2019թ. մարտից մեկնարկել է ՀՀ բոլոր բարձրագույն և միջին մասնագիտական կրթական հաստատությունների ուսանողների համար նախատեսված Համաբուհական ուսանողական բանավեճի առաջնությունը, որին մասնակցում են նաև ԵՊՀ ԻՄ-ի ուսանողներ:

Մասնակիցները նախ անցան ոլորտային փորձառու, կոմպետենտ մասնագետների կողմից իրականացված որակավորման երկշաբաթյա դասընթացներ, որոնց կհաջորդի մրցութային փուլը:

Կայացան որակավորման երեք դասընթացներ:

Մարտի 25-ին «Jinishian Memorial Foundation»-ի գրասենյակում տեղի ունեցավ համաբուհական ուսանողական բանավեճի առաջնության որակավորման առաջին դասընթացը՝ «Բանավեճի կառուցվածք և հմտություններ» թեմայով: Քննարկման բանախոսն էր Youth Engaged in Society – YES ծրագրի պատասխանատու Զարուհի Համբարձումյան-ը, ով խորությամբ ներկայացրեց «Ջինիշյան» հիշատակի հիմնադրամի կողմից մշակված բանավեճի ֆորմատը։ 

Մարտի 27-ին տեղի ունեցավ համաբուհական ուսանողական բանավեճի առաջնության որակավորման երկրորդ դասընթացը՝ «Քննադատական միտք» թեմայով: Բանախոսն էր Եվրասիա համագործակցության հիմնադրամի ծրագրերի տնօրեն Mikayel Hovhannisyan-ը: Թիմերը մեծ ոգևորությամբ մասնակցեցին քննարկմանը և հղեցին իրենց հուզող բոլոր հարցերը:

Մարտի 29-ին տեղի ունեցավ համաբուհական ուսանողական բանավեճի առաջնության որակավորման վերջին դասընթացը՝ «Մեդիագրագիտություն» թեմայով։ Բանախոսն էր media.am-ի գլխավոր խմբագիր Gegham Vardanyan-ը։
Ծավալվեց հետաքրքրիր քննարկում, որի ընթացքում պարոն Վադանյանը պատասխանեց թիմերին հետաքրքրող բոլոր հարցերին:

Համաբուհական ուսանողական բանավեճի առաջնությանը կմասնակցեն 21 թիմ՝ ավելի քան 120 մասնակից ՀՀ տարբեր մարզերի ուսումնական հաստատություններից:

ԵՊՀ Իջևանի մասնաճյուղը՝ “Believers” թիմը,  կմրցի ԵՊՀ-ի «Սլիզերին» թիմի դեմ: “Believers”-ը հանդես կգա որպես դեմ:

Հաջող, հետաքրքիր և բովանդակալից բանավեճ ենք մաղթում բոլոր մասնակիցներին և հատկապես ԵՊՀ ԻՄ-ի “Believers” թիմին:

 2019թ. մարտի 27-ին Ֆրանսիա (Վալանս) կատարած այցի շրջանակներում ԵՊՀ ԻՄ-ի պատվիրակության անդամները հյուրընկալվեցին “Le Dauphiné Libéré” մարզային թերթի  խմբագրությունում:

Լրագրող Կլարիս Աբատյուն հյուրերին ծանոթացրեց խմբագրության տարբեր ստորաբաժանումների աշխատանքներին, ապա զրույց ունեցավ ուսանողների հետ:

ԵՊՀ ԻՄ-ի պատվիրակության ղեկավար Ա.Մարդանյանը ներկայացրեց այցի նպատակները՝ ընդգծելով, որ «Մաեստրիս» համալսարանում ուսանողների պրակտիկան անցնում է շատ կազմակերպված: Նա շնորհակալություն հայտնեց Կ.Աբատյուին ջերմ ընդունելության համար:

Համալսարանականները ներկայացրին ԵՊՀ Իջևանի մասնաճյուղը, պատմեցին երկրում կատարված փոփոխությունների մասին:

Կ.Աբատյուն, իր գոհունակությունը հայտնելով ԵՊՀ ԻՄ-ի ուսանողների՝ ֆրանսերենի իմացության և հաղորդակցման կարողությունների վերաբերյալ, առաջարկեց յուրաքանչյուր ամիս Հայաստանից ուղարկել հոդվածներ՝ ֆրանսիական “Le Dauphiné Libéré” թերթում տպագրելու նպատակով: Նա հավելեց, որ նախատեսված է մարտի 31-ին թերթում հոդված և լուսանկար հրապարակել հենց ԵՊՀ ԻՄ-ի ուսանողների՝ Վալանս կատարած այցի մասին: