Երևանի պետական համալսարանի Իջևանի մասնաճյուղ

2018թ. դպրոցական օլիմպիադայի հաղթողները պարգևատրվեցին

ԵՊՀ-ի մինչհամալսարանական կրթության վարչության նախաձեռնությամբ ԵՊՀ-ում և ՀՀ բոլոր մարզերում կայացած ամենամյա 10-րդ «ԵՊՀ օլիմպիադա-2018»-ին մասնակցել էին Տավուշի մարզի 30 դպրոցների ավելի քան 300 աշակերտներ:

Նրանցից 45-ը հաղթահարել էր մարզային 1-ին փուլի փորձությունը և մասնակցել  2-րդ փուլին, որն անց էր կացվել ԵՊՀ-ում:

Կողբի դպրոց.

Ամփոփելով աշխատանքների արդյունքները՝ I կարգի դիպլոմների արժանացան՝

  1. Մոսինյան Սուսաննան (Այրումի միջն. դպրոցի 12-րդ դասարան) – գերմաներեն առարկայից,
  2. Զաքարյան Ինեսան (Դիլիջանի ավագ դպրոցի 11-րդ դասարան) – անգլերեն առարկայից,
  3. Դանիելյան Ինեսսան (Դիլիջանի ավագ դպրոցի 12-րդ դասարան) – հայոց լեզու և գրականություն առարկայից:

II կարգի դիպլոմների արժանացան՝

  1. Ստեփանյան Վալենտինան (Դիլիջանի ավագ դպրոցի 12-րդ դասարան) – հայոց լեզու և գրականություն առարկայից,
  2. Մուրադյան Լիլիթը (Կողբի թիվ 2 միջն. դպրոցի 12-րդ դասարան) – հայոց լեզու և գրականություն առարկայից,
  3. Խոջայան Շուշանը (Կողբի թիվ 1 միջն. դպրոցի 12-րդ դասարան) – հայոց լեզու և գրականություն առարկայից:

III կարգի դիպլոմների արժանացան՝

  1. Թամազյան Նարեն (Կողբի թիվ 2 միջն. դպրոցի 12-րդ դասարան) – հայոց լեզու և գրականություն առարկայից,
  2. Հարությունյան Մարիամը (Կողբի թիվ 2 միջն. դպրոցի 12-րդ դասարան) – հայոց լեզու և գրականություն առարկայից,
  3. Ենգիբարյան Իննան (Գետահովիտի միջն. դպրոցի 12-րդ դասարան) – հայոց լեզու և գրականություն առարկայից,
  4. Ուլիխանյան Լաուրան (Գետահովիտի միջն. դպրոցի 12-րդ դասարան) – հայոց լեզու և գրականություն առարկայից,
  5. Մնացականյան Էդիկը (Դիլիջանի թիվ 5 միջն. դպրոցի 12-րդ դասարան) – ֆիզիկա առարկայից:

 

Պատվոգրերի արժանացան տավուշցի հետևյալ դպրոցականները.

  1. Բաբինյան Շուշանիկը – (Հաղարծինի միջն. դպրոցի 10-րդ դասարան) – ստեղծագործական աշխատանք առարկայից,
  2. Խաչիկյան Նունեն (Նոյեմբերյանի ավագ դպրոցի 12-րդ դասարան) – աշխարհագրություն առարկայից,
  3. Ասատրյան Արծրունը (Դիլիջանի ավագ դպրոցի 12-րդ դասարան) – ֆիզիկա առարկայից,
  4. Բաբայան Շավարշը (Վերին Կարմիրաղբյուրի միջն. դպրոցի 12-րդ դասարան) – հայոց լեզու և գրականություն առարկայից,
  5. Ներսիսյան Ասթինեն (Բերդի ավագ դպրոցի 12-րդ դասարան) – հայոց լեզու և գրականություն առարկայից,
  6. Թիրաբյան Տիգրանը (Իջևանի ավագ դպրոցի 12-րդ դասարան) – մաթեմատիկա առարկայից,
  7. Մնացականյան Էլլան (Դիլիջանի ավագ դպրոցի 12-րդ դասարան) – կենսաբանություն առարկայից,
  8. Աբազյան Հասմիկը (Իջևանի ավագ դպրոցի 12-րդ դասարան)- կենսաբանություն առարկայից,
  9. Մելքոնյան Լևոնը (Բերդի ավագ դպրոցի 12-րդ դասարան) – քիմիա առարկայից,
  10. Փիլոսյան Անահիտը (Դիլիջանի ավագ դպրոցի 12-րդ դասարան) – ռուսերեն առարկայից:

ԵՊՀ Իջևանի մասնաճյուղի մասնագիտական կողմնորոշման և պրակտիկայի կազմակերպման բաժնի կողմից կազմակերպվեցին հանդիպումներ բոլոր այն դպրոցներում, որոնցում սովորող դպրոցականները հաջողությամբ էին մասնակցել օլիմպիադային և ցուցաբերել բարձր արդյունքներ: Հանդիպումների ընթացքում դիպլոմներ, արժեքավոր գրքեր և պատվոգրեր հանձնվեցին օլիմպիադայի ընթացքում բարձր միավորներ ստացած աշակերտներին:

Կողբի դպրոցի պարգևատրում

Լավագույն մասնակցության և բարձր առաջադիմության համար ԵՊՀ ռեկտորի կողմից հատուկ շնորհակալագրով պարգևատրվեցին Դիլիջանի ավագ, Կողբի թիվ 2 և Գետահովիտի միջնակարգ դպրոցները:

Կողբի դպրոց

 

ԵՊՀ ԻՄ-ում ընթանում է 2017-2018 ուստարվա ամփոփիչ ատեստավորումը

2018թ. մայիսի 12-30-ին ԵՊՀ Իջևանի մասնաճյուղում ընթանում է 2017-2018 ուստարվա ամփոփիչ ատեստավորումը (առկա և հեռակա ուսուցման ավարտական աշխատանքների պաշտպանություններ)՝ 12 մասնագիտության գծով:

Ամփոփիիչ ատեստավորման գործընթացն անցկացվում է սահմանված կարգով, ըստ հաստատված ժամանակացույցների. ամփոփիչ ատեստավորման հանձնաժողովների ներկայացուցիչները, ուսանողները և դասախոսները ավարտական աշխատանքների պաշտպանություններին մոտենում են ամենայն պատասխանատվությամբ:

9

2018թ. մայիսի 12-ին տեղի ունեցավ «Քարտեզագրություն և կադաստրային գործ» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր ՀՀ Կառավարությանն առընթեր անշարժ գույքի կադաստրի պետական կոմիտեի աշխատակազմի ղեկավար Վարդան Ռուբենի Հասրաթյանը:

Մայիսի 14-ին կայացավ «Մանկավարժություն և հոգեբանություն» մասնագիտության ավարտական աշխատանքների պաշտպանությունը:

2

Ամփոփիչ ատեստավորման հանձնաժողովը գլխավորում էր Երևանի Վ.Բրյուսովի անվան պետական լեզվահասարակագիտական  համալսարանի մանկավարժության և լեզուների դասավանդման մեթոդիկայի ամբիոնի պրոֆեսոր, մանկ. գիտ. դոկտոր Հայկ Հմայակի Պետրոսյանը:

1

Մայիսի 17-ին տեղի ունեցավ «Էկոլոգիական քիմիա» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր ՀՀ բնապահպանության նախարարության բնապահպանության և ընդերքի տեսչական մարմնի Տավուշի տարածքային բաժնի պետ Վահագն Վոլոդյայի Առաքելյանը:

Մայիսի 19-ին տեղի ունեցավ «Անգլերեն լեզու և գրականություն» մասնագիտության ավարտական աշխատանքների պաշտպանությունը:

7

Հանձնաժողովը գլխավորում էր Երևանի Վ.Բրյուսովի անվան պետական լեզվահասարակագիտական համալսարանի անգլերեն լեզվի բառագիտության և ոճաբանության ամբիոնի դոցենտ, բ.գ.թ. Լիլիթ Ասատուրի Բադալյանը:

6

Նույն օրը՝ մայիսի 19-ին, կայացավ «Ինֆորմատիկա և կիրառական մաթեմատիկա» մասնագիտության ավարտական աշխատանքների պաշտպանությունը:

4

Ամփոփիչ ատեստավորման հանձնաժողովը գլխավորում էր Ռուս-հայկական (սլավոնական) համալսարանի ՏՏ դեպարտամենտի ծառայության պետ,  ֆիզմաթ. գիտ. թեկնածու, դոցենտ Հարություն Վոլոդյայի Գասպարյանը:

3

Մայիսի 21-ին տեղի ունեցավ «Հայոց լեզու և գրականություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը գլխավորում էր ՀՀ ԳԱԱ Մանուկ Աբեղյանի անվան գրականության ինստիտուտի տնօրեն, բան. գիտ. դոկտոր Վարդան  Գևորգի Դևրիկյանը:

8

Մայիսի 25-ին կկայանա «Պատմություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը կգլխավորի «Խ.Աբովյանի անվան հայկական պետական մանկավարժական համալսարան» հիմնադրամի հայոց պատմության ամբիոնի դոցենտ, պ.գ թ. Ավետիս Հմայակի  Հարությունյանը:

Մայիսի 26-ին տեղի կունենա «Ֆրանսերեն լեզու և գրականություն» մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը կգլխավորի Երևանի Վ.Բրյուսովի անվան պետական լեզվահասարակագիտական համալսարանի ֆրանսերեն լեզվի ամբիոնի դոցենտ, բ.գ.թ. Մելանյա Սմբատի Ղազարյանը:

Մայիսի 26-ին (առկա) և 27-ին (հեռակա) տեղի կունենան «Տնտեսագիտության տեսություն» մասնագիտության ավարտական աշխատանքների պաշտպանությունները:

Հանձնաժողովը կգլխավորի ՀՀ Կենտրոնական բանկի դրամավարկային և ֆինանսական վիճակագրության բաժնի պետ Արթուր Արծրունի Ղալթախչյանը:

Մայիսի 27-ին կկայանա «Սերվիս»  մասնագիտության ավարտական աշխատանքների պաշտպանությունը:

Ամփոփիչ ատեստավորման հանձնաժողովը կգլխավորի ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախագահի առաջին տեղակալ Մեխակ Վեմիրի Ապրեսյանը:

Մայիսի 30-ին տեղի կունենան «Կիրառական արվեստ»  և «Դիզայն» մասնագիտությունների ավարտական աշխատանքների պաշտպանությունները:

Ամփոփիչ ատեստավորման հանձնաժողովները կգլխավորի ՀՀ նկարիչների միության նախագահի տեղակալ-քարտուղար, պրոֆեսոր Խաչատուր Սուրենի Ազիզյանը:

Մեր ուսանողների այցը Տավուշի մարզային փրկարարական վարչություն

2018թ. մայիսի 21-ին «Արտակարգ իրավիճակների հոգեբանություն» դասընթացի շրջանակներում ԵՊՀ ԻՄ-ի «Հոգեբանություն» մասնագիտության 3-րդ կուրսի ուսանողները՝ Մանկավարժության և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանի ուղեկցությամբ, ճանաչողական այց կատարեցին ԱԻՆ Տավուշի մարզային փրկարարական վարչություն:

Մեր ուսանողների այցը Տավուշի մարզային փրկարարական վարչություն

Մեր ուսանողները հանդիպեցին փրկարարների, համակարգի տարբեր բաժինների աշխատակիցների հետ:

Մեր ուսանողների այցը Տավուշի մարզային փրկարարական վարչություն

Նրանք ուսանողներին ներկայացրին իրենց գործառույթները, իրավունքներն ու պարտականությունները, իրենց առօրյան համակարգում, ապա ցուցադրեցին փրկարարական անհրաժեշտ պարագաներն ու գործիքները, մեքենաներն ու հագուստը:

Մեր ուսանողների այցը Տավուշի մարզային փրկարարական վարչություն

Ներկայացվեց փրկարարական աշխատանքի բնույթը, հոգեբանական և ֆիզիկական առումներով դրա բարդությունը:

Մեր ուսանողների այցը Տավուշի մարզային փրկարարական վարչություն

Զրույցի ընթացքում հարցեր ծագեցին փրկարարների հոգեբանական վիճակների վերաբերյալ, թե արդյոք նրանք, տարբեր արտակարգ իրավիճակներում գործ ունենալով ամենատարբեր բացասական երևույթների ու դժբախտ դեպքերի, մինչև անգամ մահվան հետ (առանց տարիքային և սեռային սահմանափակման), կարողանում են հեշտությամբ հաղթահարել այդ ապրումները:

Մեր ուսանողների այցը Տավուշի մարզային փրկարարական վարչություն

Փրկարարները պատասխանեցին, որ իրավիճակի տարածք մեկնելուց առաջ քիչ թե շատ հոգեբանորեն պատրաստվում են ծայրագույնին: Նրանք ցանկություն հայտնեցին, որ լինի համագործակցություն հոգեբանների հետ, մասնագետների կողմից տրվի հոգեբանական խորհրդատվություն:

Մեր ուսանողների այցը Տավուշի մարզային փրկարարական վարչություն

Համալսարանականները սիրով իրենց պատրաստակամությունը հայտնեցին համագործակցության և փոխաջակցության հարցում՝ ընդգծելով, որ յուրաքանչյուր տեսական գիտելիք ամրապնդվում է փորձի և պրակտիկայի շնորհիվ:

Մեր ուսանողների այցը Տավուշի մարզային փրկարարական վարչություն

Ուսանողները երախտագիտություն արտահայտեցին Տավուշի մարզային փրկարարական վարչության անձնակազմին, իրենց դասախոսին և բոլոր կազմակերպիչներին՝ ճանաչողական բովանդակալից այցի համար:

Մեր ուսանողների այցը Տավուշի մարզային փրկարարական վարչություն

ՈՒԳԸ նախաձեռնությամբ մեր ուսանողներն այցելեցին Երևանի թանգարաններ

2018թ. մայիսի 18-ին նշվեց Թանգարանների միջազգային օրը: Այս տարի ՀՀ-ի և Արցախի 116 թանգարաններ միացել էին միջոցառումների ծրագրին՝ իրենց դռները անվճար բացելով բազմահազար այցելուների առջև:

 

Այդ առիթով ԵՊՀ Իջևանի մասնաճյուղի տարբեր մասնագիտությունների 22 ուսանողներ՝ ՈՒԳԸ համակարգող Սլավիկ Ալավերդյանի ուղեկցությամբ, այցելեցին Երևանի թանգարաններ:

 

Նախ նրանք այցելեցին «Գաֆեսճյան արվեստի կենտրոն» («Կասկադ» համալիր), շրջեցին սրահներով, ծանոթացան արվեստի տարբեր ճյուղերի հետաքրքիր ցուցանշումներին, Ժերարդ Գաֆեսճյանի անձնական հավաքածուին:

ՈՒԳԸ նախաձեռնությամբ մեր ուսանողներն այցելեցին Երևանի թանգարաններ

Այնուհետև ուսանողներն այցելեցին «Գաֆեսճյան արվեստի կենտրոն»-ի հարևանությամբ գտնվող Ռուսական արվեստի թանգարան և շարժվեցին Հանրապետության հրապարակ:

ՈՒԳԸ նախաձեռնությամբ մեր ուսանողներն այցելեցին Երևանի թանգարաններ

Այստեղ համալսարանականներն այցելեցին Հայաստանի պատմության թանգարան և Ազգային պատկերասրահ, ծանոթացան մշտական և ժամանակավոր ցուցադրություններին:

Ճանաչողական էքսկուրսիայի ընթացքում մեր ուսանողները գործնականորեն ամրապնդեցին իրենց տեսական գիտելիքները, բարձր տրամադրությամբ և ջերմ տպավորությունններով վերադարձան Իջևան:

ՈՒԳԸ նախաձեռնությամբ մեր ուսանողներն այցելեցին Երևանի թանգարաններ

 

 

ԵՊՀ ԻՄ-ի ամբիոններում իրականացվեց ներքին աուդիտ

2018թ. ապրիլի 17-ից մայիսի 19-ը ԵՊՀ Իջևանի մասնաճյուղի ամբիոններում իրականացվեց ներքին աուդիտ՝ հետևյալ ծրագրով.

  1. Ստորաբաժանումները` ամբիոններ:
  2. Հիմնավորումը` տնօրենի 2018թ. ապրիլի 09-ի՝ N86 §13 հրամանը:
  3. Աուդիտի անցկացման ժամանակահատվածը` ապրիլի 17-ից մայիսի 19-ը:
  4. Աուդիտի ենթակա գործընթացները.
  • ամբիոնի գործունեության պլանավորում և իրականացում,
  • գիտական գործունեություն,
  • ամբիոնի գործունեության բարելավմանն ուղղված քայլեր,
  • ամբիոնի հաշվետվողականություն:

ԵՊՀ ԻՄ-ի ամբիոններում իրականացվեց ներքին աուդիտ

Ապրլի 17-ին ամբիոններին է ուղարկվել ստուգվելիք փաստաթղթերի ցանկը:

3 աշխատանքային օրվա ընթացքում ամբիոնների գործավարները առանձնացրել են անհրաժեշտ փաստաթղթերը և հիմքերը:

Տեղի է ունեցել հանդիպում, որի ընթացքում կազմվել են աուդիտ իրականացնող աշխատանքային փոքր խմբեր և ժամանակացույց:

17-04-18-19-05-18-4

Աշխատանքային խմբերը  շրջել են ամբիոններով և ստուգել անհրաժեշտ փաստաթղթային հիմքերի առկայությունը:

Աուդիտի ընթացքում ամբիոնների վարիչները պատասխանել են ամբիոնային գործունեությանը վերաբերող հետևյալ հարցերին.

  • Ի՞նչ եք հիմք ընդունել ամբիոնի տարեկան աշխատանքային պլանը կազմելիս:
  • Որքանո՞վ է ձեր ամբիոնի տարեկան աշխատանքային պլանը համահունչ ԵՊՀ ԻՄ-ի ՌԾ-ին:
  • Քննարկվե՞լ է արդյոք ամբիոնում՝ ըստ ՌԾ-ի կատարողականի:
  • Թվարկե՛ք ամբիոնի նիստերում հիմնական քննարկվող հարցերը:
  • Նիստի օրակարգը ինչպե՞ս է իրազեկվում ամբիոնի անձնակազմին:
  • Քննարկվե՞լ են արդյոք դասախոսների անհատական պլանները և/կամ հաշվետվությունները ամբիոնի նիստերում և ինչ որոշումներ են ընդունվել, նշեք դրանցից մի քանիսը:
  • Որքանո՞վ է փոխկապակցված ամբիոնի պրոֆեսորադասախոսակն կազմի անհատական պլանները ամբիոնի տարեկան աշխատանքային պլանի հետ:
  • Մասնակցո՞ւմ են արդյոք ամբիոնի բոլոր դասախոսները ամբիոնի տարեկան հաշվետվության քննարկմանը և ի՞նչ մեխանիզմով:
  • Նշել ամբիոնի և ԿԾՊ-ի համագործակցության գործող մեխանիզմները:
  • Ինչքանո՞վ է ԿԾՊ-ն նպաստում ամբիոնի գործունեության բնականոն գործունեությանը:
  • Քանի՞ ԿԾ նախագիծ է քննարկվել ամբիոնում/նշել անվանումները/:

ԵՊՀ ԻՄ-ի ամբիոններում իրականացվեց ներքին աուդիտ

Աուդիտի ընթացքում իրականացվել է խորհրդատվություն ամբիոններին:

Ներքին աուդիտ իրականացրած աշխատանքային խումբն առաջիկայում կվերլուծի տվյալները, կկազմի եզրակացություն և առաջարկությունների փաթեթ կներկայացնի տնօրենին:

ԵՊՀ ԻՄ-ի ամբիոններում իրականացվեց ներքին աուդիտ