Հարգելի՛ ուսանողներ (15-25 տարեկան), հայտնում ենք ձեզ, որ ՅՈՒՆԵՍԿՕ-ն և ճապոնական “Goi Peace Foundation” կազմակերպությունը հայտարարել են “The Power of Culture to Create a Better Future” խորագրով շարադրությունների մրցույթ:

 Շարադրությունն անհրաժեշտ է ներկայացնել անգլերենով, ֆրանսերենով, իսպաներենով, գերմաներենով (700 բառից ոչ ավել) կամ ճապոներենով (1600 գրանշանից ոչ ավել): Այն պետք է ունենա մեկ հեղինակ և մինչև ներկայացվելը որևէ տեղ հրատարակված չլինի:

Առաջին էջում պետք է նշվի.

• վերնագիրը,
• հեղինակի անուն, ազգանուն, հայրանունը,
• հասցեն,
• հեռախոսահամարը,
• էլեկտրոնային հասցեն,
• ազգությունը,
• տարիքը,
• սեռը,
• ուսումնական հաստատության տվյալները (առկայության դեպքում):

Մրցույթում հաղթողների համար նախատեսված են հետևյալ մրցանակները.

• մեկ առաջին մրցանակ` վկայական և 100,000 յեն (մոտավորապես 1,140 ԱՄՆ դոլար), հրավեր Տոկիոյում կայանալիք մրցանակների հանձնման արարողությանը,
• երկու երկրորդ մրցանակ` վկայական և 50,000 յեն (մոտավորապես 570 ԱՄՆ դոլար),
• հինգ երրորդ մրցանակ` վկայական և նվեր,
•  25 պատվո հիշատակում` վկայական և նվեր:

Մինչև 2013թ. հունիսի 10-ը շարադրությունները կարող եք ներկայացնել ՀՀ ԿԳՆ աշխատակազմի Արտաքին կապերի և սփյուռքի վարչություն (ք. Երևան, Կառավարության  տուն 3, VI հարկ, 619 սենյակ, հեռ. 56-23-64):

Մանրամասն տեղեկությունների համար այցելե՛ք www.edu.am:

Հայտնում ենք ԵՊՀ Իջևանի մասնաճյուղի «Ֆրանսերեն» մասնագիտության այն ուսանողներին, որոնք ապահովում են B1 մակարդակ, որ  «Agence Universitaire de la Francophonie»-ն հայտարարում է մասնագիտական վերապատրաստման կրթաթոշակային ծրագրի մրցույթ:

Ծրագրի գործընթացն իրականացվելու է հետեւյալ կերպ.

• Ուսանողը գտնում է արտերկրում որեւէ ֆրանսախոս կազմակերպություն կամ ձեռնարկություն, որտեղ կարող է անցնել մասնագիտական պրակտիկա եւ դիմում է տվյալ կազմակերպությանը:

• Դրական պատասխան ստանալու դեպքում հավաքում է բոլոր անհրաժեշտ փաստաթղթերը եւ դիմում է ԵՊՀ ղեկավարությանը` վերջինիս համաձայնությունն ու երաշխավորությունը ստանալու նպատակով:

• Համացանցով լրացնում է կայքում տեղադրված ձեւաթուղթը (http://formulaires.auf.org/) եւ կցում է բոլոր պահանջվող փաստաթղթերը (ներառյալ ֆրանսերենի իմացության մակարդակը հավաստող որեւէ փաստաթուղթ):

Հարկ է իմանալ, որ համացանցով գրանցվելու վերջնաժամկետը 2013 թ-ի մարտի 29-ն է:

Մանրամասն տեղեկությունների համար այցելե՛ք Երևանի պետական համալսարանի պաշտոնական կայք:

Հարգելի´ ուսանողներ, ս.թ. փետրվարի 15-25-ն ընկած ժամանակահատվածում մասնաճյուղում տեղի են ունենալու ֆակուլտետային ուսանողական խորհրդի նախագահների ընտրություններ:

Ընտրություններին իրենց թեկնածությունն առաջադրել ցանկացողները կարող են մինչև փետրվարի 10-ը տեղեկացնել համապատասխան ֆակուլտետների գործող ՈՒԽ նախագահներին:

Ֆակուլտետի ՈՒԽ նախագահի թեկնածուն պարտադիր  պետք է ունենա բարձր առաջադիմություն (13 և ավելի  մոգ) և հասարակական ակտիվություն:

ԵՊՀ  ԻՄ Ուսանողական խորհուրդ