Գերմանական «ԿՈՊԵՐՆԻԿՈՒՍ ԲԵՌԼԻՆ» ասոցիացիան հնարավորություն է ընձեռում հայ երիտասարդներին մասնակցելու հետևյալ երկու միջոցառումներին, որոնց վերաբերյալ մանրամասներին կարող եք ծանոթանալ ստորև ներկայացված հղումներով.

• «Կանաչ ձեռներեցություն» դասընթաց. տևողությունը՝ 04 – 14.04.2022, գրանցում՝ մինչև ս.թ. մարտի 13-ը (https://www.copernicusberlin.de/tc-green-entrepreneurship):
• «Բլոկչեյն հմտություններ երիտասարդների համար» դասընթաց. տևողությունը՝ 04 -28.04.2022, գրանցում՝ մինչև ս.թ. մարտի 17-ը (https://www.copernicusberlin.de/tc-blockchains-kills-for-youth):

Մասնակցի կեցության և սննդի ծախսերը հոգում է կազմակերպիչ կողմը, իսկ ճանապարհածախսը՝ մասնակիցը:

Կազմակերպչի կողմից մասնակցության հայտն ընդունվելու դեպքում երիտասարդները կարող են դիմել ՀՀ կրթության, գիտության, մշակույթի և սպորտի նախարարություն՝ «Երիտասարդներին ավիատոմսի ծախսի փոխհատուցում տրամադրելու մասին» ԿԳՄՍ նախարարի կողմից հաստատված կարգի (https://escs.am/am/news/4961) պահանջներին բավարարելու դեպքում ավիատոմսի ծախսի փոխհատուցում ստանալու նպատակով:

 2022թ. մարտի 15-16-ին ԵՊՀ Իջևանի մասնաճյուղը կազմակերպում է «Սոցիալ–մանկավարժական նորարարությունները կրթության մեջ» երիտասարդ գիտնականների միջազգային գիտապրակտիկ համաժողովը, որին կարող են մասնակցել բակալավրիատի և մագիստրատուրայի տարբեր մասնագիտությունների ուսանողներ, երիտասարդ դասախոսներ և գիտնականներ:

Համաժողովի նպատակն է՝ ուսանողական հետազոտությունների խթանումը, ուսանողների, մագիստրոսների, ասպիրանտների ստեղծագործական ներուժի բացահայտումը, ուսանողների և դասախոսների ներբուհական և միջբուհական համագործակցության զարգացումը, երիտասարդության ուշադրության կենտրոնացումը ժամանակակից մանկավարժական հետազոտությունների կարևորության վրա:

Համաժողովի խնդիրներն են՝ քննարկել մանկավարժության արդի հիմնախնդիրները, լուսաբանել սոցիալական մանկավարժության, դասավանդման մեթոդիկայի, մանկավարժական հոգեբանության ասպարեզում գիտական հետազոտությունները, վերլուծել մանկավարժության զարգացման հիմնական միտումները, արժեքներն ու հեռանկարները:

Համաժողովի ուղղություններն են.

1. Մասնագիտական-մանկավարժական կրթության զարգացման միտումներն այսօր և վաղը:
2. Ապագա մանկավարժների մասնագիտական կոմպետենցիաները:
3. Մանկավարժական գործունեության կազմակերպման նորարարական սկզբունքներն ու մոտեցումները:
4. Տեղեկատվական տեխնոլոգիաները կրթության մեջ:
5. Դպրոցում / բուհում կրթական միջավայրի նախագծումն ու ձևավորումը:
6. Դաստիարակչական աշխատանքը կրթության համակարգում:
7. Մշակույթի դերը դաստիարակության և կրթության մեջ:
8. Սիներգետիկա. նոր ուղղություն հոգևոր-բարոյական դաստիարակության համար:
9. Մանկավարժությունը, հոգեբանությունը, տեղեկատվական-հաղորդակցական միջավայրը որպես նոր հնարավորությունների աղբյուր:
10. Առողջության սահմանափակ հնարավորություններով սովորողների ուսուցումը և դաստիարակությունը:
11. Կրթության էկոլոգիական ասպեկտները ժամանակակից պայմաններում:
12. Գրականության, oտար լեզուների և միջմշակութային հաղորդակցության դասավանդման մեթոդիկան:

Համաժողովի լեզուներն են՝ հայերենը, ռուսերենը, անգլերենը:

Համաժողովն իրականացվելու է առկա և առցանց ձևաչափով:

Մասնակցել ցանկացողները (գիտական աշխատանքի էլեկտրոնային տարբերակով) իրենց հայտերը և հոդվածները պետք է ներկայացնեն էլեկտրոնային փոստով (stud.conference2022@gmail.com) մինչև 2022 թվականի փետրվարի 10–ը (ներառյալ):

Հոդվածները կարող են ներկայացվել որպես անհատական աշխատանք և որպես ղեկավարի հետ համատեղ աշխատանք:

Հոդվածներին վերագրվող պահանջները տե՛ս այստեղ:

Մասնակցության հայտը տե՛ս այստեղ:

Ուսանողական համաժողովի արդյունքներով կհրապարակվի էլեկտրոնային ժողովածու՝ ISBN, УВК, ББК կոդերի վերագրումով: Ուսանողները կստանան հավաստագրեր:

Համաժողովին մասնակցությունն անվճար է:

Համաժողովի ծրագիրը՝ այստեղ։ 

Լրացուցիչ ինֆորմացիայի համար կարող եք դիմել ԵՊՀ Իջևանի մասնաճյուղ՝ համաժողովի կազմակերպիչներին (մ.գ.թ., դոցենտ Մինասյան Սվետլանա Միխայելի (Whatsapp: Viber: + 374 91477050, էլ. հասցե՝ stud.conference2022@gmail.com), ֆ.մ.գ.թ., դոցենտ Աթոյան Մհեր Սերգեյի (հեռ.՝ 093 317 847, էլ. հասցե՝ matoyan@ysu.am):

Միջազգային գիտապրակտիկ համաժողովի կազմակերպչական խումբ 

Կոնտակտային տվյալներ

ԵՊՀ Իջևանի մասնաճյուղ

Հեռ.՝ (+374) 263 40050, 263 40035

Էլ. հասցե՝ ysu_ib@ysu.am, ijevan@ysu.am

Հասցե՝ ՀՀ Տավուշի մարզ, ք. Իջևան 4001, Ուսանողական 3

Կայքի հասցե՝ http://ijevan.ysu.am/

2022թ. ապրիլի 2-ին՝ ժամը 11:00-ին, Երևանի պետական համալսարանի Իջևանի մասնաճյուղում անցկացնելու է դպրոցական օլիմպիադայի I փուլը:

Օլիմպիադան կանցկացվի հետևյալ հանրակրթական առարկաների գծով՝

• մաթեմատիկա,
• ֆիզիկա,
• քիմիա,
• կենսաբանություն,
• աշխարհագրություն,
• հայոց պատմություն,
• հայոց լեզու և գրականություն,
• ռուսաց լեզու,
• անգլերեն,
• գերմաներեն,                                             
• ֆրանսերեն,
• ինֆորմատիկա

և լրացուցիչ կրթական առարկաներից՝

• հայոց եկեղեցու պատմություն,
• տրամաբանություն,
• սոցիոլոգիա,
• պետություն և իրավունքի հիմունքներ,
• էկոլոգիա և կայուն զարգացման հիմունքներ,
• տնտեսագիտություն:

«Ինֆորմատիկա» առարկայից օլիմպիադան կանցկացվի մեկ փուլով՝ ապրիլի 2-ին՝ ժամը 11:00-ին:

Օլիմպիադան նախատեսված է միայն 12-րդ դասարանի աշակերտների համար: Ըստ առարկաների՝ յուրաքանչյուր դպրոցից կարող է մասնակցել 2-3 աշակերտ (ամեն աշակերտ օլիմպիադային կարող է մասնակցել միայն 1 առարկայից):

Օլիմպիադայի մասնակիցները ապրիլի 2-ին՝ ժամը 10:30-ին, պետք է ներկայանան ԵՊՀ Իջևանի մասնաճյուղ:

Դպրոցների տնօրեններին խնդրում ենք, որ մինչև ս.թ. մարտի 15-ը հաստատեն իրենց աշակերտների մասնակցությունը ըստ առարկաների՝ նշելով աշակերտի անուն, հայրանուն, ազգանունը, դասարանը և ուղարկելով հետևյալ հասցեով՝ ՀՀ, ք. Իջևան, Ուսանողական 3, ԵՊՀ Իջևանի մասնաճյուղ (հեռ.՝ 096987654, 096557556):

Մասնակիցների հայտերը կարելի է ուղարկել նաև էլ.փոստով՝ vahanagha@yandex.ru:

I փուլի հաղթողները կմասնակցեն օլիմպիադայի II փուլին, որը տեղի կունենա ս.թ. ապրիլի 16-ին՝ ժամը 11:00 -ին, Երևանի պետական համալսարանում:

Ի գիտություն

ԵՊՀ գիտական խորհրդի որոշմամբ՝ օլիմպիադայում հանրակրթական առարկաներից հաղթած (I, II և III կարգի դիպլոմների արժանացած) աշակերտներին Համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40 և 30 տոկոս ուսման վարձի զեղչ:

Հարցերի դեպքում կարող եք զանգահարել Վահան Աղաբաբյանին (096987654 – Vivacell, 096557556 – Beeline):

 ՀՀ Գիտությունների ազգային ակադեմիայի գիտակրթական միջազգային կենտրոնը հրավիրում է մասնակցելու կենտրոնում կայանալիք «Հիմնարար և կիրառական գիտական հետազոտություններ. Արդիական խնդիրներ և ձեռքբերումներ» խորագրով միջազգային գիտաժողովին՝ հանդես գալով զեկուցումներով։ Գիտաժողովը կմեկնարկի ս.թ. մայիսի 27-ին՝ ժամը 10։00-ին։

Գիտաժողովի նպատակն է ներկայացնել պրոֆեսորադասախոսական համակազմի, ասպիրանտների և մագիստրանտների հիմնարար և կիրառական հետազոտություններում առկա ձեռքբերումներն ու հիմնախնդիրները։

Խմբագրական խորհրդի գրախոսած և երաշխավորած գիտական հոդվածները ընդգրկվելու են ՀՀ ԳԱԱ ԳԿՄԿ գիտական խորհրդի կողմից երաշխավորված գիտական հոդվածների ժողովածուում, որը լույս է տեսնելու մինչև գիտաժողովի մեկնարկը։

Հոդվածները ներկայացնելու տեխնիկական պահանջներին կարող եք ծանոթանալ այստեղ։

Հոդվածները ներկայացնելու վերջնաժամկետը ս.թ. մարտի 15-ն է։

Հարցերի դեպքում կարող եք զանգահարել ՀՀ ԳԱԱ գիտակրթական միջազգային կենտրոն՝ Վիկտորյա Սարջանյանին՝ (+374 10) 56 8183 (358) հեռախոսահամարով։

Աղբյուրը՝ https://escs.am/:

 Գերմանական «ԿՈՊԵՐՆԻԿՈՒՍ ԲԵՌԼԻՆ» ասոցիացիան այս տարի հնարավորություն է ընձեռում հայ երիտասարդներին մասնակցել հետևյալ երեք միջոցառումներին, որոնց վերաբերյալ մանրամասներին հնարավոր է ծանոթանալ ստորև ներկայացված հղումներով.

• Երիտասարդների փոխանակման ծրագիր. «Սոցիալական ինտեգրումը և միգրանտների մասնակցությունը հասարակության ներսում». տևողությունը՝ 09.03-16.03.2022, գրանցում՝ մինչև ս.թ. փետրվարի 20-ը (https://www.copernicusberlin.de/ye-social-inclusion-and-migrant-participation-in-society):
• Երիտասարդների փոխանակման ծրագիր. «Երիտասարդների առաջարկները կլիմայի փոփոխությունը կանխարգելելու և լուծելու առնչությամբ». տևողությունը՝ 03-19.03.2022, գրանցում՝ մինչև ս.թ. փետրվարի 20-ը: (https://www.copernicusberlin.de/ye-young-minds-solving-climate-change):
• Դասընթաց «Կիսվե՛ք ճշմարտությամբ». տևողությունը՝ 03-21.03.2022, գրանցում՝ մինչև ս.թ. փետրվարի 20-ը (https://www.copernicusberlin.de/tc-post-truth):