Երևանի պետական համալսարանի Իջևանի մասնաճյուղ

Հայտարարություններ

Հեռակա ուսուցման համակարգի առաջին կուրսեցիների ուսման վարձի մուծման վերջնաժամկետ

Հայտնում ենք ԵՊՀ Իջևանի մասնաճյուղի հեռակա ուսուցման 2012թ. ընդունելության քննությունների արդյունքներով մրցույթով անցած դիմորդներին, որ 2012-13 ուստարվա առաջին կիսամյակի ուսման վճարի մուծման վերջնաժամկետը ս.թ. նոյեմբերի 2-ն է:

Ստորև ներկայացվում են վճարաչափերն` ըստ մասնագիտությունների.

ԵՊՀ ԻՄ հեռակա ուսուցման բաժին

Մրցույթ համակարգչային օպերատորի թափուր տեղի համար

Հայտարարվում է մրցույթ Երևանի պետական համալսարանի Իջևանի մասնաճյուղի համակարգչային օպերատորի 3 /երեք/ թափուր տեղի համար:

Մրցույթին կարող են մասնակցել այն քաղաքացիները, ովքեր ունեն.

ա/ բարձրագույն կրթություն,

բ/ համակարգչային և այլ տեխնիկական միջոցներով աշխատելու բարձր հմտություն,

գ/ տիրապետում են առնվազն մեկ օտար լեզվի:

Մրցույթին մասնակցելու համար անհրաժեշտ է ներկայացնել հետևյալ փաստաթղթերը.

ա/ գրավոր դիմում` տնօրենի անունով,

բ/ անձնագրի պատճեն,

գ/ երկու լուսանկար` 3X4 չափսի,

դ/ աշխատանքային գրքույկի պատճեն,

ե/ բարձրագույն կրթության դիպլոմի պատճեն,

զ/ ինքնակենսագրություն,

է/ թափուր աշխատատեղը զբաղեցնելու համար մասնագիտական գիտելիքների և աշխատանքային ունակությունների ներկայացվող պահանջների բավարարումը հավաստող հավաստագրերի պատճեներ (առկայության դեպքում),

ը/ այլ պետությունների քաղաքացիները` ՀՀ-ում աշխատելու իրավունք:

Մրցույթի մասնակիցների գիտելիքների և մասնագիտական կարողությունների ստուգումն անց է կացվելու երկու փուլով` տեսական գիտելիքների և գործնական հմտությունների ուղղությամբ:

Փաստաթղթերն ընդունվում են ԵՊՀ Իջևանի մասնաճյուղի Անձնակազմի կառավարման բաժնում 2012թ. հոկտեմբերի 22-ից մինչև նոյեմբերի19-ը, ամեն օր, ժամը 10:00-ից մինչև 16:00, բացի շաբաթ և կիրակի օրերից:

Մրցույթն անցկացվելու է 2012թ. նոյեմբերի 24-ին` ժամը 15:00-ին, ԵՊՀ Իջևանի մասնաճյուղում (հասցեն` ք. Իջևան, Ուսանողական 3):

Տեղեկությունների համար զանգահարել` հեռ. (094) 46-71-15:

ԵՊՀ ԻՋԵՎԱՆԻ ՄԱՍՆԱՃՅՈՒՂԻ ՏՆՕՐԵՆՈՒԹՅՈՒՆ

Ցուցահանդես` «Աշնանային գույներ»

 

Ս.թ. հոկտեմբերի 26-ին՝ ժամը 14:00-ին, Իջևանի քաղաքային պատկերասրահում տեղի կունենա Տավուշի և Լոռու գեղանկարիչների ստեղծագործությունների ցուցահանդեսը՝ «Աշնանային գույներ» խորագրով:

Ցուցահանդեսը կազմակերպվում է ԵՊՀ ԻՄ կիրառական արվեստի ֆակուլտետի կողմից:

Վոլեյբոլի բաց առաջնություն

Ս.թ. հոկտեմբերի 25-30-ին ԵՊՀ Իջևանի մասնաճյուղում տեղի կունենա վոլեյբոլի բաց առաջնություն: Այն բոլոր ուսումնական հաստատություններն ու հիմնարկ-ձեռնարկությունները, որոնք ցանկանում են մասնակցել առաջնությանը, մինչև հոկտեմբերի 24-ը կարող են դիմել Արտակարգ իրավիճակների, մարմնակրթության և սպորտի ամբիոնի վարիչ Վ. Պողոսյանին:

Մեկնարկում է «Կենսափորձ» ծրագիրը

ԵՊՀ Իջևանի մասնաճյուղում մեկնարկում է ուսանողական գիտական ընկերության  նախաձեռնած «Կենսափորձ» ծրագիրը:

Ս.թ. հոկտեմբերի 8-ին` ժամը 14:20-ին, Հումանիտար գիտությունների ֆակուլտետի թիվ 28 լսարանում տեղի կունենա առաջին հանդիպումը ԵՊՀ ԻՄ տնօրեն Ս.Առաքելյանի հետ:

Հանդիպումը կվարի Օրհուս կենտրոնի համակարգող Գ.Աղբալյանը:

Սկիզբ...282283284285286287288289290291

Հայտարարություն

Նորություններ