2019թ. մարտի 7-ին՝ ժամը 12:00-ին, Իջևանի քաղաքային պատկերասրահում տեղի կունենա Կիրառական արվեստի ֆակուլտետի դասախոսների և ուսանողների աշխատանքների ցուցահանդեսը՝ նվիրված Կանանց միջազգային օրվան:
Բոլորին սիրով հրավիրում ենք:
2019թ. մարտի 4-ին՝ ժամը 14:00-ին, ԵՊՀ ԻՄ-ի խորհրդակցությունների սենյակում տեղի կունենա Հայաստանի ամերիկյան համալսարանի Թրփանճեան գյուղական համայնքների զարգացման ծրագրի (ԹԳՀԶԾ-TRDP) ներկայացուցիչների հետ հանդիպում, որի ընթացքում կներկայացվեն ԹԳՀԶԾ ծրագրի գործունեությունը, նպատակները, արդյունքները և ուսանողների հետ հնարավոր համագործակցության հնարավորությունները:
Հայաստանի ամերիկյան համալսարանի Թրփանճեան գյուղական համայնքների զարգացման ծրագիրը (ԹԳՀԶԾ) Հայաստանի, Արցախի, ինչպես նաև Ջավախքի (Վրաստան) համայնքների բնակիչներին տրամադրում է կրթական և ֆինանսական հնարավորություններ ձեռնարկատիրությունը զարգացնելու, աշխատատեղեր ստեղծելու և համայնքներում կյանքը բարելավելու համար:
2007 թվականից սկսած՝ ծրագիրն իրականացնում է համայնքների տնտեսական զարգացման բարելավման ծրագրեր Տավուշի մարզում:
ԹԳՀԶԾ-ն՝ որպես Հայաստանի ամերիկյան համալսարանի կողմից իրականացվող ծրագիր, Հայաստանում եզակի է: Այն կրթություն, ֆինանսական աջակցություն և խորհրդատվություն է տրամադրում գյուղական համայնքներում իրենց ձեռնարկատիրական գործունեությունը ծավալել ցանկացող անհատներին:
2019թ. մարտի 4-ին ԵՊՀ Իջևանի մասնաճյուղում կայացավ Հայաստանի ամերիկյան համալսարանի Թրփանճեան գյուղական համայնքների զարգացման ծրագրի (ԹԳՀԶԾ-TRDP) ներկայացուցիչների հանդիպումը ԵՊՀ ԻՄ-ի ուսանողների և աշխատակիցների հետ:
Հանդիպման նպատակն էր ուսանողների հետ իրականացնել քննարկում ԹԳՀԶԾ-ի գործունեության, նպատակների, արդյունքների, ուսանողների հետ հնարավոր համագործակցության հնարավորությունների վերաբերյալ:
Քննարկումը վարեցին Թրփանճեան գյուղական համայնքների զարգացման ծրագրի Իջևանի գրասենյակի տնօրեն Սոս Վարդումյանը, ԹԳՀԶԾ-ի մարզային գործունեությունը համակարգող տնօրեն Զորայր Կիրակոսյանը և նույն ծրագրի մարքեթինգի գծով դասընթացավար Անուշ Սարիբեկյանը:
Մասնավորապես նշվեց, որ Թրփանճեան գյուղական համայնքների զարգացման ծրագիրը (ԹԳՀԶԾ) Հայաստանի, Արցախի, ինչպես նաև Ջավախքի (Վրաստան) համայնքների բնակիչներին տրամադրում է կրթական և ֆինանսական հնարավորություններ ձեռնարկատիրությունը զարգացնելու, աշխատատեղեր ստեղծելու և համայնքներում կյանքը բարելավելու համար: 2007 թվականից սկսած՝ ծրագիրն իրականացնում է համայնքների տնտեսական զարգացման բարելավման ծրագրեր Տավուշի մարզում:
Ներկայացվեց նաև դասընթացավարի օգնականի աշխատանքի մասին, որի համար կարող են դիմել ծրագիր կազմելու հմտություններին տիրապետող ուսանողներ:
Սիրելի՛ ուսանողներ, ԵՊՀ ԻՄ-ի հումանիտար գիտությունների ֆակուլտետի հայոց լեզվի և գրականության ամբիոնը հայտարարում է «Իմ Թումանյանը» խորագրով ստեղծագործական շարադրությունների մրցույթ:
Մրցույթին կարող են մասնակցել ԵՊՀ Իջևանի մասնաճյուղի առկա և հեռակա ուսուցման բոլոր մասնագիտությունների ուսանողները:
Անհրաժեշտ է, որ մասնակիցները մինչև 2019թ. ապրիլի 15-ը շարադրությունները ներկայացնեն Հայոց լեզվի և գրականության ամբիոն:
Լավագույն աշխատանքների հեղինակները կարժանանան խրախուսանքի:
Հայոց լեզվի և գրականանության ամբիոն