2017թ. ապրիլի 26-ին` ժամը 13:30-ին, Կիրառական արվեստի ֆակուլտետի դահլիճում տեղի կունենա ապրիլյան քառօրյա պատերազմի զոհերի հիշատակին նվիրված միջոցառում, որը կազմակերպվել է «Տավուշ» ռազմահայրենասիրական ակումբի կողմից:
Հայտարարություններ
Բարձր արդյունավետությամբ աշխատող երիտասարդ գիտաշխատողներին հավելավճարի տրամադրման հայտերի ընտրության ՄՐՑՈՒՅԹ
ՀՀ կրթության և գիտության նախարարությունը և Հայաստանի Հանրապետության Նախագահի հովանու ներքո իրականացվող «Երիտասարդ գիտնականների աջակցության ծրագիրը» Հայաստանի երիտասարդական հիմնադրամի միջոցով` հայտարարում են ՀՀ պետական բյուջեի հաշվին իրականացվող գիտական և գիտատեխնիկական գործունեության ծրագրերում և թեմաներում ընդգրկված բարձր արդյունավետությամբ աշխատող երիտասարդ գիտաշխատողներին (մինչև 35 տարեկան) հավելավճարի տրամադրման հայտերի ընտրության ՄՐՑՈՒՅԹ:
Մրցույթին մասնակցելու հայտ ներկայացվում է համացանցային առցանց (on-line) ռեժիմով (գրանցվելով https://grants.scs.am/ հասցեում)` 2017 թ. ապրիլի 18-ից մինչև մայիսի 18-ը ներառյալ (Երևանի ժամանակով ժամը 18:00):
Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ ՀՀ ԿԳՆ գիտության պետական կոմիտեի աշխատակազմի գիտական քաղաքականության վարչության գիտական քաղաքականության և զարգացման ծրագրերի բաժնում՝ աշխատանքային օրերին, ժամը 14:00 – 17:00, հեռ.` 21-01-40 (118):
Հայաստանի Հանրապետության կրթության և գիտության նախարարություն
Գիտական թեմաների հայտերի ընտրության ՄՐՑՈՒՅԹ
Հայաստանի Հանրապետության կրթության և գիտության նախարարության գիտության պետական կոմիտեն կազմակերպում է «ՔԵՆԴԼ» սինքրոտրոնային հետազոտությունների ինստիտուտ» հիմնադրամի «AREAL» գծային արագացուցչի վրա հետազոտությունների իրականացման նպատակով գիտական թեմաների հայտերի ընտրության ՄՐՑՈՒՅԹ:
Մրցույթին մասնակցելու հայտ ներկայացվում է համացանցային առցանց (on-line) ռեժիմով` գրանցվելով ՀՀ ԿԳՆ գիտության պետական կոմիտեի մրցույթների հայտերի և հաշվետվությունների ընդունման համակարգում՝ https://grants.scs.am հասցեում, մինչև 2017 թվականի մայիսի 15-ը ներառյալ` Երևանի ժամանակով ժամը 18:00:
Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ ՀՀ ԿԳՆ գիտության պետական կոմիտեի աշխատակազմի գիտական գործունեության կազմակերպման վարչությունում՝ աշխատանքային օրերին ժամը 14:00 – 17:00 (հեռախոսներ՝ 21-01-40 (108), 21-01-40 (113)):
Հայաստանի Հանրապետության կրթության և գիտության
նախարարության գիտության պետական կոմիտե
Հրապարակվել են ՄԿՈԱ բաժնի կողմից իրականացված հերթական վերլուծությունները
Հարգելի՛ համալսարանականներ, ԵՊՀ ԻՄ-ի պաշտոնական կայքէջի «Որակի ապահովման գործընթացներ» բաժնի «Հարցումների արդյունքներ» էջում տեղադրվել են ՄԿՈԱ բաժնի կողմից իրականացված՝ 2017թ. փետրվար ամսին կազմակերպված պրակտիկայի ընթացքում պրակտիկանտ-ուսանողների վերաբերյալ արտաքին շահակիցների կարծիքի ուսումնասիրման հարցման արդյունքները:
«Հաշվետվություններ, վերլուծություններ» էջում տեղադրվել են հետևյալ վերլուծությունները՝
- 2017թ. փետրվարին պրակտիկա անցած ուսանողների հետ ֆոկուս–խմբերով հանդիպման արդյունքների վերլուծություն:
Արտաքին շահակից-մանկավարժները գնահատել են մեր պրակտիկանտ-ուսանողների տեսական ու գործնական գիտելիքները և հմտությունները, ստեղծագործական ներուժը, ժամանակակից մեթոդներ ու տեղեկատվական տեխնոլոգիաներ կիրառելու կարողությունները, ուսանողների մասնագիտական խոսքի մակարդակը, թիմում աշխատելու ունակությունները և այլն:
Սույն վերլուծական ուսումնասիրությունը ներառում է ոչ միայն 2017թ. հարցման, այլև նախորդ հարցումների արդյունքների համեմատական վերլուծությունը: