2017թ. մայիսի 19-30-ը ԵՊՀ Իջևանի մասնաճյուղում ընթանում է 2016-2017 ուստարվա առկա ուսուցման ամփոփիչ ատեստավորումը` ինը մասնագիտությունների ամփոփիչ ատեստավորման քննություններն ու ավարտական աշխատանքների պաշտպանությունը:

Ամփոփիիչ ատեստավորման քննություններն անցկացվում են սահմանված կարգով, հաստատված ժամանակացույցների համաձայն, ամփոփիչ ատեստավորման հանձնաժողովները և ուսանողները քննություններին ու ավարտական աշխատանքների պաշտպանություններին մոտենում են ամենայն պատասխանատվությամբ ու լրջությամբ:

2017թ. մայիսի 19-ին և 20-ին կայացան «Պատմություն», Մանկավարժություն և հոգեբանություն» մասնագիտությունների ամփոփիչ քննությունները և ավարտական աշխատանքների պաշտպանությունները:

«Պատմություն» մասնագիտության 2017թ. ամփոփիչ ատեստավորման հանձնաժողովը գլխավորում էր «Հայաստանի ազգային պոլիտեխնիկական համալսարան» հիմնադրամի հասարակագիտության ամբիոնի պրոֆեսոր, պատմ. գիտ. դոկտոր Համլետ Մարտիկի Գևորգյանը:

«Մանկավարժություն և հոգեբանություն» մասնագիտության ամփոփիչ ատեստավորման հանձնաժողովը գլխավորում էր Շիրակի «Մ.Նալբանդյանի անվան պետական համալսարան» հիմնադրամի պրոռեկտոր, մանկ. գիտ. դոկտոր, պրոֆեսոր Սպարտակ Սերյոժայի Սողոյանը:

Մայիսի 20-ին տեղի ունեցավ «Ֆրանսերեն լեզու և գրականություն» մասնագիտության ամփոփիչ ատեստավորման քննությունը:

Մայիսի 21-ին տեղի կունենա  նույն մասնագիտության ավարտական աշխատանքների պաշտպանությունը:

«Ֆրանսերեն լեզու և գրականություն» մասնագիտության ամփոփիչ ատեստավորման հանձնաժողովը գլխավորում է Երևանի Վ.Բրյուսովի անվան պետական լեզվահասարակագիտական համալսարանի ֆրանսերեն լեզվի ամբիոնի դոցենտ, բ.գ.թ. Մելանյա Սմբատի Ղազարյանը:

Մայիսի 20-ին տեղի ունեցավ «Ինֆորմատիկա և կիրառական մաթեմատիկա» մասնագիտության ամփոփիչ քննությունը:

Մայիսի 21-ին տեղի կունենա ավարտական աշխատանքների պաշտպանությունը:

«Ինֆորմատիկա և կիրառական մաթեմատիկա» մասնագիտության ամփոփիչ ատեստավորման հանձնաժողովը գլխավորում է Ռուս-հայկական (սլավոնական) համալսարանի ՏՏ դեպարտամենտի ծառայության պետ,  ֆիզմաթ. գի­տ. թեկնածու, դոցենտ Հարություն Վոլոդյայի Գասպարյանը:

Մայիսի 21-ին կկայանա «Սերվիս»  մասնագիտության ամփոփիչ քննությունը, մայիսի 27-ին՝ ավարտական աշխատանքների պաշտպանությունը:

«Սերվիս» մասնագիտության ամփոփիչ ատեստավորման հանձնաժողովը գլխավորում է ՀՀ տնտեսական զարգացման և ներդրումների նախարարության զբոսաշրջության զարգացման քաղաքականության վարչության պետ Մեխակ Վեմիրի Ապրեսյանը:

Մայիսի 21-ին և 28-ին տեղի կունենան «Տնտեսագիտության տեսություն» մասնագիտության ամփոփիչ քննությունը և ավարտական աշխատանքների պաշտպանությունը:

Հանձնաժողովը գլխավորում է ՀՀ Կառավարությանն առընթեր ՊԵԿ-ի ֆինանսահաշվային վարչության պետ, գլխավոր հաշվապահ Հովիկ  Գուրգենի Հովհաննիսյանը:

Մայիսի 22-ին և 25-ին տեղի կունենան «Կիրառական արվեստ» մասնագիտության ամփոփիչ քննությունը և ավարտական աշխատանքների պաշտպանությունը:

Հանձնաժողովը գլխավորում է ՀՀ նկարիչների միության նախագահի տեղակալ-քարտուղար, պրոֆեսոր Խաչատուր Սուրենի Ազիզյանը:

Մայիսի 26-ին և 27-ին տեղի կունենան «Անգլերեն լեզու և գրականություն» մասնագիտության ամփոփիչ քննությունը և ավարտական աշխատանքների պաշտպանությունը:

Հանձնաժողովը գլխավորում է Երևանի Վ.Բրյուսովի անվան պետական լեզվահասարակագիտական համալսարանի անգլերեն լեզվի բառագիտության և ոճաբանության ամբիոնի դոցենտ, բ.գ.թ. Լիլիթ Ասատուրի Բադալյանը:

Մայիսի 29-ին և 30-ին տեղի կունենան «Հայոց լեզու և գրականություն» մասնագիտության ամփոփիչ քննությունը և ավարտական աշխատանքների պաշտպանությունը:

Հանձնաժողովը գլխավորում է ՀՀ պետական կառավարման ակադեմիայի դոցենտ, բան. գիտ. թեկնածու Լավրենտի Աշոտի Միրզոյանը:

2017թ. մայիսի 18-ին ԵՊՀ Իջևանի մասնաճյուղում կայացավ Անգլերենի ուսանողական խմբակի այս ուստարվա եզրափակիչ դասը, որին ներկա էին Ուսխորհրդի անդամներ, ուսանողներ, հրավիրված էին դասախոսներ:

Խմբակը ստեղծվել է Ուսանողական խորհրդի նախաձեռնությամբ (2016թ. հոկտեմբերից), անգլերեն սովորել ցանկացողների համար:

Այն վարել է «Անգլերեն լեզու և գրականություն»մասնագիտության 2-րդ կուրսի ուսանողուհի Արինա Պարոնյանը:

Անգլերենի խմբակի այս ուստարվա եզրափակիչ դասին ուսանողներն արտահայտեցին ծրագրի վերաբերյալ իրենց գոհունակությունը, խոստովանեցին, որ կազմակերպված դասերը բավականին հետաքրքիր էին, օգտակար և հաճելի՝ հագեցած տարբեր խաղերով, երկխոսություններով:

Խմբակի վերաբերյալ իրենց դրական կարծիքն արտահայտեցին Անգլերեն լեզվի և գրականության ամբիոնի դասախոսները, մասնավորապես՝ Էմմա Թեմրազյանը, ով ելույթ ունեցավ և ողջունեց ուսանողների նախաձեռնությունը:

Եզրափակիչ խոսքով հանդես եկավ ԵՊՀ ԻՄ-ի ուսանողական խորհրդի նախագահ Իսկուհի Շաղբաթյանը՝ ուսանողներին շնորհավորելով ձեռք բերած գիտելիքների համար և ՈՒԽ-ի անունից նրանց հանձնելով հավաստագրեր: Ապա նա շնորհակալություն հայտնեց Արինա Պարոնյանին՝ ուսանողների սպասելիքներն արդարացնելու համար և ընդգծեց, որ հաջորդ  ուստարում խմբակը կշարունակի իր գործունեությունը: 

Աղբյուրը՝ http://ysu.am

2017թ. մայիսի 15-ին՝ Ընտանիքի միջազգային օրվա կապակցությամբ, Մանկավարժության և հոգեբանության ամբիոնի կողմից կազմակերպվել  էր «Ընտանիքի ազգապահպան դերն ու նշանակությունը» թեմայով դաս-քննարկում, որը վարում էր ամբիոնի դասախոս էդիտա Սիմոնյանը:

Քննարկմանը ներկա էին Մանկավարժության և հոգեբանության ամբիոնի վարիչ, մանկ. գիտ. թեկն., ասիստենտ Լ.Հարությունյանը, ամբիոնի դասախոսները, Հայոց լեզվի և գրականության ամբիոնի դոցենտ Ա.Սարհատյանը, Տուրիզմի կառավարման և մշակութաբանության ամբիոնի ասիստենտ, պ.գ.թ. Լ.Բեգինյանը և ուսանողներ:

Էդիտա Սիմոնյանը նշեց դասի նպատակը, հոգեբանության տեսանկյունից ներկայացրեց ընտանիքի՝ որպես ազգապահպան ինստիտուտի դերն ու նշանակությունը:

Ա.Սարհատյանը ներկայացրեց ընտանիքի նշանակությունը «Սասունցի Դավիթ» էպոսից մինչև «Ալպիական մանուշակ», իսկ Լ.Բեգինյանը ներկայացրեց ավանդական և ժամանակակից  ընտանիքների առանձնահատկությունները:

Ուսանողները հանդես եկան զեկուցումներով՝ անդրադառնալով ընտանիքի տեսակներին, ընտանեկան բախումներին, ճգնաժամերին, կոնֆլիկտներին, նրանց հաղթահարման ուղիներին:

Նրանք կազմակերպել էին նաև ընտանիքի վերաբերյալ բլից հարցում, որին դասախոսները, մասնավորապես՝ Լ.Հարությունյանը, տվեցին հետաքրքիր պատասխաններ ու մեկնաբանություններ:

Դասի վերջում ուսանողները պատրաստել էին հաճելի անակնկալ:

Ասմունքով հանդես եկավ «ՏՄՄ» մասնագիտության 1-ին կուրսի ուսանողուհի Աննա Դավթյանը, իսկ հեռակա ուսուցման «Մ/Հ» մասնագիտության 2-րդ կուրսի ուսանողուհի Լիլիա Մնացականյանը ներկայացավ գեղեցիկ երաժշտական կատարումով:

Դասն ավարտվեց հետաքրքիր ու արդյունավետ քննարկումով: