2013թ. սեպտեմբերի 11-ին ԵՊՀ Իջևանի մասնաճյուղ այցելեցին Բավարիայի Այխշտետ Ինգոլշտադ համալսարանի դոկտոր, պրոֆեսոր Հարալդ Պեխլաները և նույն համալսարանի տուրիզմի բաժնի մագիստրատուրայի առաջին կուրսի մի խումբ ուսանողներ: Նրանց ուղեկցում էին Գերմանիայի Միջազգային Համագործակցության (GIZ) «Քաղաքների ցանց Հարավային Կովկասում» նախաձեռնության շրջանակներում Տավուշի մարզի ու Ռեգենի տարածաշրջանի միջև համագործակցության գերմանական կողմի գործընկերներ Հերբերթ Ուննաշը, Սուսաննե Վագները և Ռեգինա Քաուշինգերը:
![Գերմանացի հյուրերի այցը ԵՊՀ Իջևանի մասնաճյուղ](http://ijevan.ysu.am/wp-content/uploads/2013/09/Visit-of-German-guests-1.jpg)
Հանդիպմանը ներկա էին ԵՊՀ ԻՄ-ի տնօրեն Ս.Առաքելյանը, մասնաճյուղի վարչական անձնակազմի ներկայացուցիչներ, դասախոսներ, ուսանողներ:
Այցելության նպատակը ԵՊՀ Իջևանի մասնաճյուղի և Ռեգենի տարածաշրջանի բարձրագույն ուսումնական հաստատությունների միջև համագործակցության ուղղությամբ նախնական քայլեր ձեռնարկելն էր:
![Գերմանացի հյուրերի այցը ԵՊՀ Իջևանի մասնաճյուղ](http://ijevan.ysu.am/wp-content/uploads/2013/09/Visit-of-German-guests-2.jpg)
Հանդիպման ընթացքում քննարկվեցին մի շարք հարցեր: Հայ և գերմանացի ուսանողների միջև անգլերեն լեզվով տեղի ունեցավ մտքերի փոխանակություն, խոսեցին իրենց նախասիրությունների և ընդհանուր հետաքրքրություննների մասին: Տնօրենի կողմից առաջարկվեց մասնաճյուղում ստեղծել գերմաներեն լեզվի ուսուցման կենտրոն, որպեսզի հետագա հաղորդակցումը լինի գերմաներենով:
![Գերմանացի հյուրերի այցը ԵՊՀ Իջևանի մասնաճյուղ](http://ijevan.ysu.am/wp-content/uploads/2013/09/Visit-of-German-guests-3.jpg)
Հյուրերն այցելեցին նաև մասնաճյուղի կիրառական արվեստի ֆակուլտետի կոմպոզիցիոն աշխատանքների պատկերասրահ, որտեղ ծանոթացան ֆակուլտետի շրջանավարտների բազմաժանր (գոբելեն, գեղանկար, վիտրաժային նկարչություն, փայտի գեղարվեստական մշակում, բոլորաքանդակ, բատիկա և այլն) ստեղծագործություններին:
![Գերմանացի հյուրերի այցը ԵՊՀ Իջևանի մասնաճյուղ](http://ijevan.ysu.am/wp-content/uploads/2013/09/Visit-of-German-guests-4.jpg)
Պատկերասրահի տպավորությունների գրքում պրոֆեսոր Պեխլաները կատարեց գրառում իր ստացած ջերմ տպավորությունների վերաբերյալ:
![Գերմանացի հյուրերի այցը ԵՊՀ Իջևանի մասնաճյուղ](http://ijevan.ysu.am/wp-content/uploads/2013/09/Visit-of-German-guests-5.jpg)
Երկու կողմերն էլ շահագրգռված էին հետագա լուրջ համագործակցության համար: