ԵՊՀ հավատարմագրման գործընթացը միջազգային փորձագետների ուշադրության կենտրոնում է:
2013 թ-ի հունիսի 17-ին և 18-ին միջազգային փորձագիտական խումբը հավատարմագրման նպատակով կայցելի ԵՊՀ` համալսարանում կրթության որակի ապահովումը և որակի մշակույթն ուսումնասիրելու համար: Այցի ընթացքում խումբը հարցազրույցներ կունենա ԵՊՀ տարբեր ստորաբաժանումների ներկայացուցիչների խմբերի հետ:

ԵՊՀ բոլոր ուսանողներին և աշխատակիցներին հնարավորություն է ընձեռվում մասնակցելու «դյուրացված» բաց քննարկումներին: Նրանք կարող են ներկայացնել ցանկացած խնդիր: Տեղեկատվության գաղտնիությունն ապահովված է, սակայն փորձագիտական խումբը տեղեկատվությունը կօգտագործի միայն գնահատման նպատակներով և չի կարող լուծումներ առաջադրել կամ որոշումներ ընդունել առանձին անձանց խնդիրների վերաբերյալ:

Փորձագիտական խմբի ղեկավարն է պրոֆեսոր Վան Քեմպը (NVAO փորձագետ, Նիդեռլանդներ), իսկ անդամներն են` պրոֆեսորներ Յան Կիյնը (NVAO փորձագետ, Նիդեռլանդներ), Յուրի Սուվարյանը (Գիտությունների ազգային ակադեմիա), Արա Ամիրյանը (Հայկական պետական ագրարային համալսարան) և ուսանողուհի Զարուհի Սարգսյանը (Գլաձոր համալսարան): Որակի ապահովման ազգային կենտրոնի (ՈԱԱԿ) համակարգողներն են Սուսաննա Կարախանյանը և Անի Մկրտչյանը:

Վերոնշյալ օրերին փորձագիտական խմբի հետ հանդիպելու համար պետք է նախապես գրանցվել: Այդ նպատակով կարող եք կապ հաստատել ՈԱԱԿ-ի համակարգողներ Սուսաննա Կարախանյանի (s.karakhanyan@anqa.am) և Անի Մկրտչյանի հետ (ani.mkrtchian@gmail.com):

Անուն-ազգանունը, ֆակուլտետն ու կրթական ծրագիրը նշելուց բացի` պետք է նաև հակիրճ ներկայացնել այն թեման, որի մասին խոսվելու է: Գրանցման վերջնաժամկետն է 2013 թվականի հունիսի 14-ը: Փորձագիտական խմբի հետ հանդիպումը կտևի առավելագույնը 10 րոպե:

ԵՊՀ-ն կտրամադրի փորձագիտական այցի մանրամասները, իսկ ինստիտուցիոնալ հավատարմագրման նպատակով կազմված ԵՊՀ ինստիտուցիոնալ ինքնագնահատման զեկույցի նախագծի ամբողջական տարբերակը կարող եք կարդալ այստեղ:

Երևանի պետական համալսարանի հեռաուսուցման լաբորատորիան հայտարարում է ներքոնշյալ մասնագիտությունների գծով հեռաուսուցման մեկամյա դասընթացների ընդունելություն.

• Սոցիալական աշխատանք
• Սոցիալական մանկավարժություն
• Հասարակայնության հետ կապեր (PR) և մարքեթինգային հաղորդակցություններ
• Մարդկային ռեսուրսների կառավարում» (HR):

 Ընդունելության համար անհրաժեշտ է ներկայացնել հետևյալ փաստաթղթերը.

• Անձնագրի պատճեն
• Սոցիալական քարտի պատճեն
• Դիպլոմի պատճեն (եթե առկա է)
• Կենսագրություն (CV)
• Մեկ լուսանկար (3×4):

Մեկ տարվա (12 ամիս) ուսման վճարը կազմում է 240 000 դրամ: Վճարումը կարելի է կատարել մեկ ամսվա, մեկ կիսամյակի համար կամ միանվագ:

Մասնակցելով հեռաուսուցման ծրագրին Ձեր նախընտրած վայրից, Ձեր նախընտրած ժամանակ՝ Դուք կարող եք ստանալ ԵՊՀ մասնագիտական վերապատրաստման վկայական և պետական նմուշի կրթական այլ փաստաթղթեր:

Մանրամասն տեղեկությունների համար դիմել ԵՊՀ ԻՄ ուսումնամեթոդական վարչություն, ք. Իջևան, Ուսանողական 3:

Հեռ. 093 41 51 22, 093 20 65 05

ԵՊՀ Իջևանի մասնաճյուղը հայտարարում է առկա ուսուցմամբ մագիստրատուրայի 2013-2014 ուստարվա ընդունելություն` «Կիրառական արվեստ» մասնագիտությամբ:

Ընդունելությունը կատարվում է երեք փուլով:

Դիմել կարող են ընթացիկ տարվա շրջանավարտները և ՀՀ պետական և ըստ տվյալ մասնագիտության հավատարմագրված ոչ պետական բուհերի բակալավրի կամ դիպլոմավորված մասնագետի որակավորում ունեցող նախորդ տարիների շրջանավարտները:

Առաջին փուլով դիմում են «Կիրառական արվեստ» մասնագիտության տվյալ ուսումնական տարվա շրջանավարտները:

Ընդունելության համար անհրաժեշտ է ներկայացնել հետևյալ փաստաթղթերը.

• մագիստրատուրայի ընդունելության դիմում-հայտ,
• բարձրագույն կրթության դիպլոմի և նրա հավելվածի բնագրերն ու պատճեններ,
• 4 լուսանկար (3×4 չափսի),
• զինվորական գրքույկի բնագիրն ու պատճեն  (առկայության դեպքում),
• ընդունելության ծառայությունների համար գանձվող 1000 դրամի վճարի անդորրագիր։

Ընդունելության փաստաթղթերն ընդունվում են` 1-ին փուլով` մայիսի 20-ից մինչև հունիսի 4-ը, 2-րդ փուլով՝ հունիսի 10-ից մինչև հունիսի 25-ը, 3-րդ փուլով` օգոստոսի 20-ից մինչև օգոստոսի 30-ը։

Ընդունելությունը կատարվում է` 1-ին փուլով՝ հունիսի 8-ից մինչև հունիսի 13-ը, 2-րդ փուլով՝ հունիսի 27-ից մինչև հուլիսի 2-ը, 3-րդ փուլով` սեպտեմբերի 2-ից մինչև սեպտեմբերի 6-ը։

Մանրամասն տեղեկությունների համար զանգահարել (0263) 4-00-35 հեռախոսահամարով:

ՈՒՍՈՒՄՆԱՄԵԹՈԴԱԿԱՆ ՎԱՐՉՈՒԹՅՈՒՆ