2018թ. մայիսի 22-ին ԵՊՀ Իջևանի մասնաճյուղի «ԻԿՄ» մասնագիտության 1-ին կուրսի ուսանողները՝ Ծրագրավորման և ինֆորմացիոն տեխնոլոգիաների ամբիոնի ասիստենտ, ուսումնական խորհրդատու Մ.Ճաղարյանի ուղեկցությամբ, այցելեցին Երևանի պետական համալսարանի ինֆորմատիկայի և կիրառական մաթեմատիկայի (ԻԿՄ) ֆակուլտետ:

Ուսանողներին հյուրընկալեց Ինֆորմատիկայի և կիրառական մաթեմատիկայի ֆակուլտետի դեկան Վ.Դումանյանը:

Այնուհետև տեղի ունեցավ հանդիպում ֆակուլտետի ուսանողական խորհրդի հետ: Ջերմ մթնոլորտում հարց ու պատասխաններով քննարկվեցին ուսանողական և մասնագիտական հարցեր:

Բաժանվելով խմբերի՝ ուսանողները մասնակցեցին ԷՀՄ և ծրագրավորման, Դիսկրետ մաթեմատիկայի և Մաթեմատիկական անալիզի դասընթացներին: Մայր բուհի դասախոսները շեշտեցին մասնաճյուղի ուսանողների պատրաստվածության բարձր մակարդակը:

Դասերից հետո ֆակուլտետի ուսխորհրդականների ուղեկցությամբ ԵՊՀ ԻՄ-ի ուսանողները գնացին ԵՊՀ պատմության թանգարան, որտեղ ներկայացվեց Մայր բուհի հիմնադրման պատմությունը, այցելեցին գրադարան, Ուսանողական խորհուրդ և Ուսանողական գիտական ընկերություն:

Բավականին լավ տպավորություններով շարունակվեց ճանաչողական էքսկուրսիայի մյուս մասը:

Ուսանողները զբոսնեցին մայրաքաղաքում, այցելեցին տեսարժան վայրեր:

Նմանատիպ այցերը դրականորեն են ազդում ուսումնական գործընթացի վրա, ամրապնդում Մայր բուհ-մասնաճյուղ կապը:

2018թ. մայիսի 22-ին ԵՊՀ ԻՄ-ի «Քարտեզագրություն և կադաստրային գործ» մասնագիտության ուսանողները՝ Տուրիզմի կառավարման և մշակութաբանության ամբիոնի ասիստենտ, «Զբոսաշրջություն» մասնագիտության կրթական ծրագրի պատասխանատու Պավել Ասիլբեկյանի ուղեկցությամբ, ճանաչողական այց կատարեցին ԵՊՀ աշխարհագրության և երկրաբանության ֆակուլտետ։

Այցելության նպատակն էր մասնաճյուղի ուսանողներին ծանոթացնել Մայր բուհի նույն մասնագիտության ուսումնական բազային, լաբորատոր հագեցվածությանը, դասավանդման մեթոդներին, ապահովել շփումը ուսանողների միջև:

ԵՊՀ-ում իրականացվեցին համատեղ դասընթացներ:

Մասնագիտական լաբորատորիայում դասախոս Ա.Մանուկյանը ուսանողներին ներկայացրեց լաբորատոր սարքավորումները, պրակտիկայի անցկացման հնարավորությունները։ Ուսանողները ստացան իրենց հետաքրքրող հարցերի պատասխանները:

Ձեռք բերվեց հետագա համագործակցության պայմանավորվածություն:

Այնուհետև երկրորդ կուրսի ուսանողները մասնակցեցին «Գեոմորֆոլոգիա երկրաբանության հիմունքներով» դասընթացին, որը վարում էր պրոֆեսոր Բոյնագրյանը։

Օրվա երկրորդ կեսին ուսանողներն այցելեցին Երևանի տեսարժան վայրեր և լավ տպավորություններով  վերադարձան Իջևան։

Նմանատիպ այցելությունները շատ կարևոր են ինչպես Մայր բուհ–մասնաճյուղ համագործակցության խորացման, շփումների, այնպես էլ համեմատությունների և ինքնագնահատման համար։

2018թ. փետրվարի 8-ից հունիսի 7-ը ընթանում է ԵՊՀ ԻՄ-ի «Տարրական մանկավարժություն և մեթոդիկա» մասնագիտության 2-րդ կուրսի ուսանողների անընդհատ (շարունակական) պրակտիկան:

Ծրագրով նախատեսված է մանկավարժական պրակտիկան իրականացնել շարունակականության և հաջորդականության սկզբունքներով, մասնագիտական կոմպետենտության աստիճանական զարգացման մեխանիզմով, երեք շրջափուլերով (տեսակներով).
• 1-ին փուլ՝ «Ուսումնաճանաչողական կամ հոգեբանամանկավարժական պրակտիկա»,
• 2-րդ փուլ` «Մանկավարժական (աջակցող) փորձի (կիրառական-վերլուծական) պրակտիկա»,
• 3-րդ փուլ` «Ամփոփիչ-գնահատող պրակտիկա»:

Այն իրականացվում է բակալավրի կրթական ծրագրի մանկավարժական բոլոր մասնագիտությունների գծով: Պրակտիկայի նպատակը ուսումնաճանաչողական է և կրում է հոգեբանամանկավարժական բնույթ:

Անընդհատ (շարունակական) պրակտիկայի ընթացքում ուսանողը պետք է`

 կազմի պրակտիկայի հանձնարարությունների անհատական օրացուցային պլան,

 մտապահի և գրանցի պրակտիկայի ընթացքում իր կողմից դիտարկված փաստերը,

 ծանոթանա ուսումնական հաստատությանը, դրա կառուցվածքին, գործունեության պայմաններին և համապատասխանությանը ներառական կրթության պահանջներին, գործառույթներին, աշխատանքային ռեժիմին, ուսումնադաստիարակչական աշխատանքների և միջոցառումների համալիր և հեռանկարային պլաններին, տարբեր ստորաբաժանումների գործառույթներին ու աշխատանքային ծրագրերին, պլաններին, ուսուցման գործընթացի կազմակերպման սկզբունքներին, ուսումնամեթոդական աշխատանքների իրականացման ընթացակարգերին, դպրոցի փաստաթղթավարման և մատենավարության հիմունքներին,

 իրականացնի մանկավարժական գործընթացների տարբեր տեսակների, մանկավարժների և աշակերտների գործունեության, աշակերտների անատոմիական և ֆիզիոլոգիական փոփոխությունների, հոգեկան և մտավոր զարգացման գործընթացների, վարքի, դասարանի և դպրոցի հոգեբանական մթնոլորտների, ուսուցման գործընթացի պայմանների դիտումներ,

 իրականացնի առանձին աշակերտների անձի, դասարանների հոգեբանական մթնոլորտի շուրջ հոգեբանամանկավարժական տվյալների նախնական հավաքագրում,

 պլանավորի և իրականացնի աշակերտների հետ նպատակաուղղված ման-կավարժական հաղորդակցում,

 ճանաչի, վեր հանի և մեկնաբանի հոգեբանամանկավարժական տեղեկությունները,

 ուսումնասիրությունների արդյունքներով կազմի առանձին աշակերտների անձի, դասարանների հոգեբանական մթնոլորտի հոգեբանամանկավարժական բնու

 իրականացնի դասավանդման և դաստիարակչական գործընթացների կազմակերպման օրինաչափությունների և առանձնահատկությունների, աշակերտների ճանաչողական հետաքրքրությունների զարգացման և դրդապատճառների շուրջ հոգեբանամանկավարժական տվյալների հավաքագրում,

 համագործակցի դասղեկի, ֆիզղեկի և ռազմագիտության գծով պատասխանատուի առարկայական ուսուցչների հետ արտադպրոցական, արտադասարանական միջոցառումների և էքսկուրսիաների կազմակերպման ու անցկացման ժամանակ,

 վարի պրակտիկայի ուսանողական թղթապանակ, կատարի ընդհանրացումներ պրակտիկայի այս փուլի համար և ձևակերպի արդյունքները,

 ներկայացնի հաշվետվություն՝ կցելով մեկ աշակերտի, դասարանի հոգեբանական մթնոլորտի հոգեբանամանկավարժական բնութագրեր` որակապես արժևորված հոգեբան-մանկավարժի, իր կողմից իրականացված արտադասարանական կամ արտադպրոցական աշխատանքի պլան` որակապես արժևորված պրակտիկայի խմբի ղեկավար-մեթոդիստի կողմից:

«ՏՄՄ» 2-րդ կուրսի պրակտիկան իրականացվում է Իջևանի №1 հիմնական դպրոցում՝ պրակտիկայի ղեկավար և պատասխանատու, Հոգեբանության և մանկավարժության ամբիոնի դասախոս Է.Սիմոնյանի վերահսկողությամբ:

Նախքան դպրոց գնալը հանդիպումներ են տեղի ունեցել պրակտիկայի ղեկավար, պատասխանատու Է.Սիմոնյանի և ուսանողների միջև՝ կապված պրակտիկայի նպատակների, հետագա անելիքների, ինչպես նաև դպրոցում կարգուկանոնի, վարվեցողության նորմերի պահպանման հետ:
Ուսանողներն իրականացրել են նախնական գնահատում (վերլուծություն):
Հետագայում հանդիպումներ են կայացել դպրոցի տնօրեն Ա.Փաշինյանի, ապա Ուսումնական գծով փոխտնօրեն Ա.Պետրոսյանի հետ, ով ուսանողներին ծանոթացրել է դպրոցի կարգուկանոնին, մատենավարությանը, դպրոցում գործող խորհուրդներին, աշխատակազմին և նրանց գործառույթներին:

Ուսանողները դպրոցի աշխատակիցների ուղեկցությամբ շրջայց են կատարել դպրոցի ողջ տարածքով, ուսումնասիրել դասարանները (կահավորանքը), համակարգչային սրահը, գրադարանը, հատուկ կարիքով երեխաների համար նախատեսված դասասենյակը, մարզադահլիճը, ճաշարանը և այլն:
Հանդիպումներ են տեղի ունեցել նաև դպրոցի դասվարների հետ, ովքեր իրենց բազմամյա փորձով կիսվել են ուսանողների հետ:

Վերջում ուսանողները կպատրաստեն անհատական փաթեթներ, որոնց մեջ ներառված կլինի պրակտիկայի ընթացքում իրենց կատարած աշխատանքը, որի հիման վրա էլ կիրականացվի գնահատում:

ԵՊՀ-ի մինչհամալսարանական կրթության վարչության նախաձեռնությամբ ԵՊՀ-ում և ՀՀ բոլոր մարզերում կայացած ամենամյա 10-րդ «ԵՊՀ օլիմպիադա-2018»-ին մասնակցել էին Տավուշի մարզի 30 դպրոցների ավելի քան 300 աշակերտներ:

Նրանցից 45-ը հաղթահարել էր մարզային 1-ին փուլի փորձությունը և մասնակցել  2-րդ փուլին, որն անց էր կացվել ԵՊՀ-ում:

Ամփոփելով աշխատանքների արդյունքները՝ I կարգի դիպլոմների արժանացան՝

1. Մոսինյան Սուսաննան (Այրումի միջն. դպրոցի 12-րդ դասարան) – գերմաներեն առարկայից,
2. Զաքարյան Ինեսան (Դիլիջանի ավագ դպրոցի 11-րդ դասարան) – անգլերեն առարկայից,
3. Դանիելյան Ինեսսան (Դիլիջանի ավագ դպրոցի 12-րդ դասարան) – հայոց լեզու և գրականություն առարկայից:

II կարգի դիպլոմների արժանացան՝

1. Ստեփանյան Վալենտինան (Դիլիջանի ավագ դպրոցի 12-րդ դասարան) – հայոց լեզու և գրականություն առարկայից,
2. Մուրադյան Լիլիթը (Կողբի թիվ 2 միջն. դպրոցի 12-րդ դասարան) – հայոց լեզու և գրականություն առարկայից,
3. Խոջայան Շուշանը (Կողբի թիվ 1 միջն. դպրոցի 12-րդ դասարան) – հայոց լեզու և գրականություն առարկայից:

III կարգի դիպլոմների արժանացան՝

1. Թամազյան Նարեն (Կողբի թիվ 2 միջն. դպրոցի 12-րդ դասարան) – հայոց լեզու և գրականություն առարկայից,
2. Հարությունյան Մարիամը (Կողբի թիվ 2 միջն. դպրոցի 12-րդ դասարան) – հայոց լեզու և գրականություն առարկայից,
3. Ենգիբարյան Իննան (Գետահովիտի միջն. դպրոցի 12-րդ դասարան) – հայոց լեզու և գրականություն առարկայից,
4. Ուլիխանյան Լաուրան (Գետահովիտի միջն. դպրոցի 12-րդ դասարան) – հայոց լեզու և գրականություն առարկայից,
5. Մնացականյան Էդիկը (Դիլիջանի թիվ 5 միջն. դպրոցի 12-րդ դասարան) – ֆիզիկա առարկայից:

Պատվոգրերի արժանացան տավուշցի հետևյալ դպրոցականները.

1. Բաբինյան Շուշանիկը – (Հաղարծինի միջն. դպրոցի 10-րդ դասարան) – ստեղծագործական աշխատանք առարկայից,
2. Խաչիկյան Նունեն (Նոյեմբերյանի ավագ դպրոցի 12-րդ դասարան) – աշխարհագրություն առարկայից,
3. Ասատրյան Արծրունը (Դիլիջանի ավագ դպրոցի 12-րդ դասարան) – ֆիզիկա առարկայից,
4. Բաբայան Շավարշը (Վերին Կարմիրաղբյուրի միջն. դպրոցի 12-րդ դասարան) – հայոց լեզու և գրականություն առարկայից,
5. Ներսիսյան Ասթինեն (Բերդի ավագ դպրոցի 12-րդ դասարան) – հայոց լեզու և գրականություն առարկայից,
6. Թիրաբյան Տիգրանը (Իջևանի ավագ դպրոցի 12-րդ դասարան) – մաթեմատիկա առարկայից,
7. Մնացականյան Էլլան (Դիլիջանի ավագ դպրոցի 12-րդ դասարան) – կենսաբանություն առարկայից,
8. Աբազյան Հասմիկը (Իջևանի ավագ դպրոցի 12-րդ դասարան)- կենսաբանություն առարկայից,
9. Մելքոնյան Լևոնը (Բերդի ավագ դպրոցի 12-րդ դասարան) – քիմիա առարկայից,
10. Փիլոսյան Անահիտը (Դիլիջանի ավագ դպրոցի 12-րդ դասարան) – ռուսերեն առարկայից:

ԵՊՀ Իջևանի մասնաճյուղի մասնագիտական կողմնորոշման և պրակտիկայի կազմակերպման բաժնի կողմից կազմակերպվեցին հանդիպումներ բոլոր այն դպրոցներում, որոնցում սովորող դպրոցականները հաջողությամբ էին մասնակցել օլիմպիադային և ցուցաբերել բարձր արդյունքներ: Հանդիպումների ընթացքում դիպլոմներ, արժեքավոր գրքեր և պատվոգրեր հանձնվեցին օլիմպիադայի ընթացքում բարձր միավորներ ստացած աշակերտներին:

Լավագույն մասնակցության և բարձր առաջադիմության համար ԵՊՀ ռեկտորի կողմից հատուկ շնորհակալագրով պարգևատրվեցին Դիլիջանի ավագ, Կողբի թիվ 2 և Գետահովիտի միջնակարգ դպրոցները:

2018թ. մայիսի 12-30-ին ԵՊՀ Իջևանի մասնաճյուղում ընթանում է 2017-2018 ուստարվա ամփոփիչ ատեստավորումը (առկա և հեռակա ուսուցման ավարտական աշխատանքների պաշտպանություններ)՝ 12 մասնագիտության գծով:

Ամփոփիիչ ատեստավորման գործընթացն անցկացվում է սահմանված կարգով, ըստ հաստատված ժամանակացույցների. ամփոփիչ ատեստավորման հանձնաժողովների ներկայացուցիչները, ուսանողները և դասախոսները ավարտական աշխատանքների պաշտպանություններին մոտենում են ամենայն պատասխանատվությամբ:

2018թ. մայիսի 12-ին տեղի ունեցավ «Քարտեզագրություն և կադաստրային գործ» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր ՀՀ Կառավարությանն առընթեր անշարժ գույքի կադաստրի պետական կոմիտեի աշխատակազմի ղեկավար Վարդան Ռուբենի Հասրաթյանը:

Մայիսի 14-ին կայացավ «Մանկավարժություն և հոգեբանություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր Երևանի Վ.Բրյուսովի անվան պետական լեզվահասարակագիտական  համալսարանի մանկավարժության և լեզուների դասավանդման մեթոդիկայի ամբիոնի պրոֆեսոր, մանկ. գիտ. դոկտոր Հայկ Հմայակի Պետրոսյանը:

Մայիսի 17-ին տեղի ունեցավ «Էկոլոգիական քիմիա» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր ՀՀ բնապահպանության նախարարության բնապահպանության և ընդերքի տեսչական մարմնի Տավուշի տարածքային բաժնի պետ Վահագն Վոլոդյայի Առաքելյանը:

Մայիսի 19-ին տեղի ունեցավ «Անգլերեն լեզու և գրականություն» մասնագիտության ավարտական աշխատանքների պաշտպանությունը:

Հանձնաժողովը գլխավորում էր Երևանի Վ.Բրյուսովի անվան պետական լեզվահասարակագիտական համալսարանի անգլերեն լեզվի բառագիտության և ոճաբանության ամբիոնի դոցենտ, բ.գ.թ. Լիլիթ Ասատուրի Բադալյանը:

Նույն օրը՝ մայիսի 19-ին, կայացավ «Ինֆորմատիկա և կիրառական մաթեմատիկա» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր Ռուս-հայկական (սլավոնական) համալսարանի ՏՏ դեպարտամենտի ծառայության պետ,  ֆիզմաթ. գիտ. թեկնածու, դոցենտ Հարություն Վոլոդյայի Գասպարյանը:

Մայիսի 21-ին տեղի ունեցավ «Հայոց լեզու և գրականություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր ՀՀ ԳԱԱ Մանուկ Աբեղյանի անվան գրականության ինստիտուտի տնօրեն, բան. գիտ. դոկտոր Վարդան  Գևորգի Դևրիկյանը:

Մայիսի 25-ին կկայանա «Պատմություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը կգլխավորի «Խ.Աբովյանի անվան հայկական պետական մանկավարժական համալսարան» հիմնադրամի հայոց պատմության ամբիոնի դոցենտ, պ.գ թ. Ավետիս Հմայակի  Հարությունյանը:

Մայիսի 26-ին տեղի կունենա «Ֆրանսերեն լեզու և գրականություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը կգլխավորի Երևանի Վ.Բրյուսովի անվան պետական լեզվահասարակագիտական համալսարանի ֆրանսերեն լեզվի ամբիոնի դոցենտ, բ.գ.թ. Մելանյա Սմբատի Ղազարյանը:

Մայիսի 26-ին (առկա) և 27-ին (հեռակա) տեղի կունենան «Տնտեսագիտության տեսություն» մասնագիտության ավարտական աշխատանքների պաշտպանությունները:

Հանձնաժողովը կգլխավորի ՀՀ Կենտրոնական բանկի դրամավարկային և ֆինանսական վիճակագրության բաժնի պետ Արթուր Արծրունի Ղալթախչյանը:

Մայիսի 27-ին կկայանա «Սերվիս»  մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը կգլխավորի ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախագահի առաջին տեղակալ Մեխակ Վեմիրի Ապրեսյանը:

Մայիսի 30-ին տեղի կունենան «Կիրառական արվեստ»  և «Դիզայն» մասնագիտությունների ավարտական աշխատանքների պաշտպանությունները:

Ամփոփիչ ատեստավորման հանձնաժողովները կգլխավորի ՀՀ նկարիչների միության նախագահի տեղակալ-քարտուղար, պրոֆեսոր Խաչատուր Սուրենի Ազիզյանը: