Երևանի պետական համալսարանի Իջևանի մասնաճյուղ

Հայտարարություններ

Հաստատվել է ԵՊՀ-ի ուսանողների ուսման վարձավճարների չափի պահպանման, փոփոխման և վճարված վարձավճարների վերադարձման կարգը

Երևանի պետական համալսարանի ռեկտոր Ա.Հ.Սիմոնյանի` 2014թ. փետրվարի 4-ի N 18 § 25 հրամանով հաստատվել է Երևանի պետական համալսարանի ուսանողների ուսման վարձավճարների չափի պահպանման, փոփոխման և վճարված վարձավճարների վերադարձման կարգը:

Աղբյուրը` documentation.ysu.am

Եվրասիայի և Միջին Ասիայի ուսանողների փոխանակման համաշխարհային ծրագիր

Եվրասիայի և Միջին Ասիայի ուսանողների փոխանակման համաշխարհային ծրագիրը (Global UGRAD) ԱՄՆ պետքարտուղարության Կրթական և մշակութային հարցերով բյուրոյի ծրագիրն է, որ իրականացնում է Միջազգային հետազոտությունների ու փոխանակման խորհուրդ/ԱՅՌԵՔՍ կազմակերպությունը: Ծրագիրը հնարավորություն է ընձեռում ԱՊՀ երկրների ուսանողներին անվճար առկա ուսուցում ստանալ ԱՄՆ-ում` առանց կրթական աստիճան ստանալու: Ծրագրի մասնակիցները ընտրվում են բաց, իրենց արժանիքների (առավելությունների) վրա հիմնված մրցակցության միջոցով:

Ծրագրին դիմելու վերջնաժամկետն է 2014թ. փետրվարի 28-ը:

Ծրագրի տևողության, մասնակցության պահանջների, ժամանակացույցի, ընտրության չափորոշիչների, նյութական և մասնագիտական աջակցության մասին մանրամասն տեղեկություն ստանալու համար ներկայացնում ենք ստորև բերված ամբողջական հայտարարությունը (հայերեն և անգլերեն):

Ամերիկայի Միացյալ Նահանգների կառավարությունը հայտարարոււմ է  Եվրասիայի և Միջին Ասիայի ուսանողների փոխանակման համաշխարհային ծրագրի (Գլոբալ ՅՈՒԳՐԵԴ) 2014-2015թթ. փուլի մեկնարկը:

Դիմում-հայտի ամբողջական փաթեթի հանձնման վերջնաժամկետն է` 2014թ. փետրվարի 28-ը` ուրբաթ, ժամը 17:00:

Եթե Դուք հետաքրքրված եք առանց կրթական աստիճան ստանալու սովորել Ամերիկայի Միացյալ Նահանգներում` առանց Ձեր ֆինանսական միջոցների, ապա կարող եք ստորև ծանոթանալ «Գլոբալ ՅՈՒԳՐԵԴ» ծրագրին և ծրագրի հայտադիմումի լրացման հրահանգներին:

Առցանց (oնլայն) հայտադիմում

Դիմորդներին խրախուսում ենք ծրագրին դիմել առցանց ռեժիմով` նախապես մանրամասն ուսումնասիրելով հայտադիմումի լրացման հրահանգները և Հաճախակի տրվող հարցեր բաժինը:

Ուշադրություն: Այռեքս կազմակերպությունը խորհուրդ է տալիս լրացնել առցանց հայտադիմումը նախքան 2014թ. փետրվարի 28-ը: Առցանց համակարգի աշխատանքը կարող է դանդաղել վերջնաժամկետի օրը` մեծածավալ հայտադիմումների հոսքի պատճառով, ինչը կարող է խանգարել առցանց հայտադիմում լրացնելու աշխատանքին:

Գրավոր հայտադիմում: Այն դիմորդները, ովքեր չեն կարողանում առցանց ռեժիմով լրացնել հայտադիմումը, կարող են ներկայացնել գրավոր հայտադիմում` երկու մասից բաղկացած: Գրավոր հայտադիմումի փաթեթըերեք օրինակով պետք է ներկայացնել Այռեքսի երևանյան գրասենյակ մինչև 2014թ. փետրվարի 28-ը` ուրբաթ, ժամը 17:00:

Խնդրում ենք համոզվել, որ Դուք ունեք Adobe Reader-ի վերջին տարբերակը: Դուք այն կարող եք անվճար ներբեռնել:

Այս էլեկտրոնային նամակին կից կարող եք նաև գտնել տպելու համար նախատեսված հայտադիմումը: Հայտադիմումի վերաբերյալ հարցերը կարող եք ուղղել ugrad-am@irex.org էլեկտրոնային փոստի հասցեին:

«Գլոբալ ՅՈՒԳՐԵԴ» ծրագրի վերաբերյալ մանրամասն տեղեկատվության նպատակով Այռեքսի երևանյան գրասենյակը կազմակերպում է մի շարք դասախոսություն-սեմինարներ: Դրանք ներառում են.

«Գլոբալ ՅՈՒԳՐԵԴ ծրագրի մասին» սեմինարներ, որոնց ընթացքում մանրամասն տեղեկություններ կտրամադրվեն հնարավոր դիմորդներին ծրագրի վերաբերյալ:

Հինգշաբթի, փետրվարի 13, 2014, ժամը 15:00-ին

Երեքշաբթի, փետրվարի 18, 2014, ժամը 12:00-ին

Շաբաթ, փետրվարի 22, 2014, ժամը 12:00-ին

 

«Հայտադիմումի խմբային քննարկումներ» թեմայով սեմինարներ, որոնց ընթացքում կներկայացվի հայտադիմումի ճշգրիտ լրացման կարգը:

Հինգշաբթի, փետրվարի 13, 2014, ժամը 16:00-ին

Երեքշաբթի, փետրվարի 18, 2014, ժամը 13:00-ին

Շաբաթ, փետրվարի 22, 2014, ժամը  13:00-ին

Երեքշաբթի, փետրվարի 25, 2014 ժամը 15:00-ին

Վերոնշյալ սեմինարներին գրանցվելու համար կարող եք զանգահարել 52 66 21 կամ 52 66 23 հեռախոսահամարներով կամ նամակ գրել ugrad-am@irex.org էլ. հասցեին: Բոլոր սեմինարները կանցկացվեն Այռեքսի հայաստանյան գրասենյակի (Երևան, Պարոնյան 8) հանդիպումների սրահում: Տեղերի սահմանափակության պատճառով սեմինարներին կարող են մասնակցել միայն նախապես գրանցված անձինք:

Հարգանքներով`

Այռեքսի Երևանյան գրասենյակ

Պարոնյան 8, Երևան 0015

Հեռ. (374 10) 52 66 21, 52 66 23

Ֆաքս. (374-10) 52 66 21

Էլ. փոստ. ugrad-am@irex.org

Աղբյուրը` http://armscoop.com

Տարբերանշանի մրցույթ

ՀՀ կրթության և գիտության նախարարությունը 2015 թվականին Երևանում կայանալիք Եվրոպական բարձրագույն կրթական տարածքի նախարարական գագաթաժողովի և Բոլոնիայի քաղաքականության 4-րդ ֆորումի կազմակերպական աշխատանքների շրջանակում հայտարարում է միջոցառման տարբերանշանի /լոգո/ մրցույթ:
Մրցույթին կարող են մասնակցել ինչպես կազմակերպությունները, այնպես էլ անհատ անձինք:

Տարբերանշանը պետք է արտացոլի եվրոպական բարձրագույն կրթական տարածքը և Հայաստանը՝ որպես գագաթաժողովը հյուրընկալող երկիր: 

Մրցույթի հաղթողների համար սահմանվել է մրցանակային ֆոնդ՝ 
Առաջին տեղ՝ 300 հազար դրամ,
Երկրորդ տեղ՝ 200 հազար դրամ,
Երրորդ տեղ՝ 100 հազար դրամ:
Մրցութային աշխատանքները /տպագիր և էլեկտրոնային/ ներկայացվում են համառոտ բացատրագրով և գրաֆիկական մասով: Անհրաժեշտ է աշխատանքներին կից ներկայացնել նաև մասնակցի վերաբերյալ տեղեկություն/կազմակերպության պարագայում իրավաբանական անձի տվյալները, իսկ ֆիզիկական անձը՝ անուն, ազգանուն, տարիք, հասցե, կոնտակտային տվյալներ/:
Մրցութային հանձնաժողովում ընդգրկված կլինեն կրթության, գիտության և մշակույթի բնագավառների անվանի ներկայացուցիչներ:
Տարբերանշանի օգտագործման և տնօրինման իրավասությունը կպատկանի ՀՀ ԿԳՆ-ին:
Հայտերն ընդունվում են մինչև 2014 թվականի  մարտի 10-ը ներառյալ:
Արդյունքները կամփոփվեն մինչև 2014 թվականի  մարտի 28-ը:
Աշխատանքները ներկայացնել հետևյալ հասցեով՝ Երևան,Գլխավոր պողոտա, Կառավարական տուն 3, ՀՀ ԿԳՆ հասարակայնության հետ կապերի և տեղեկատվության վարչություն, սենյակ 639: 
Հեռ. 52-73-43, էլփոստ՝ info@edu.am
Աղբյուրը` edu.am

Մեկնարկել է «Էրազմուս Մունդուս» ծրագրի «BACKIS» նախագիծը

Մեկնարկել է «Էրազմուս Մունդուս» ծրագրի «BACKIS» նախագիծը, որի նպատակն է խթանել համագործակցությունը բարձրագույն ուսումնական հաստատությունների միջև, ընդլայնել ուսանողների, դասախոսների և հետազոտողների փոխանակումներն ու  աջակցել շարժունությանը հատկապես ոչ ԵՄ անդամ երկրներից դեպի ԵՄ անդամ երկրներ:

Նախագծի դիմումների ընդունման գործընթացը սկսվել է ս.թ. դեկտեմբերի 2-ից և կտևի մինչև 2014 թ-ի փետրվարի 17-ը:

Մանրամասն տեղեկությունների համար այցելել http://www.wbackis.univ-montp2.fr/  էլեկտրոնային կայք-էջ կամ դիմել ԵՊՀ միջազգային  համագործակցության վարչություն (Ալեք Մանուկյան 1, ԵՊՀ կենտրոնական  մասնաշենք, 4-րդ հարկ, 408 սենյակ):

Աղբյուրը` http://www.ysu.am

ԵՊՀ 95-ամյակին նվիրված հոբելյանական գիտական նստաշրջան

2014 թ-ի մայիսի 16-ին ԵՊՀ-ն նշելու է հիմնադրման 95-րդ տարին: Այս կապակցությամբ Մայր բուհի ՈՒԳԸ-ն կազմակերպում է  ԵՊՀ 95-ամյակին նվիրված հոբելյանական գիտական նստաշրջանը, որը տեղի կունենա 2014 թ-ի ապրիլի 28-30-ը:

Նստաշրջանի ընթացքում ԵՊՀ յուրաքանչյուր ֆակուլտետում գործելու է մասնագիտական բաժանմունք՝ Աշխարհագրություն և երկրաբանություն, Աստվածաբանություն, Արևելագիտություն, Ժուռնալիստիկա, Ինֆորմատիկա և կիրառական մաթեմատիկա, Իրավագիտություն, Կենսաբանություն, Հայ բանասիրություն (մանկավարժություն), Մաթեմատիկա և մեխանիկա, Միջազգային հարաբերություններ, Պատմություն, Ռադիոֆիզիկա, Ռոմանագերմանական բանասիրություն, Ռուս բանասիրություն, Սոցիոլոգիա, Տնտեսագիտություն, Փիլիսոփայություն և հոգեբանություն, Քիմիա, Ֆիզիկա: Զեկուցումների թեմատիկան ազատ է:

Գիտական նստաշրջանին մասնակցելու համար անհրաժեշտ է լրացնել մասնակցության հայտը և մինչև ապրիլի 1-ն այն ուղարկել ՈՒԳԸ էլ. փոստի հասցեին`sss@ysu.am:

Ներկայացվելիք զեկուցման ամբողջական տարբերակն անհրաժեշտ է մինչև ապրիլի 10-ը էլեկտրոնային տարբերակով և համապատասխան  ամբիոնի երաշխավորագրով  ներկայացնել ֆակուլտետի ՈՒԳԸ նախագահին կամ ուղարկել ՈՒԳԸ էլ. փոստի հասցեին (երաշխավորագրի սքանավորված տարբերակով):

Համապատասխան ֆակուլտետների գիտական խորհրդի երաշխավորությամբ գիտական նստաշրջանի լավագույն զեկուցումները կտպագրվեն ԵՊՀ ՈՒԳԸ «Գիտական հոդվածների ժողովածու»-ի հոբելյանական համարներում:

ՈՒԳԸ ժողովածուում տպագրվող գիտական հոդվածի չափորոշիչներին կարող եք ծանոթանալ այստեղ: Այդ չափորոշիչներին ամենևին չհամապատասխանող կամ սահմանված վերջնաժամկետներից հետո ուղարկված զեկուցումները չեն ընդունվելու:
Աղբյուրը` ysu.am

Սկիզբ...255256257258259260261262263264...Վերջ

Հայտարարություն

Նորություններ