Երևանի պետական համալսարանի Իջևանի մասնաճյուղ

Կայացավ «Հայերը համաշխարհային կերպարվեստում» խորագրով միջոցառումը

2018թ. մարտի 28-ին ԵՊՀ Իջևանի մասնաճյուղում  կայացավ «Հայերը համաշխարհային կերպարվեստում» խորագրով միջոցառումը (ռուսերեն), որը կազմակերպել էին Կիրառական արվեստի ֆակուլտետի ՈՒԳԸ-ն և ՈՒԽ-ն՝ Ռուսաց լեզվի և գրականության սեկցիայի պատասխանատու բ.գ.,թ., ասիստենտ Անժելա Այդինյանի աջակցությամբ:

Կայացավ «Հայերը համաշխարհային կերպարվեստում» խորագրով միջոցառումը

Միջոցառմանը ներկա էին Կիրառական արվեստի ֆակուլտետի դեկանը, դասախոսներ, տարբեր ֆակուլտետների ուսանողներ, մասնակցում էին «Դիզայն» մասնագիտության 1-ին և 2-րդ կուրսերի ուսանողները:

Կայացավ «Հայերը համաշխարհային կերպարվեստում» խորագրով միջոցառումը

Այն յուրատեսակ տուրք էր մեր մշակույթի նվիրյալներին և նպատակ ուներ հայ արվեստը ներկայացնել ոչ միայն հայերենով, այլև ռուսաց լեզվով:

«Հայերը համաշխարհային կերպարվեստում» խորագրով միջոցառումն ուներ հագեցած ծրագիր:

Կայացավ «Հայերը համաշխարհային կերպարվեստում» խորագրով միջոցառումը

Ողջույնի խոսքով հանդես եկավ Ռուսաց լեզվի և գրականության սեկցիայի պատասխանատու բ.գ.,թ., ասիստենտ Անժելա Այդինյանը՝ մասնավորապես նշելով, որ մշակույթն ու արվեստն են ձևավորում մարդու և սերունդների ինքնագիտակցությունը: Արվեստի զարգացումն ազդում է երիտասարդների կրթության ու գեղագիտական դաստիարակության վրա, խթանում ստեղծագործ ոգին ու պրպտուն միտքը: Արվեստը մարդկային կյանքի մեծագույն արժեքն է, նրա մեջ բյուրեղանում է ամեն ինչ: Արվեստագետների շնորհիվ մարդիկ հնարավորություն են ունենում հաղորդակցվել գեղանկարչությանը, քանդակագործությանը, ճաշակել լավ երաժշտություն, հիանալ դրամատիկական և պարային արվեստով:

Կայացավ «Հայերը համաշխարհային կերպարվեստում» խորագրով միջոցառումը

Այնուհետև «Դիզայն» մասնագիտության 2-րդ կուրսի ուսանողուհի Կարինե Ալավերդյանն ազդարարեց վիկտորինայի մեկնարկը:

Կայացավ «Հայերը համաշխարհային կերպարվեստում» խորագրով միջոցառումը

Հաղթող ճանաչվեց Տնտեսագիտության ֆակուլտետի «Սերվիս» մասնագիտության թիմը և պարգևատրվեց հուշանվերով:

Կայացավ «Հայերը համաշխարհային կերպարվեստում» խորագրով միջոցառումը

Ապա մասնակիցները ներկայացրին հայ մեծանուն նկարիչների կյանքն ու գործունեությունը:

1-ին կուրսի ուսանողուհիներ Նոննա Ալավերդյանը և Իրինա Փիրումյանը  ներկայացրին Գևորգ Բաշինջաղյանին և Մարտիրոս Սարյանին, իսկ 2-րդ կուրսի ուսանողուհի Դոնարա Սարգսյանը՝ Հովհաննես Այվազովսկուն:

Կայացավ «Հայերը համաշխարհային կերպարվեստում» խորագրով միջոցառումը

Ելույթներն ուղեկցվեցին բուռն քննարկումներով:

Վերջում  ելույթ ունեցավ Կիրառական արվեստի ֆակուլտետի դեկան Ալեքսան Մարգարյանը՝ շնորհակալություն հայտնելով միջոցառման կազմակերպիչներին, ընդգծելով նմանատիպ միջոցառումների կարևորությունը:

Կայացավ «Հայերը համաշխարհային կերպարվեստում» խորագրով միջոցառումը

«Հայերը համաշխարհային կերպարվեստում» խորագրով միջոցառումը մեծ բավականություն պատճառեց ներկաներին:

ԵՊՀ ԻՄ-ի անգլերեն լեզվի և գրականության ամբիոնի դասախոսները մասնակցեցին վերապատրաստման դասընթացի

2018թ. մարտի 26-27-ին ԵՊՀ ԻՄ-ի անգլերեն լեզվի և գրականության  ամբիոնի դասախոսներ Ք.Հարությունյանը, Ա.Սիմոնյանը, Ն.Գասպարյանը, Զ.Անտոնյանը մասնակցեցին   անգլերեն դասավանդողների համար «Մանմար» հրատարակչատան կողմից կազմակերպված վերապատրաստման դասընթացի:

ԵՊՀ ԻՄ-ի անգլերեն լեզվի և գրականության ամբիոնի դասախոսները  մասնակցեցին վերապատրաստման դասընթացի

Վերապատրաստմանը մասնակցում էին Հայաստանի Հանրապետության` անգլերեն լեզվի բազմաթիվ դասախոսներ և ուսուցիչներ:

Երկօրյա դասընթացը վարում էին բրիտանացի մասնագետներ Վոն Ջոնսը և Ֆիլ Ուորվիքը:

ԵՊՀ ԻՄ-ի անգլերեն լեզվի և գրականության ամբիոնի դասախոսները  մասնակցեցին վերապատրաստման դասընթացի

Վոն Ջոնսը ավելի քան 30 տարի դասավանդել է Ֆրանսիայում, Ճապոնիայում, Իսպանիայում և վարում է վերապատրաստման դասընթացներ ամբողջ աշխարհում: Այժմ ապրելով Օքսֆորդում` նա դասավանդում է անգլերեն և գրում դասագրքեր: Նրա հեղինակած դասագրքերի թվում է “Focus” դասագրքերի շարքը, որը լայն կիրառություն ունի նաև Հայաստանում: Ջոնսը Սյու Քեյի հետ համահեղինակությամբ է գրել այդ գրքերը, որոնք հրատարակվել են հայտնի “Pearson” հրատարակչության կողմից:

ԵՊՀ ԻՄ-ի անգլերեն լեզվի և գրականության ամբիոնի դասախոսները  մասնակցեցին վերապատրաստման դասընթացի

Վերապատրաստման ընթացքում Վոն Ջոնսը ներկայացրեց միջոցներ, որոնք կօգնեն անհրաժեշտ բառապաշարի դասավանդմանը:

ԵՊՀ ԻՄ-ի անգլերեն լեզվի և գրականության ամբիոնի դասախոսները  մասնակցեցին վերապատրաստման դասընթացի

Ֆիլ Ուորվիքը ավելի քան 20 տարի անգլերեն է դասավանդել Բրազիլիայում, Չինաստանում, Իտալիայում և Արգենտինայում: Այժմ նա մասնավոր լեզուների դպրոցի տնօրեն է Չեխիայում, Միացյալ Թագավորության դեսպանատան կողմից կազմակերպվող ամառային դպրոցների համակարգող է, ինչպես նաև CELTA դասընթացների դասավանդող և քննող:  

ԵՊՀ ԻՄ-ի անգլերեն լեզվի և գրականության ամբիոնի դասախոսները  մասնակցեցին վերապատրաստման դասընթացի

Վերապատրաստման ժամանակ Ֆիլ Ուորվիքը խոսեց այն միջոցների մասին, որոնք կօգնեն սովորեցնել ուսանողներին խոսել և հաղորդակցվել անգլերենով:

Երկօրյա դասընթացն անցավ շատ ակտիվ և անմիջական մթնոլորտում:

ԵՊՀ ԻՄ-ի անգլերեն լեզվի և գրականության ամբիոնի դասախոսները  մասնակցեցին վերապատրաստման դասընթացի

Ուսանողների խնդիրները մասնաճյուղի ղեկավարության ուշադրության կենտրոնում

2018թ. մարտի 26-ին ԵՊՀ Իջևանի մասնաճյուղում կայացավ ուսանողների հետ տնօրեն Սամվել Առաքելյանի հերթական հանդիպումը, որին ներկա էին ՈՒԳԸ համակարգող Սլավիկ Ալավերդյանը, ուսանողական կառույցների նախագահները և ներկայացուցիչներ, կուրսերի ավագներ:

Ուսանողների խնդիրները մասնաճյուղի ղեկավարության ուշադրության կենտրոնում

Հանդիպման ընթացքում քննարկվեցին ուսանողների կարգապահության, 2017-2018 ուստարվա երկրորդ կիսամյակի առաջին ընթացիկ քննաշրջանին նախապատրաստվելու վերաբերյալ մի շարք հարցեր:

Ուսանողները ներկայացրին դասապրոցեսի արդյունավետության բարձրացման ուղղությամբ իրենց առաջարկները, մասնավորապես առանձնացրին էլեկտրոնային դասախոսությունների քանակի մեծացման, լսարանների կահավորվածության և տեխնիկապես հագեցվածության հետ կապված խնդիրները: Տնօրենը նշեց, որ արդեն պլանավորել են ավելացնել պրոյեկտորով լսարանների թիվը:

Ուսանողների խնդիրները մասնաճյուղի ղեկավարության ուշադրության կենտրոնում

ՈՒԽ-ի նախագահ Իսկուհի Շաղբաթյանը նշեց, որ աշխատանքներն ընթանում են բնականոն հունով, ուսանողության շրջանում իրականացվում է Ակադեմիական ազնվության վերաբերյալ անանուն հարցում, և առաջիկայում կկազմակերպվի քննարկում:

Ս.Առաքելյանը անդրադարձավ ուսանողների կարգապահության խնդիրներին, նշեց, որ ուսանողները գիտեն և պաշտպանում են իրենց իրավունքները, բայց հաճախ չեն կատարում իրենց պարտականությունները: Նա ներկայացրեց, որ այսուհետ բացակայությունները հարգելի համարելու համար ուսանողները իրավունք կունենան բժշկական տեղեկանք ներկայացնելու և դիմում գրելու, եթե նախապես բացակայության պատճառի մասին տեղեկացնեն ֆակուլտետի դեկանատ և կարգադրեց նշված կարգը ներկայացնել բոլոր ուսանողներին:

Ուսանողների խնդիրները մասնաճյուղի ղեկավարության ուշադրության կենտրոնում

Ծավալվեց քննարկում ուսանողի վարքագծի, դրա վրա ազդող գործոնների և մասնաճյուղի անելիքների վերաբերյալ: Դարձյալ ընդգծվեց, որ բուհն իրականացնում է ոչ միայն կրթական, այլև դաստիարակչական գործառույթ, իր ներքին կարգապահական կանոնների պահպանմամբ փորձում է ապահովել պատշաճ կարգապահություն, բարձրացնել ուսանողների պատասխանատվությունը, ինքնագիտակցության մակարդակը, դաստիարակել պետությանը պիտանի և օրինապահ քաղաքացիներ:

Հանդիպման վերջում պարոն Առաքելյանը խորհուրդ տվեց հաճախակի օգտագործել «Շնորհակալություն» և «Ներողություն» բառերը, որոնք բնորոշ են հզոր մարդկանց ու մոգական ուժ ունեն, կոչ արեց լավ նախապատրաստվել քննություններին՝ ցանկալի արդյունքի հասնելու համար:

 

Մասնաճյուղում կայացավ Վահագն Աթաբեկյանի հետ հերթական հանդիպումը

2018թ. մարտի 24-ին ԵՊՀ Իջևանի մասնաճյուղում կայացավ ՀՀ արտգործնախարարի` ֆրանկոֆոնիայի հարցերով խորհրդական Վահագն Աթաբեկյանի հետ հերթական հանդիպումը:

Մասնաճյուղում կայացավ Վահագն Աթաբեկյանի հետ հերթական հանդիպումը

Ներկա էին Ֆրանսերեն լեզվի և գրականության, Անգլերեն լեզվի և գրականության ամբիոնների դասախոսներ, համապատասխան մասնագիտությունների ուսանողներ:

Հանդիպման նպատակն էր ընդգծել առաջիկայում Երևանում կայանալիք Ֆրանկֆոոնիայի գագաթնաժողովի կարևորությունը Հայաստանի Հանրապետության համար, մասնակիցներին հանգամանորեն ներկայացնել դրա ընթացակարգը:

Մասնաճյուղում կայացավ Վահագն Աթաբեկյանի հետ հերթական հանդիպումը

Նախ պարոն Աթաբեկյանը ջերմորեն շնորհավորեց ԵՊՀ ԻՄ-ի ուսանողներին՝ Ֆրանկոֆոնիայի միջբուհական մրցույթում պատվավոր տեղեր գրավելու համար, ողջունեց այն փաստը, որ ԵՊՀ Իջևանի մասնաճյուղը զիջել է  միայն Բրյուսովի անվան համալսարանին և առաջ է անցել անգամ Ֆրանսիական համալսարանից։ 

Մասնաճյուղում կայացավ Վահագն Աթաբեկյանի հետ հերթական հանդիպումը

Հանդիպման ընթացքում ՀՀ արտգործնախարարի խորհրդականը մանրամասն ներկայացրեց կամավորական սկզբունքով Ֆրանկոֆոնիայի գագաթնաժողովին մասնակցելու պայմաններն ու դրույթները: 

Մասնաճյուղում կայացավ Վահագն Աթաբեկյանի հետ հերթական հանդիպումը

Վերջում ուսանողները պարոն Աթաբեկյանին ուղղեցին Ֆրանկոֆոնիայի գագաթնաժողովի և ֆրանսիական մշակույթի վերաբերյալ մի շարք հարցեր՝ ստանալով սպառիչ պատասխաններ:

Կայացավ «Օսկարակիր ֆիլմեր» թեմայով բաց դասը

2018թ. մարտի 24-ին ԵՊՀ ԻՄ-ի հումանիտար գիտությունների ֆակուլտետի «Օտար լեզուներ» մասնագիտության I կուրսում կայացավ «Օսկարակիր ֆիլմեր» թեմայով գործնական բաց դաս (անգլերեն), որը կազմակերպել էր Անգլերեն լեզվի և գրականության  ամբիոնը:

Բաց դասի ընթացքում ուսանողները ներկայացրին տարբեր տարիների ընթացքում «Օսկար» մրցանակի արժանացած մի շարք ֆիլմեր («Տիտանիկ», «Ավատար», «Տրոյա», «Դյունքերք», «Անգլիական պացիենտը», «Ջրի ձևը»):

Կայացավ «Օսկարակիր ֆիլմեր» թեմայով բաց դասը

Մասնավորապես նշվեց, որ «Տիտանիկը» նկարահանվել է Ջեյմս Քեմերոնի կողմից 1997 թվականին: Ֆիլմում նկարագրվում է Տիտանիկ նավի կործանումը: Գլխավոր դերակատարներն են Քեյթ Ուինսլեթը և Լեոնարդո դի Կապրիոն: ԱՄՆ-ում ֆիլմի առաջին ցուցադրությունը կայացել է 1997 թվականի դեկտեմբերի 19-ին: Ֆիլմի բյուջեն կազմել է 200 միլիոն դոլար, որը ժամանակին ռեկորդային էր: «Տիտանիկը» ներկայացվել է «Օսկար» մրցանակի 14 անվանակարգում և ստացել 11 «Օսկար», այդ թվում՝ «Լավագույն ֆիլմ»:

Ներկայացվեց, որ «Ավատար» ֆիլմի ռեժիսորը նույնպես Ջեյմս Քեմերոնն է: Ֆիլմը նկարահանվել է 2009 թվականին,  և առաջին ցուցադրությունը կայացել է դեկտեմբերի 18-ին: Գլխավոր դերակատարներն են Սեմ Ուորթինգտոնը, Քոուի Սալդանան և Սիգուրնի Ուիվերը: Ֆիլմի բյուջեն կազմել է 237 միլիոն դոլար:  «Ավատարը» ներկայացվել է «Օսկար» մրցանակի 9 անվանակարգում և ստացել 3 «Օսկար»:

Կայացավ «Օսկարակիր ֆիլմեր» թեմայով բաց դասը

 

«Տրոյա» պատմական ֆիլմի վերաբերյալ նշվեց, որ այն նկարահանվել է 2004 թվականին ռեժիսոր Վոլֆգանգ Պետերսենի կողմից: Գլխավոր դերակատարներն են Բրեդ Փիթը և Էրիկ Բանան: Ֆիլմի բյուջեն 175 միլիոն դոլար է կազմել: Ֆիլմը ստացել է «Օսկար»՝ լավագույն հանդերձանքի համար:

«Դյունքերք» ֆիլմի մասին նշվեց, որ այն նկարահանվել է 2017 թվականին Քրիստոֆեր Նոլանի կողմից: Ֆիլմը ներկայացվել է «Օսկար» մրցանակի 8 անվանակարգում և ստացել է 3 «Օսկար»: Գլխավոր դերակատարներն են Թոմ Հարդին և Քիլիան Մերֆին: Ֆիլմի բյուջեն կազմել է 100 միլիոն դոլար: 

Կայացավ «Օսկարակիր ֆիլմեր» թեմայով բաց դասը

«Անգլիական պացիենտ» ֆիլմի կապակցությամբ ներկայացվեց, որ այն նկարահանվել է 1996 թվականին Էնթոնի Մինգելլայի կողմից:  Ֆիլմը ներկայացվել է «Օսկար» մրցանակի 12 անվանակարգում և ստացել է 9 «Օսկար»: Գլխավոր դերակատարներն են Ռեյֆ Ֆայնսը և Ժուկիետ Բինոշը: Ֆիլմի առաջին ցուցադրությունը կայացել է 1996 թվականի նոյեմբերի 6-ին Լոս Անջելեսում: Ֆիլմի բյուջեն կազմել է ընդամենը 27 միլիոն դոլար: 

«Ջրի ձևը» ֆիլմի վերաբերյալ նշվեց, որ այն նկարահանվել է 2017 թվականին Գիլյերմո դել Տորոյի կողմից: Ֆիլմի առաջին ցուցադրությունը կայացել է 2017 թվականի օգոստոսի 31-ին: Այն ներկայացվել է «Օսկար» մրցանակի 13 անվանակարգում և ստացել է  4 «Օսկար», այդ թվում՝ «Լավագույն ֆիլմ»: Գլխավոր դերակատարներն են Սալլի Հոքինսը, Մայքլ Շեննոնը և Օկտավիա Սպենսերը: Ֆիլմի բյուջեն կազմել է 19,5 միլիոն դոլար:

Ֆիլմերի ներկայացումից հետո տեղի ունեցավ քննարկում:

Կայացավ «Օսկարակիր ֆիլմեր» թեմայով բաց դասը