ԵՊՀ Իջևանի մասնաճյուղի տուրիզմի կառավարման և մշակութաբանության ամբիոնը 2024 թ. մայիսի 24-25-ը կազմակերպում է «Զբոսաշրջության և ռեկրեացիայի հիմնախնդիրները ՀՀ-ում» խորագրով հանրապետական գիտաժողով՝ նվիրված ԵՊՀ ԻՄ հիմնադրման 30-ամյակին:

Գիտաժողովը նպատակ ունի խթանելու ուսանողական հետազոտությունները, բացահայտելու ուսանողների, ասպիրանտների ստեղծագործական ներուժը, զարգացնելու ուսանողների և դասախոսների ներբուհական և միջբուհական համագործակցությունը, կենտրոնացնելու երիտասարդության ուշադրությունը ՀՀ-ում ժամանակակից զբոսաշրջության և ռեկրեացիայի հիմնախնդիրների վրա, կատարելագործելու գիտահետազոտական աշխատանք կատարելու հմտությունները, ինչպես նաև կապեր հաստատելու մասնագիտական տարբեր շրջանակների հետ:

Գիտաժողովին կարող են մասնակցել բակալավրիատի և մագիստրատուրայի տարբեր մասնագիտությունների ուսանողներ, դասախոսներ և գիտնականներ:

Գիտաժողովի աշխատանքային  լեզուն  հայերենն է:

Այն իրականացվելու է առկա ձևաչափով ԵՊՀ Իջևանի մասնաճյուղում (ՀՀ Տավուշի մարզ, քաղաք Իջևան, Ուսանողական 3):

Մասնակցել ցանկացողներն իրենց հայտերը կարող են ներկայացնել մինչև 2024 թ․ ապրիլի 1-ը (ներառյալ):

Գիտաժողովի բոլոր մասնակիցներին տրվելու են մասնակցության վկայականներ:

Զեկուցված նյութերը գրախոսության փուլը հաղթահարելու պարագայում ամփոփվելու են գիտական հոդվածների ժողովածուում:

Ուսանողները հոդվածները պետք է ներկայացնեն իրենց ղեկավար-դասախոսի երաշխավորությամբ:

Հոդվածներին վերագրվող պահանջները.

• Հոդվածի ծավալը՝ 4-5 էջ, թղթի ֆորմատը՝ A4, տառատեսակը՝ Time New Roman, տառաչափը՝ 12, միջտողային հեռավորությունը՝ 1,5, հեռավորությունը ձախից՝ 3 սմ, աջից՝ 1,5 սմ, վերևից՝ 2 սմ, ներքևից՝ 2սմ:
• Աղբյուրներին հղումները ուղղանկյուն փակագծերում՝ [12, էջ 2], տառաչափը՝ 12:

Նշված պայմանները չբավարարելու դեպքում համաժողովի կազմակերպիչները

հոդվածը չեն կարող ընդգրկել հրապարակվող ժողովածուում:

Հոդվածի ձևավորման օրինակ.

Հոդվածի անվանումը (14 տառաչափ)

Հեղինակի ԱԱՀ (12 տառաչափ)

(եթե կա ղեկավար, ղեկավարի ԱԱՀ, գիտ. աստիճան, կոչում, ամբիոն, համալսարան) (12 տառաչափ)

Կուրս, ֆակուլտետ (12 տառաչափ)

Համալսարան (12 տառաչափ)

Ծանոթագրություն (անոտացիա, ռուսերեն, անգլերեն)՝ 200 բառից ոչ ավել (12 տառաչափ)

Բանալի-բառեր՝ 5-10 (12 տառաչափ)

Տեքստ (12 տառաչափ)

Գրականության ցանկը ձևավորվում է այբբենական կարգով (12 տառաչափ):

Աղբյուրի ձևավորման օրինակ.

Գրականության ցանկը ձևավորվում է այբբենական կարգով.

Գիրք.

1. Капица С. П. Парадоксы роста: Законы глобального развития человечества. – М.: Альпина нон-фикшн, 2013. – 204 с.

Հոդված.

1. Некипелов А. Д. Экономика и культурные ценности // Диалог культур и партнерство цивилизаций: IX Международные Лихачевские научные чтения (14-15 мая 2009 г.). – СПб.: СПбГУП, 2009. – 881 c. – С. 476-478.
2. Кадочников Д. В. Теоретико-экономический взгляд на языковую политику // Вопросы экономики. – 2016. – No2. – С. 128-140.

Էլեկտրոնային աղբյուրներ.

1. Кокшаров А. С. Влияние культуры на экономическое развитие // Гуманитарные научные исследования. 2013. No 11 URL: http://human.snauka.ru/2013/11/4609 (дата обращения: 17.05.2020).

Մասնակցության հայտը կարող եք լրացնել այս հղումով՝ https://forms.gle/WPvDfsWs7cKvAPUz6:

Լրացուցիչ տեղեկությունների համար կարող եք դիմել ԵՊՀ Իջևանի մասնաճյուղ՝ Տուրիզմի կառավարման և մշակութաբանության ամբիոն (ա.գ.թ., պրոֆեսոր Գուրգեն Հովհաննիսյանին՝ հեռ.՝ 091 22 05 29, էլ. հասցե՝ ghovhannisyan@ysu.am, դասախոս Սվետա Սաֆարյանին՝ հեռ.՝ 093737924, էլ. հասցե`sveta.safaryan@ysu.am):

Կոնտակտային տվյալներ՝

ԵՊՀ Իջևանի մասնաճյուղ

Տուրիզմի կառավարման և մշակութաբանության ամբիոն

ՀՀ Տավուշի մարզ, ք. Իջևան 4001, Ուսանողական 3

(+374) 263 40050, (+374) 93737924

ԵՊՀ Իջևանի մասնաճյուղի ուսանողների ուսման վարձավճարների մասնակի փոխհատուցման վերաբերյալ դիմումները 2023-2024 ուստարվա 2-րդ կիսամյակի համար ընդունվելու են միայն առցանց եղանակով առկա համակարգում սովորող ուսանողների համար 2024 թ․ փետրվարի 7-ից մինչև մարտի 6-ը ներառյալ, հեռակա համակարգում սովորող ուսանողների համար՝ 2024 թ․ մարտի 4-ից մինչև մարտի 18-ը ներառյալ e-request.ysu.am համակարգի միջոցով: Անհրաժեշտ է, որ դիմումին կից փաստաթղթերը ներբեռնված լինեն բացառապես բնօրինակ տարբերակից (գունավոր լուսապատճենված):

ԵՊՀ ԻՄ աշխատակիցները և նրանց երեխաները իրենց և/կամ ծնողի   աշխատանքային ստաժի վերաբերյալ ամփոփ տեղեկանք դիմումին կից չեն ներկայացնում:

ՀՀ կառավարության՝ 27 հուլիսի 2006 թվականի N 1183-Ն որոշման կարգի 5-րդ կետի 2-րդ ենթակետով, 6-րդ և 7-րդ կետերով սահմանված ուսանողների խմբերի (պետության կողմից մասնակի փոխհատուցում ստացող) վերաբերյալ տվյալները 2023-2024 ուստարվա 2-րդ կիսամյակի համար հարկավոր է ներկայացնել Ուսումնամեթոդական վարչություն մինչև սույն թվականի մարտի 6-ը ներառյալ:

Նշված ժամկետների ավարտից հետո էլեկտրոնային հարթակը մասնակի փոխհատուցման դիմումների ուղարկման հնարավորությունը ինքնաշխատ եղանակով կսահմանափակի, ուստի խնդրում ենք հետևել ժամկետների և կարգի վերաբերյալ նշված ժամանակացույցին:

Ժամանակացույցի խախտումով և թղթային եղանակով (բացառությամբ պետության կողմից մասնակի փոխհատուցման դիմումների) մուտքագրված մասնակի փոխհատուցման դիմումները, անկախ շահառուների կարգին  համապատասխանելու հանգամանքից, չեն դիտարկվի և ենթակա կլինեն մերժման:

Ուսման վարձի փոխհատուցման կարգի դրույթներին և պայմաններին կարող եք ծանոթանալ ԵՊՀ ուսանողական նպաստների, պետական և ներբուհական կրթաթոշակների հատկացման կանոնակարգում, դիմումներն առցանց ներկայացնելու համակարգից օգտվելու ուղեցույցին՝ այստեղ:

 Սիրելի՛ համալսարանականներ, տեղեկացնում ենք, որ 2023-2024 ուսումնական տարվա երկրորդ կիսամյակի առկա ուսուցման դասերը կմեկնարկեն ս.թ. փետրվարի 7-ից:

Դասացուցակները, ըստ ֆակուլտետների, տեղադրված են ԵՊՀ Իջևանի մասնաճյուղի պաշտոնական կայքէջում.

• Բնական գիտությունների ֆակուլտետ,
• Հումանիտար գիտությունների ֆակուլտետ,
• Տնտեսագիտության ֆակուլտետ,
• Կիրառական արվեստի ֆակուլտետ:

Մաղթում ենք նոր ուսումնական կիսամյակի բարի մեկնարկ, բեղուն և արդյունավետ գործունեություն բոլորիս: