարյանը և տնօրենի օգնական Ն. Գրիգորյանը:
Հանդիպման ընթացքում ուսանողները ներկայացրին իրենց հետաքրքրող հարցերն ու խնդիրները, ստացան պատասխաններ:
Քննարկվեց ՄԿՈԱ բաժնին կից ուսանողական հանձնախումբ ստեղծելու հարցը:
Հանձնախմբում ընդգրկված ուսանողները կարող են ներկայացնել խնդիրներ, առաջարկություններ` կրթության որակի բարձրացման նոր ուղիներ գտնելու վերաբերյալ, իրականացնել դասալսումներ, մասնակցել և աջակցել որակի գործընթացներին և այլն:
Առաջարկվեց, որ յուրաքանչյուր մասնագիտությունից մեկական ուսանող ներառվի հանձնախմբի մեջ:
Մասնագիտական կրթության որակի ապահովման բաժնի ավագ մասնագետ Մ.Ճաղարյանը հիմնական գծերով ներկայացրեց հանձնախմբի անդամների պարտականություններն ու անելիքները:
Տնօրենը ուսանողներին կոչ արեց լինել ավելի ակտիվ, նախաձեռնող, պահանջատեր, միևնույն ժամանակ օբյեկտիվ:
2014թ. հոկտեմբերի 16-ին` ժամը 14:15-ին, Հումանիտար գիտությունների ֆակուլտետի 28 լսարանում տեղի կունենա «Սուրբ Թարգմանչաց» տոնին նվիրված միջոցառում, որը կազմակերպում է Հայոց լեզվի և գրականության ամբիոնի ասիստենտ, բան. գիտ. թեկն. Լուսինե Թումանյանը: Սիրով հրավիրում ենք:
2014թ. հոկտեմբերի 16-ին` ժամը 14:00-ին, Բնական գիտությունների ֆակուլտետի 5-րդ լսարանում տեղի կունենա «Իտալական վերածնունդ» թեմայով զեկուցումների ընթերցում, որը կազմակերպում են Կիրառական արվեստի ֆակուլտետի ՈՒԳԸ նախագահ Նարեկ Ղազարյանը և քարտուղար Անի Խաչատրյանը:
Զեկուցումներով հանդես կգան Մարիամ Հասանյանը («Լեոնարդո դա Վինչի»), Թեհմինե Հարությունյանը («Տիցցիան») Հովհաննես Եգանյանը («Ռաֆայել Սանտի»), Լիլիա Բայրամյանը («Միքելանջելո»):
Սիրով բոլորին հրավիրում ենք:
Կիրառական արվեստի ֆակուլտետի ՈՒԳԸ