Գրանցվե՛ք հիմա, մասնակցե՛ք Երևակայության գավաթ  2014 մրցույթին

Մայքրոսոֆթ ընկերության գլխավոր ուսանողական միջոցառումը՝ Երևակայության գավաթը այս տարի տեղի կունենա 12-րդ անգամ՝ իր 3 հիմնական անվանակարգերով՝ Խաղեր, Նորարարություն, Համաշխարհային համագործակցություն: Այս տարի համաշխարհային եզրափակիչը տեղի կունենա Մայքրոսոֆթի հայրենի քաղաքում՝ Սիեթլում, որտեղ դուք կարող եք մրցել ողջ աշխարհից ժամանած այլ երիտասարդների հետ և շահել Երևակայության գավաթը, ինչպես նաև 50.000 ԱՄՆ դոլար մրցանակ:

Հավաքե՛ք Ձեր թիմը, ծանոթացե՛ք մանրամասներին և  գրանցվե՛ք այստեղ

Լրացված հարցաթերթիկի կրկնօրինակը ուղարկե՛ք apply@mic.am հասցեին մինչև 2014թ ապրիլի 15-ը՝ նամակի վերնագրի հատվածում նշելով << Imagine cup>>:

ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂ ԵՐԻՏԱՍԱՐԴ ԳԻՏՆԱԿԱՆՆԵՐԻ ԱՋԱԿՑՈՒԹՅԱՆ ԾՐԱԳԻՐ
«ԵՐԻՏԱՍԱՐԴ ԳԻՏՆԱԿԱՆՆԵՐԻՆ ԳԻՏԱԿԱՆ ՍԱՐՔԵՐԻ ԵՎ/ԿԱՄ ՆՅՈՒԹԵՐԻ ՁԵՌՔԲԵՐՄԱՆ ՀԱՄԱՐ ՖԻՆԱՆՍԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ ՄՐՑՈՒՅԹ»

Երիտասարդ գիտնականների աջակցության ծրագիրը մրցութային հիմուքներով տրամադրում է ֆինանսական աջակցություն` երիտասարդ գիտնականներին գիտական սարք և/կամ նյութ ձեռքբերելու համար:

Ծրագրի հիմնական նպատակն է աջակցել հանրապետության երիտասարդ գիտնականների ստեղծագործական զարգացմանը և մասնագիտական աճին, ինչպես նաև` նպաստել Հայաստանի Հանրապետության գիտական համակարգի առաջընթացին և կադրային ներուժի համալրմանը:

Մրցույթն իրականացվելու է ըստ «Երիտասարդ գիտնականներին գիտական սարքև/կամ նյութ ձեռքբերելու համար ֆինանսական աջակցության տրամադրման» կարգի (կցվում է):
Հայտերն ընդունվում են էլեկտրոնային եղանակով`egac2012@gmail.com էլ. փոստով, վերնագրված` “equipment”: Հայտատուն նշված էլ.փոստին հայտն ուղարկելուն զուգահեռ պետք է Երիտասարդ գիտնականների աջակցության ծրագրի ֆեյսբուքյան խմբում` http://www.facebook.com/groups/321785487875421, տվյալ մրցույթի հայտարարության գրառման տակ թողնի հաղորդագրություն հեևյալ բովանդակությամբ`անուն, ազգանուն, հայտի ներկայացման ամսաթիվ:

Խնդրում ենք սույն հայտարարությանը հաջորդող մեկնաբանություններում բացառապես ներկայացնել միայն հայտեր։ Այլ բնույթի մեկնաբանությունները կջնջվեն:

Հայտերը ընդունվում են 2014թ. մարտի 15-ից մինչև 2014թ. մայիսի 1-ը:
Կից ներկայացվում են.
«Երիտասարդգիտնականներին գիտական սարքև/կամ նյութ ձեռքբերելու համար ֆինանսական աջակցության տրամադրման» կարգը, անհրաժեշտ հավելվածներով

Աղբյուրը` armacad.blogspot.com

ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂԵՐԻՏԱՍԱՐԴ ԳԻՏՆԱԿԱՆՆԵՐԻ ԱՋԱԿՑՈՒԹՅԱՆ ԾՐԱԳԻՐ
«Հայոց ցեղասպանության վերաբերյալ միջազգային գիտական պարբերականներում հոդվածների տպագրության ՄՐՑԱՆԱԿԱԲԱՇԽՈՒԹՅՈՒՆ»

Հայոց Ցեղասպանության 100-րդ տարելիցին ընդառաջ

Երիտասարդ գիտնականների աջակցության ծրագիրը Հայոց Ցեղասպանության 100-րդ տարելիցին ընդառաջ հայտարարում է մրցանակաբաշխություն ցեղասպանագիտության ոլորտում ՀՀ գիտնականների համար՝ գրախոսվող՝ ազդեցության գործակից (Impact Factor, IF) ունեցող կամ, նվազագույնը,միջազգայնորեն հաշվառվող (ինդեքսավորվող) միջազգային գիտական պարբերականներում Հայոց ցեղասպանությունը լուսաբանող գիտական հոդվածների տպագրության համար:
Խրախուսման ենթակա են նաև այն գիտական աշխատանքները, որոնք հաշվառվում են (ինդեքսավորվում են) Social Sciences Citation Index, Arts and Humanities Citation Index, Thomson Reuters, Springer, Scopus, JSTOR, International Bibliography of the Social Sciences, Philosophy Documentataion Centere Collection, ERIH (European Reference Index for the Humanities), WestLaw, Linguistic Bibliography, Index Islamicus, ProQuest Research Library և այլ նմանատիպ միջազգային շտեմարանների ցանկերում։
Ազդեցության գործակից (Impact factor) ունեցող պարբերականների ազդեցության գործակիցը պետք է հաշվառված լինի Scopus և Web of Knowledge – Thomson Reuters շտեմարանների կողմից:

ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂ ԵՐԻՏԱՍԱՐԴ ԳԻՏՆԱԿԱՆՆԵՐԻ ԱՋԱԿՑՈՒԹՅԱՆ ԾՐԱԳԻՐ
«ԵՐԻՏԱՍԱՐԴ ԳԻՏՆԱԿԱՆՆԵՐԻ ՀԵՂԻՆԱԿԱԾ ԳՐՔԵՐԻ ՏՊԱԳՐՈՒԹՅԱՆ ՀԱՄԱՐ ՖԻՆԱՆՍԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ ՄՐՑՈՒՅԹ»

«Մարդը կարիքի մեջ» կազմակերպության հայաստանյան ներկայացուցչությունն և «Հայ օգնության միություն» կազմակերպությունն Եվրամիության ֆինանսական աջակցությամբ իրականացվող «Աջակցություն շրջանառու միգրացիային և վերաինտեգրմանը Հայաստանում» ծրագրի շրջանակներում հայտարարում են տեղեկատվական հոլովակի պատրաստման մրցույթ:

Հոլովակի նպատակն է արտերկրում գտնվող միգրանտների շրջանում տարածել տեղեկատվություն Միգրացիոն ռեսուրս կենտրոնների (ՄՌԿ-ների) առկայության և գործունեության վերաբերյալ, որոնք ստեղծվել են վերոնշյալ ծրագրի շրջանակներում ՀՀ չորս մարզերում (Արարատում, Արմավիրում, Վայոց Ձորում և Սյունիքում): ՄՌԿ-ները միգրանտներինև վերադարձածներին տրամադրում են խորհրդատվություն, տեղեկատվություն տարբեր երկրներում միգրացիոն օրենսդրության վերաբերյալ, ուղղորդում են շահառուներին հուզող հարցերով զբաղվող պետական և ոչ պետական կառույցներ, ինչպես նաև առաջարկում են վերապատրաստման դասընթացներ:

Հոլովակի հիմնական ուղերձը

«Եթե որոշել եք վերադառնալ Հայաստան, Ձեզ համար օգտակար է իմանալ, որ Հայաստանում կան ՄՌԿ-ներ, որոնք կարող են աջակցել Ձեզ վերաինտեգրման նախնական շրջանում»:

Հոլովակի թիրախը

Արտերկրում բնակվող հայազգի միգրանտներ, ովքեր մտադիր են վերադառնալ Հայաստան:

Հոլովակին ներկայացվող պահանջները

Հոլովակի պետք է լինի 1րոպե տևողությամբ, հայերեն, մատչելի և ստեղծագործական հիմնական ուղերձն արդյունավետ կերպով լսարանին հասցնելու հարցում:

Հայտին ներկայացվող պահանջները

Հայտը պետք է պարունակի հոլովակի մտահղացման հակիրճ նկարագրություն (մինչև 300 բառ), աշխատանքների իրականացման ժամանակացույց, բյուջե, արտերկրում տեսահոլովակի տարածման պլան, նախկինում արված աշխատանքների նմուշներ, հայտատուի կոնտակտային տվյալներ:

Հայտերը ներկայացնել մինչև մարտի 31-ը alina.poghosyan@arsarmenia.org հասցեով՝ վերնագրում նշելով advertisement բառը:

Աղբյուրը` migrant.am