Ռուսաստանի գիտությունների ակադեմիայի և Գիտության և տեխնոլոգիաների միջտարածաշրջանային  խորհրդի կողմից 2014 թ. սեպտեմբերի 9-11-ը Նեպրյախինոյում  (Չելյաբինսկի մարզ) անցկացվելու է գիտության հիմնարար եւ կիրառական պրոբլեմներին նվիրված 9-րդ միջազգային սիմպոզիումը՝ նվիրված ակադեմիկոս Վ.Պ. Մակեեւի 90-ամյակին:

Սիմպոզիումի ծրագիրն ընդգրկում է գիտության հետեւյալ բնագավառները՝ մաթեմատիկա, ֆիզիկա, նանո- և տեղեկատվական տեխնոլոգիաներ,  էներգետիկա, մեքենաշինություն, մեխանիկա և կառավարման գործընթացներ, քիմիա և նյութագիտություն, կենսաբանություն,  բժշկություն, գիտություն երկրի մասին, ճարտարապետություն և շինարարություն, գյուղատնտեսություն, մանկավարժություն և տնտեսագիտություն:

Գիտաժողովին մասնակցության հայտերը եւ զեկույցներն անհրաժեշտ է ներկայացնել Գիտության և տեխնոլոգիաների միջտարածաշրջանային խորհուրդ:

Գիտաժողովի վերաբերյալ մանրամասներին եւ զեկույցների հեղինակներին ներկայացվող պահանջներին կարող եք ծանոթանալ այստեղ:

Աղբյուրը` scs.am

Հարգելի՛ գործատուներ, 

ԵՊՀ Իջևանի մասնաճյուղը պատրաստ է աջակցել  ձեզ՝  մեր լավագույն ուսանողներից և շրջանավարտներից  ընտրելու  ձեր կազմակերպությանն անհրաժեշտ մասնագետներ:

Ձեր կազմակերպության թափուր աշխատատեղերի մասին տեղեկատվությունը մասնաճյուղի կայքում և տեղեկատվական անկյուններում զետեղելու համար անհրաժեշտ տվյալները, կից ներկայացվող ձևաչափով, ուղարկել  ԵՊՀ ԻՄ մասնագիտական կրթության և որակի ապահովման բաժնի էլ.հասցեին՝ koag.ysuib@gmail.com:

ԵՊՀ Փիլիսոփայության և հոգեբանության ֆակուլտետի Սոցիալական հոգեբանության ամբիոնի կողմից մարտի 24-ին կազմակերպվելու է միջբուհական գիտաժողով, որին կարող են մասնակցել բակալավրի, մագիստրատուրայի և ասպիրանտուրայի ուսանողներ՝ ՀՀ տարբեր բուհերից:

Հոդվածներն անհրաժեշտ է մինչև մարտի 10-ը տպագիր և էլեկտրոնային տարբերակով ներկայացնել ԵՊՀ Փիլիսոփայության և հոգեբանության ֆակուլտետ, ՈւԳԸ սենյակ կամ ուղղարկել phipsyug@gmail.com հասցեով:

Հոդվածների համար առաջարվող թեմաների շրջանակն է՝

• Ինտերնետ կախվածություն

• Ինտերնետային խաղեր

• Հեռուստատեսությունից կախվածություն

• Թմրամոլություն, խաղամոլություն

• Սեռական կախվածություն

• Հուզական կախվածություն

• Կախվածություն սոցիալական դերերից, պաշտոններից

• Կախվածություն ապրանքանիշերից, գնումներից

• Ներքին դատարկություն, ներքին դատարկությունը լցնող եղանակներ և այլն:

Հոդվածի ներկայացման պահանջները`

• «ՈւԳԸ Գիտական հոդվածների ժողովածու»-ին հոդված կարող է ներկայացնել ՀՀ բուհերից կամ գիտահետազոտական կենտրոններից որևէ մեկում սովորող մինչև 35  տարեկան անհատը: Ներկայացված գիտական հոդվածն իր բովանդակությամբ պետք է  արտացոլի հեղինակ(ներ)ի կողմից ինքնուրույն աշխատանքի արդյունքները և պարունակի գիտականորեն ընդունված ձևակերպումներ:

• Հոդվածի համակարգչային շարվածքը` «Word-97-2003» ծրագրով:

• Ծավալը` 3 ամբողջական էջից մինչև 6 էջ:

• Տեքստի տառատեսակը. հայերեն` Arial Armenian, KDWin` Armenian Phonetic, ռուսերեն` Arial LatRus, KDWin` Russian Phonetic, անգլերեն` Times New Roman, KDWin` US:

• Առաջին էջի վերին տողում (մեջտեղում) 10 pt տառաչափով, գլխատառերով, թավ (Bold) գրվում է հոդվածի վերնագիրը: Մեկ տող ներքև տողի մեջտեղում 10 pt տառաչափով տրվում են հեղինակ(ներ)ի Անուն Ազգանուն(ներ)ը: Մեկ տող ներքև տողի մեջտեղում 10 pt տառաչափով, շեղատառ (Italic) տրվում է բուհը կամ գիտահետազոտական կենտրոնը,

• ֆակուլտետը, կարգավիճակը (բակալավր, մագիստրատուրա, ասպիրանտուրա ևն), կուրսը:

• Մեկ տող ներքև 10 pt տառաչափով գրվում են գիտական ղեկավարի գիտական աստիճանը, կոչումը, անունն ու ազգանունը: Մեկ տող ներքև 10 pt տառաչափով գրվում են հեղինակի էլեկտրոնային փոստի հասցեն և հեռախոսահամարը: Մեկ տող բաց թողնելով` անհրաժեշտ է ներկայացնել հոդվածի հիմնական տեքստը:

• Հիմնական տեքստի տառաչափը` 10 pt, տողերի հեռավորությունը` 1, էջի ֆորմատը` A4 (210 x 297 մմ), լուսանցքները. ձախից` 30 մմ, վերևից` 20 մմ, աջից` 15 մմ, ներքևից` 20 մմ: Տեքստը պետք է հավասարեցված լինի երկու կողմից (alignment: Justify):

• Պարբերությունները սկսել 1 սմ խորքից` TAB-ի կիրառմամբ:

• Հղումները պարտադիր են. տրվում են տողատակում` 10 pt տառաչափով, տողերի հեռավորությունը` 1: Հղման տեքստը պետք է հավասարեցված լինի երկու կողմից (alignment: Justify): Հղման մեջ պետք է ներկայացված լինեն օգտագործված աշխատանքի հեղինակի ազգանունը և անվան առաջին տառը (թավ տառերով` Bold), այնուհետև` աշխատանքի վերնագիրը, հրատարակման վայրը, թվականը, օգտագործած ինֆորմացիայի էջը:

• Ռուսերեն և անգլերեն սեղմագրերը պարտադիր են. հոդվածի տեքստից մեկ տող հետո մեջտեղում 10 pt տառաչափով, գլխատառերով, թավ (Bold) ռուսերենով գրվում է հոդվածի վերնագիրը: Մեկ տող ներքև տողի մեջտեղում 10 pt տառաչափով տրվում են հեղինակ(ներ)ի Անուն Ազգանուն(ներ)ը: Մեկ տող ներքև տողի մեջտեղում 10 pt տառաչափով, շեղատառ (Italic) տրվում է բուհը կամ գիտահետազոտական կենտրոնը,

• ֆակուլտետը, կարգավիճակը (բակալավր, մագիստրատուրա, ասպիրանտուրա ևն), կուրսը: Մեկ տող ներքև 10 pt տառաչափով գրվում են գիտական ղեկավարի գիտական աստիճանը, կոչումը, անունն ու ազգանունը: Մեկ տող ներքև 10 pt տառաչափով գրվում են հեղինակի էլեկտրոնային փոստի հասցեն և հեռախոսահամարը:

• Այնուհետև 5-15 տողի սահմաններում համառոտ ներկայացվում է հոդվածի էությունը:

Ընտրված լավագույն հոդվածները կտպագրվեն:

Հրանտ Մաթևոսյանի ծննդյան 79-ամյակի կապակցությամբ  սույն թվականի մարտի 3-ին` ժամը 13-30-ին,  «Հրանտ Մաթևոսյանի «Աշնան արև» վիպակը» թեմայով գիտական զեկուցում  կկարդա Հայոց լեզվի և գրականության ամբիոնի դասախոս Վահան Աղաբաբյանը:

Մանրամասների համար դիմել Հայոց լեզվի և գրականության ամբիոն:

2014թ. հուլիսի 12-ից 23-ը Օլիմպիայում (Հունաստանի Հանրապետություն) կազմակերպվելու են Քաղաքագիտության և միջազգային հարաբերությունների միջազգային ամառային դասընթացներ, որոնց մասնակցելու համար հրավիրվում են նաև ՀՀ քաղաքացիները:

Մասնակցության վարձավճարներին և պայմաններին կարելի է ծանոթանալ այցելով` http://olympiasummeracademy.org կայքէջը:

Աղբյուրը` edu.am