Երևանի պետական համալսարանի Իջևանի մասնաճյուղ

Հայտարարություններ

ՀՐԱՆՏ ԹԱՄՐԱԶՅԱՆԻ ծննդյան 90-ամյակին նվիրված միջոցառում

ՀՐԱՆՏ ԹԱՄՐԱԶՅԱՆԻ ծննդյան 90-ամյակին նվիրված միջոցառում

Հարգելի՛ համալսարանականներ, ԵՊՀ Իջևանի մասնաճյուղի հումանիտար գիտությունների ֆակուլտետի հայոց լեզվի և գրականության ամբիոնը հրավիրում է Ձեզ մասնակցելու  ՀՐԱՆՏ ԹԱՄՐԱԶՅԱՆԻ ծննդյան 90-ամյակին նվիրված միջոցառմանը, որը տեղի կունենա 2016 թ. դեկտեմբերի 23-ին` ժամը 12:30-ին, ԵՊՀ ԻՄ հումանիտար գիտությունների ֆակուլտետի 51-րդ լսարանում:

ՄԻՋՈՑԱՌՄԱՆ ԾՐԱԳԻՐԸ

ԲԱՑՄԱՆ ԽՈՍՔ`
ԵՊՀ ԻՄ հումանիտար գիտությունների ֆակակուլտետի հայոց լեզվի և գրականության ամբիոնի վարիչ ՎԱՉԱԳԱՆ ԱՎԱԳՅԱՆ

1. ԶԵԿՈՒՑՈՒՄՆԵՐ

1. Գրիգոր Նարեկացին Հրանտ Թամրազյանի գնահատմամբ
Զեկ.` ՎԱՉԱԳԱՆ ԱՎԱԳՅԱՆ, բ. գ. թ., դոցենտ

2. Եղիշե Չարենցը Հրանտ Թամրազյանի գնահատմամբ
Զեկ.` ՄՈՒՇԵՂ ՍԱՐՈՒԽԱՆՅԱՆ, բ. գ. թ., ասիստենտ

3. Հրանտ Թամրազյան-Սերո Խանզադյան առնչությունները
Զեկ.` ՎԱՀԱՆ ԱՂԱԲԱԲՅԱՆ, բ. գ. թ., ասիստենտ

4. Հրանտ Թամրազյան. «Հուշերիս հետ», 
Զեկ.` ԱԼԻՍԱ ՀԱՍԱՆՅԱՆ, բ. g. թ., ասիստենտ

5. Այլ զեկուցումներ

2. ԳԵՂԱՐՎԵՍՏԱԿԱՆ ՄԱՍ

Ուսանողների կատարմամբ կհնչեն Հրանտ Թամրազյանի սիրած երգերից:

Սիրով հրավիրում ենք:

Տեղի կունենա անգլերեն լեզվով կինոդիտում և քննարկում

Տեղի կունենա անգլերեն լեզվով կինոդիտում և քննարկում

2016թ. դեկտեմբերի 23-ին՝ ժամը 13:00-ին, №50 լսարանում տեղի կունենա անգլերեն լեզվով կինոդիտում և քննարկում, որը կազմակերպել է Անգլերեն լեզվի և գրականության ամբիոնը:

Կներկայացվի Չ.Դիկկենսի «Սուրբ ծննդյան տաղ» վիպակի՝ Դիսնեյի “A Christmas Carol”  (2009) անիմացիոն ադապտացիան:

Մուտքն ազատ է:

Դասավանդման առաջավոր փորձի փոխանցման և երիտասարդ դասախոսների աջակցման կենտրոնը հրավիրում է հերթական դասախոսության

 

Դասավանդման առաջավոր փորձի փոխանցման և երիտասարդ դասախոսների աջակցման կենտրոնը հրավիրում է հերթական դասախոսության

2016թ. դեկտեմբերի 24-ին՝ ժամը 12:30-ին, Հումանիտար գիտությունների ֆակուլտետի №28 լսարանում տեղի կունենա Դասավանդման առաջավոր փորձի փոխանցման և երիտասարդ դասախոսների աջակցման կենտրոնի կազմակերպած՝ «Մոդուլի վերջնարդյունքների մշակում» թեմայով դաս-քննարկումը, որը կվարի Ընդհանուր մաթեմատիկայի և բնագիտության ամբիոնի դոցենտ, ֆ.մ.գ.թ., տնօրենի խորհրդական Ա. Հ. Մակարյանը:

Սիրով հրավիրում ենք:

«Լույս» հիմնադրամի մենթորության ծրագիր 2017

«Լույս» հիմնադրամի մենթորության ծրագիր 2017

Սիրելի երիտասարդներ, եթե ցանկանում եք.

  •  կապ հաստատել աշխարհի առաջատար գիտական կենտրոնների հետ,
  • մասնագիտական ու անհատական զարգացում ունենալ,
  • ընդլայնել գործնական ցանցը,

Հրավիրում ենք մասնակցելու «Լույս» հիմնադրամի մենթորության ծրագրին:

– Մասնակիցների տարիքը՝ 15-25 տարեկան
– Դիմելու վերջնաժամկետը՝ 2016 թ. դեկտեմբերի 25
– Առցանց հայտաձևը՝ այստեղ:

Մենթորությունը գործընկերություն է «Լույսի» ուսանողի՝ մենթորի և 15-25 տարեկան հայաստանցի երիտասարդի՝ մենթիի միջև։ Մենթորությունն օգտակար է երկու կողմերի համար․ մենթիները խորհուրդ և ուղղորդում են ստանում, իսկ մենթորները փոխանցում են իրենց գիտելիքն ու հմտությունները և դրական օրինակ ծառայում։

Աղբյուրը՝ http://armscoop.com

2017թ. UCL ամառային դպրոց ուսանողների համար

 Միջազգային ամառային դպրոց շրջանավարտների համար

Հարգելի՛ ուսանողներ, Լոնդոնի համալսարանական քոլեջը հրավիրում է մասնակցելու UCL միջազգային ամառային դպրոցի 2017թ. ծրագրին:

UCL ամառային դպրոցն աշխարհի տարբեր ծայրերից հյուրընկալում է ուսանողներ՝ նրանց  համար երաշխավորելով յուրատեսակ փորձառություն:

Դիմումներն ընդունվում են  2016թ. դեկտեմբերի 1-ից մինչև 2017թ. մարտ 1-ը ներառյալ՝ անվճար:

Մանրամասներին, ամառային դպրոցի գովազդային նյութերին (գրքույկների շարք, ծրագրային միավորների վերաբերյալ թռուցիկներ և պաստառներ) կարող եք ծանոթանալ Լոնդոնի համալսարանական քոլեջի կայքէջում՝ http://www.ucl.ac.uk:

Հարցերի դեպքում կարող եք դիմել Կապի և հավաքագրման պատասխանատու Ռոբի Հերոնին՝ r.herron@ucl.uk էլեկտրոնային հասցեով:

Սկիզբ...153154155156157158159160161162...Վերջ

Հայտարարություն

Նորություններ