2022թ. ապրիլի 8-ին Վանաձորի պետական համալսարանի ուսանողական գիտական ընկերությունը կազմակերպում է հանրապետական 11-րդ երիտասարդական գիտաժողով՝ «Նոր հեռանկարներ ուսանողների գիտահետազոտական ներուժի բացահայտման համար» խորագրով: Գիտաժողովին կարող են մասնակցել բակալավրիատի և մագիստրատուրայի ուսանողներ, ասպիրանտներ, հայցորդներ և երիտասարդ գիտնականներ։ Գիտաժողովը նախատեսում է առկա/առցանց մասնակցության ձևեր:

Նստաշրջանի ընթացքում գործելու են հետևյալ բաժանմունքները.

1. Պատմություն
2. Իրավագիտություն և քաղաքագիտություն
3. Հայ բանասիրություն
4. Օտար լեզուներ և գրականություն
5. Տնտեսագիտություն
6. Մանկավարժություն
7. Հոգեբանություն և սոցիոլոգիա
8. Փիլիսոփայություն
9. Արվեստագիտություն
10. Բնագիտություն և աշխարհագրություն
11. Կենսաբանություն և քիմիա
12. Ֆիզիկա, մաթեմատիկա և ինֆորմատիկա:

Գիտաժողովի աշխատանքներին մասնակցելու համար անհրաժեշտ է մինչև 2022թ. փետրվարի 15-ը Ուսանողական գիտական ընկերության էլ. փոստի հասցեին (sss.vsu.am@mail.ru) ուղարկել մասնակցության հայտը:

Ստացված հայտերը կանցնեն մասնագիտական դիտարկման փուլ, և միայն դրական արդյունքի պարագայում կհաստատվի հայտատուի մասնակցությունը: Գիտական նստաշրջանին զեկուցված նյութերը գրախոսման փուլը հաղթահարելու և տպագրության երաշխավորվելու պարագայում տպագրվելու են Վանաձորի պետական համալսարանի ուսանողական գիտական ընկերության «Գիտաժողովի նյութեր» ժողովածուի հերթական համարում։

Գիտաժողովի աշխատանքային լեզուներն են՝ հայերեն, ռուսերեն, անգլերեն:

Չափորոշիչներին չհամապատասխանող զեկուցումները չեն ընդունվելու:

Մասնակցության հայտին, տպագրության ներկայացվող հոդվածի պահանջներին կարելի է ծանոթանալ հետևյալ հղումով:

 ԱՐՓԱ (Analysis Research & Planning for Armenia) հիմնարկությունը հայտարարում է ամենամյա նորարարության մրցույթ ՀՀ մինչև 35 տարեկան գիտնականների, ասպիրանտների, գիտահետազոտողների (օրինակ՝ ճարտարագիտություն, անօդաչու սարքեր, ռոբոտաշինություն, էլեկտրոնիկա և/կամ մեխանիկական տեխնոլոգիաներ, բժշկագիտություն և այլ բնագավառներ) համար՝ առաջարկելով մրցութային հետևյալ պարգևները՝ առաջին մրցանակ՝ 5000 դոլար, երկրորդ մրցանակ՝ 1000 դոլար:

Մրցույթը կկայանա երկու փուլով:

Առաջին փուլի համար անհրաժեշտ է ուղարկել մեկ էջ նորարարության ամփոփումները PDF տարբերակով մինչև 2022թ. մայիսի 30-ը ներառյալ: Նկարներ/graphs կամ վիդեո ուղարկելով՝ ավելի արդյունավետ կդառնա քննարկումը:

Երկրորդ փուլում առաջին փուլի համար ներկայացված ամփոփումների հաղթողները, հետևելով մասնագետների տված բարելավման առաջարկություններին, կվերբեռնեն իրենց լրիվ և ամբողջական հայտերը` ըստ ԱՐՓԱ հիմնարկության կայքէջում (https://www.arpainstitute.org/) նշված պայմանների մինչև 2022թ. օգոստոսի 31-ը ներառյալ:

Մանրամասներին կարող եք ծանոթանալ՝ անցնելով հետևյալ հղումներով.

• http://ysu.am/uploaded/ARPA_Invention_Criteria_2022.pdf,
• http://ysu.am/uploaded/InventionFlier2022.pdf:

Աղբյուրը՝ ysu.am:

 Միջազգային հարաբերությունների Ազգային ժողովրդավարության ինստիտուտի (ԱԺԻ) Հայաստանի գրասենյակը՝ ՀՀ Ազգային ժողովի հետ համագործակցությամբ, մեկնարկում է 10 ամիս տևողությամբ և ամբողջական դրույքով պրակտիկայի ծրագիր Ազգային ժողովում: Սույն ծրագիրն իրականացվում է Միացյալ Նահանգների միջազգային զարգացման գործակալության (USAID) աջակցության շնորհիվ՝ №7201118LA00002 որոշման ներքո, որն իրականացվում է «Ընտրությունների և քաղաքական գործընթացի ամրապնդման կոնսորցիում (CEPPS)» ծրագրի կողմից:

Ծրագրի միջոցով 21 երիտասարդներ ամբողջ Հայաստանից հնարավորություն կունենան ծանոթանալու խորհրդարանական ժողովրդավարությանը, կաշխատեն խմբակցություններում, պատգամավորների գրասենյակներում, հանձնաժողովներում և ԱԺ աշխատակազմում:

Հիմնական պարտականությունները լինելու են, սակայն չեն սահմանափակվելու՝

• քաղաքացիների դիմումների ուսումնասիրություններ,
• զեկույցների և օժանդակ նյութերի մշակում և վերլուծություն,
• լրատվության ուսումնասիրություն և վերլուծություն,
• հանդիպումների կազմակերպմանն աջակցություն և նշումների իրականացում,
• սոցիալական ցանցերի վարում և հաղորդակցության բարելավում,
• համայնքային և առցանց հանդիպումների կազմակերպում,
• տարբեր հետազոտական աշխատանքների իրականացում:

Ծրագրին կարող են մասնակցել շրջանավարտներ, երիտասարդներ, ինչպես նաև ծրագրով հետաքրքրված կազմակերպություններ և անհատներ:

Պրակտիկայի ծրագրին դիմելու և մանրամասների համար՝ https://forms.gle/umhNzTyHcSTygYPH9:

Դիմելու վերջնաժամկետը 2022թ. հունվարի 17-ն է:

Ծրագրի վերաբերյալ ամբողջական տեղեկատվությանը կարող եք ծանոթանալ ծրագրի ֆեյսբուքյան էջում:

 ԵՊՀ հոգաբարձուների խորհրդի՝ 2021թ. դեկտեմբերի 17-ի նիստին Երևանի պետական համալսարանի կառավարիչ-ռեկտոր է ընտրվել Հովհաննես Հովհաննիսյանը  5 տարի ժամկետով:

ԵՊՀ Իջևանի մասնաճյուղի ղեկավարության և ողջ անձնակազմի անունից շնորհավորում ենք պարոն Հովհաննիսյանին՝ մաղթելով բեղուն և արդյունավետ գործունեություն: