2013թ. ապրիլի 19-ին՝ ժամը 14:20-ին, ԵՊՀ Իջևանի մասնաճյուղի հումանիտար գիտությունների ֆակուլտետի 28 լսարանում տեղի կունենա «Երիտասարդությունը և հավատքը» թեմայով քննարկում, որը կազմակեպում են «Մանկավարժություն և հոգեբանություն» մասնագիտության 4-րդ կուրսի ուսանողները:

Ներկա կլինեն Հայ Առաքելական Եկեղեցու Իջևանի հոգևոր հովիվ Տեր Սիմեոնը և Հայ Ավետարանական Եկեղեցու Իջևանի հոգևոր հովիվ Ալբերտ Փայտյանը: Կքննարկվեն այնպիսի հարցեր, ինչպիսիք են «Ո՞վ է քրիստոնյա, իսկ ո՞վ հավատացյալ», «Որո՞նք են աղանդները», «Ո՞րն է Աստվածաշունչ կարդալու խորհուրդը» և այլն:

Մասնակցել ցանկացողներին սիրով հրավիրում ենք:

ՀՀ պաշտպանության նախարարությունը բոլոր բուհերի բակալավրիատի ու մագիստրատուրայի վերջին կուրսերի ուսանողներին առաջարկում է պարտադիր զինծառայություն անցնելու նոր տարբերակ:

Ուսանողները կարող են մեկ տարի սովորել ՊՆ բարձրագույն ռազմաուսումնական հաստատություններից որևէ մեկում, ապա ծառայության անցնել որպես սպաներ: Այս տարի ընդունելություն է իրականացվելու երեք՝ ՊՆ Վ. Սարգսյանի անվան ռազմական ինստիտուտում հրետանավորի, Մարշալ Արմենակ Խանփերյանցի անվան ռազմաավիացիոն ինստիտուտում կապավորի և հակաօդային պաշտպանության մասնագիտություններով: 

Մեկամյա ուսումն ավարտելուց հետո զինծառայողը նախկին 5 տարվա փոխարեն այժմ 3 տարի ժամկետով պարտադիր զինծառայության պայմանագիր է կնքում, իսկ պայմանագրի ժամկետի ավարտից հետո կարող է կրկին երկարաձգել այն՝ շարունակելով ծառայողական կարիերան զինված ուժերում կամ անցնել քաղաքացիական աշխատանքի:

Շրջանավարտը ստանում է լեյտենանտի զինվորական կոչում և որպես դասակի հրամանատար վիճակահանությամբ պարտադիր զինծառայության է անցնում ՀՀ տարածքում տեղակայված զորամասերից որևէ մեկում: Գերազանց առաջադիմությամբ ավարտածները ներկայացված ցանկից անձամբ են ընտրում այն զորամասը, որտեղ պետք է ծառայության անցնեն:

Ծրագրում ներգրավվել ցանկացող ուսանողները մինչև գարնանային զորակոչի սկիզբը պետք է դիմումներ լրացնեն իրենց տարածքային զինկոմիսարիատներում: Ընդունվելու համար կարևոր նախապայմաններն են առողջական լավ վիճակը, ֆիզիկական և ինտելեկտուալ պատրաստվածությունը:

Աղբյուրը՝ www.ysu.am:

ԵՊՀ Իջևանի մասնաճյուղի տնտեսագիտության ֆակուլտետի ուսանողական գիտական ընկերությունը 2013թ. ապրիլի 30-ին կազմակերպում է «Զարգացող երկրներին բնորոշ տնտեսական խնդիրները» խորագրով միջբուհական գիտաժողով:

Գիտաժողովին մասնակցելու համար անհրաժեշտ է մինչև ապրիլի 27-ը ներկայացնել մասնակցության հայտը և թեզիսը:

Մասնակցության հայտը պետք է ներառի.

• աշխատանքի ամբողջական վերնագիրը,
• տեղեկություններ հեղինակի(ների) մասին (ազգանունը, անունը, հայրանունը, ուսումնական հաստատության անվանումը, ֆակուլտետը, մասնագիտությունը, կուրսը, էլեկտրոնային փոստի հասցեն և հեռախոսահամարը),
• տեղեկություններ գիտական ղեկավարի մասին (ազգանունը, անունը, հայրանունը, գիտական աստիճանը, կոչումը),
• երաշխավորագիր ամբիոնի կողմից (գիտական ղեկավարի կարծիքի հետ միասին):

Թեզիսի ծավալը պետք է լինի մեկից մինչև երկու էջ:

Համակարգչային շարվածքը՝ MS Word 2007 ծրագրով: Տեքստի տառատեսակը՝ Sylfaen: Տառաչափը՝ 12 pt, տողերի հեռավորությունը՝ 1,15, էջի ֆորմատը՝ A4, լուսանցքները՝ սահմանված կարգով: Պարբերությունները սկսել TAB-ի կիրառմամբ:

Ներկայացված աշխատանքը իր բովանդակությամբ պետք է արտացոլի հեղինակի(ների) կողմից ինքնուրույն աշխատանքի արդյունքները և պարունակի գիտականորեն ընդունված ձևակերպումներ:

Էլեկտրոնային տարբերակով մասնակցության հայտը և թեզիսը կարող եք ներկայացնել ԵՊՀ ԻՄ ՈՒԳԸ-ի աշխատասենյակ (ք. Իջևան, Սպանդարյան 4, 1-ին հարկ), տրամադրել Ձեր ֆակուլտետի ՈՒԳԸ-ի նախագահին (ԵՊՀ ԻՄ-ի ուսանողների համար) կամ ուղարկել sssysuib@gmail.com էլ. փոստի հասցեին:

Հայաստանի Հանրապետության Գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը, ՀՀ սփյուռքի նախարարության հետ համատեղ 2013թ. հայտարարում են  “Լավագույն գիտական աշխատանք” մրցույթ երիտասարդ գիտնականների/ մինչև 35 տարեկան/ համար՝  նվիրված ՀՀ ԳԱԱ 70-ամյակին:

Մանրամասն տեղեկություններ կարող եք ստանալ ՀՀ ԳԱԱ “Գիտության զարգացման հիմնադրամի” գրասենյակից կամ http://sdfund.sci.am կայքից:

Հայտնում ենք Կիրառական արվեստի ֆակուլտետի ավարտական կուրսի ուսանողներին, որ 2013թ. ապրիլի 19-ին՝ ժամը 13:00-ին, տեղի կունենա ավարտական աշխատանքների նախապաշտպանություն:

Մասնակցությունը պարտադիր է:

Կիրառական արվեստի ֆակուլտետի գեղխորհուրդ