Երևանի պետական համալսարանի Իջևանի մասնաճյուղ

Համալսարանների կառավարման աջակցության ծրագրի շրջանակներում հայտարարված վեցշաբաթյա կրթաթոշակների մրցույթին մասնակցելու հրավեր

irex

Գլոբալ զարգացման ու կրթության կազմակերպությունը (ԱՅՌԵՔՍ) Կարնեգի կորպորացիայից ստացած դրամաշնորհով և Հետազոտական ռեսուրսների կովկասյան կենտրոնների կազմակերպչական մասնակցությամբ իրականացնում է Համալսարանների կառավարման աջակցության ծրագիր:

Ծրագրի շրջանակներում հայտարարվել է վեցշաբաթյա կրթաթոշակների մրցույթ, որին Հայաստանից կարող են դիմել ԵՊՀ (Իջևանի մասնաճյուղ) առաջատար մասնագետները:

Առցանց դիմելու վերջնաժամկետը մարտի 3-ն է:

Համալսարանների կառավարման աջակցության ծրագրի վերաբերյալ մանրամասները տե՛ս այստեղ:

Հարցերի կամ կողմնորոշիչ հանդիպման կարիքի դեպքում կարող եք գրել ՀՌԿԿ-Հայաստանի գործադիր տնօրեն Սոնա Բալասանյանին (director@crrc.am):

Տավուշի մարզում ԳՏՏԿ առաջին շրջանավարտների ավարտական միջոցառմանը մասնակցելու հրավեր

Հայտ. նկար

2020թ. փետրվարի 1-ին՝ ժամը 12:00-ին, ԵՊՀ Իջևանի մասնաճյուղի դահլիճում տեղի կունենա Տավուշի մարզում Գյումրիի տեղեկատվական տեխնոլոգիաների կենտրոնի առաջին շրջանավարտների ավարտական միջոցառումը:

74 մասնակցից 30 ուսանող կարողացել է հաղթահարել ԳՏՏԿ նվազագույն քննական պահանջները և դառնալ մարզում ծրագրի շրջանավարտ:

Ավարտական միջոցառումը բաղկացած է 2 մասից. առաջին մասում շրջանավարտները կներկայացնեն թիմային ավարտական նախագծերը, իսկ երկրորդ մասում նրանց կհանձնեն ավարտական վկայականներ և պաշտոնապես կհայտարարեն, թե որ ընկերությունների հետ են անցնելու գործնական պատրաստվածություն:

Սիրով բոլորին սպասում ենք:

______________________________________________________________________

 

Գյումրիի տեղեկատվական տեխնոլոգիաների կենտրոնը հիմնադրվել է 2005   թ.-ին «Ձեռնարկությունների ինկուբատոր» հիմնադրամի և Հայ օգնության ֆոնդի կողմից՝ նպատակ ունենալով ապակենտրոնացնել տեխնոլոգիական ոլորտի հնարավորությունները մայրաքաղաքից դեպի մարզեր, խթանել ոլորտի ընկերությունների հիմնումն ու գործունեությունը մարզերում՝ վերջիններիս պահանջներին համապատասխան մասնագետների պատրաստմամբ, նվազեցնել ուղեղների արտահոսքը մարզերից և նպատակային ծրագրերի միջոցով նպաստել աշխատատեղերի ստեղծմանը:

Ծրագրի մասին հավելյալ տեղեկություններ կարող եք ստանալ հետևյալ հղումներով՝ https://www.gitc.am/regionshttps://itel.am/am/news/11475:

Տեղի կունենա Կիրառական արվեստի ֆակուլտետի գիտական խորհրդի ընդլայնված նիստ

Կիր. արվ. նիստի հայտ. նկար

2020թ. հունվարի 30-ին՝ ժամը 12:00-ին, տեղի կունենա Կիրառական արվեստի ֆակուլտետի գիտական խորհրդի ընդլայնված նիստ՝ հետևյալ օրակարգով.

  1. 2019-2020 ուստարվա 1-ին կիսամյակի քննաշրջանի արդյունքների ամփոփում /առանց լուծարքային շրջանի/ (զեկուցող՝ Ա.Մարգարյան):
  2. 2019-2020 ուստարվա 2-րդ  կիսամյակի նախապատրաստական աշխատանքների  քննարկում (զեկուցող՝ Ա.Մարգարյան):
  3. Ընթացիկ հարցեր:

«Աղետների հոգեբանություն» խորագրով միջազգային գիտաժողովին մասնակցելու հրավեր

nkar

2020թ. ապրիլի 22-23-ը Հայաստանի Հանրապետության արտակարգ իրավիճակների նախարարության Ճգնաժամային կառավարման պետական ակադեմիայում կանցկացվի «Աղետների հոգեբանություն» խորագրով միջազգային գիտաժողովը, որին ներկայացվող զեկուցումները կհրատարակվեն «Ճգնաժամային կառավարում և տեխնոլոգիաներ» գիտական պարբերականի հերթական համարում: 

Դիմելու վերջնաժամկետը 2020թ. մարտի 10-ն է:

Գիտաժողովին մասնակցելու համար անհրաժեշտ փաստաթղթերի փաթեթը և այլ մանրամասներ տե՛ս այստեղ

«Կատարինե» կանանց քաղաքական առաջնորդության ծրագրին մասնակցելու հրավեր

Հայտարարութ. նկար (1)

ԱՄՆ պետքարտուղարության կողմից ֆինանսավորվող ծրագրի շրջանակներում Ազգային ժողովրդավարության ինստիտուտի (NDI) հայաստանյան գրասենյակը կազմակերպում է «Կատարինե» կանանց քաղաքական առաջնորդության ծրագիր, որի նպատակն է բացահայտել Երևանի և Հայաստանի տարբեր մարզերի առաջնորդ կանանց՝ առանց տարիքային սահմանափակման, կարողությունների զարգացման ու կապերի հաստատման շնորհիվ նպաստել նրանց առաջնորդության՝ հատկապես քաղաքական առաջնորդության բարեհաջող ընթացքին:

Ծրագիրն անվճար է, և ընտրվելու դեպքում NDI-ն հոգալու է մասնակիցների բոլոր ծախսերը՝ ներառյալ Երևանում կեցությունն ու ճանապարհածախսը:

Ծրագրի մասին առավել մանրամասն կարող եք տեղեկանալ ծրագրի պաշտոնական (ֆեյսբուքյան) էջից:

Ծրագրին դիմելու գործընթացին կարող եք ծանոթանալ հետևյալ հղումով:    

Առցանց դիմումը տե՛ս այստեղ: