Երևանի պետական համալսարանի Իջևանի մասնաճյուղ

Կայացավ վոլեյբոլի ֆակուլտետային առաջնություն

2018թ. մարտի 1-ին ԵՊՀ Իջևանի մասնաճյուղի մարզադահլիճում տեղի ունեցավ վոլեյբոլի ֆակուլտետային առաջնություն, որը կազմակերպել էր Արտակարգ իրավիճակների, մարմնակրթության և սպորտի ամբիոնը:

Կայացավ վոլեյբոլի ֆակուլտետային առաջնություն

Հանդիպեցին Բնական գիտությունների ֆակուլտետի երկու (առաջին և երկրորդ) հավաքական թիմեր և Տնտեսագիտության ֆակուլտետի մեկ հավաքական թիմ:

Կայացավ վոլեյբոլի ֆակուլտետային առաջնություն

Վոլեյբոլի ֆակուլտետային առաջնությունն ընթացավ 5 խաղափուլով:

Կայացավ վոլեյբոլի ֆակուլտետային առաջնություն

Հաղթող թիմ ճանաչվեց Բնական գիտությունների ֆակուլտետի առաջին հավաքական թիմը:

Կայացավ վոլեյբոլի ֆակուլտետային առաջնություն

II տեղը գրավեց Բնական գիտությունների ֆակուլտետի երկրորդ հավաքական թիմը:

Կայացավ վոլեյբոլի ֆակուլտետային առաջնություն

I և II տեղեր գրաված թիմերը տնօրենության կողմից պարգևատրվեցին  մրցանակներով ու պատվոգրերով:

 

Հայկյան մրցանակակիրներին դիմավորեցին «տանը»

2018թ. մարտի 1-ին ԵՊՀ Իջևանի մասնաճյուղում կայացավ Ուսանողական խորհրդի անդամների հետ տնօրեն Ս.Առաքելյանի հանդիպումը, որին ներկա էին բուհի վարչական և պրոֆեսորադասխոսական անձնակազմի ներկայացուցիչներ:

Հայկյան մրցանակակիրներին դիմավորեցին «տանը»՝ մասնաճյուղում

Հանդիպման շարժառիթը նախօրեին Երևանի Ալ. Սպենդիարյանի անվան օպերայի և բալետի ազգային ակադեմիական թատրոնում տեղի ունեցած «Հայկյան 2017» մրցանակաբաշխությունն էր, որտեղ մասնաճյուղի ՈՒԽ-ն դարձավ մրցանակակիր:

Հայկյան մրցանակակիրներին դիմավորեցին «տանը»՝ մասնաճյուղում

Այն ՀԵՀ-ի կողմից 17 տարի անընդմեջ իրականացվող ծրագիր է, որի նպատակն է խրախուսել, գնահատել երիտասարդներին, ուսանողներին և տարվա ընթացքում իրականացվող երիտասարդական նախաձեռնությունները:

«Հայկյան 2017» մրցանակաբաշխությանը ներկայացվել էր շուրջ 40 հայտ՝ 11 անվանակարգերում, որոնցից «Լավագույն մարզային ուսանողական ինքնակառավարման մարմին» անվանակարգում հաղթող ճանաչվեց ԵՊՀ ԻՄ-ի ուսանողական խորհուրդը:

Տնօրեն Ս. Ա. Առաքելյանը մեծ ուրախությամբ շնորհավորեց մրցանակակիրներին, ընդգծեց, որ ՈՒԽ-ի այս հաղթանակն առանձնահատուկ ձեռքբերում է մասնաճյուղի համար. «Սիրելի՛ ուսանողներ, ձեզ եզակի հնարավորություն է տրվել ՀՀ նախագահի ձեռքից ստանալու մրցանակ, մի բան, որի մասին մեր սերունդը չէր էլ կարող երազել: ՀՀ մարզերում կան տասնյակ պետական բուհեր, որոնց մեծ մասը գերազանցում են մեր կրթօջախին իրենց ուսանողների քանակով, սակայն այս մրցանակը ցույց է տալիս, որ մենք եղել ենք ավելի կազմակերպված, իրագործել ենք հետաքրքիր ծրագրեր և, որ պակաս կարևոր չէ, ճիշտ ենք ներկայացրել կատարած աշխատանքները»:

Հայկյան մրցանակակիրներին դիմավորեցին «տանը»՝ մասնաճյուղում

Պարոն Առաքելյանը, կարևորելով ուսանողական կառույցները որպես երիտասարդների ինքնադրսևորման լավագույն հարթակներ, նշեց, որ այսօր ՀՀ պետական բարձր պաշտոնյաների հիմնական մասը ուսանողական տարիներից ակտիվություն ցուցաբերած անձինք են, ովքեր կարողացել են ինքնադրսևորվել և անընդհատ աճել: Տավուշի մարզում ևս համայնքների, դպրոցների, տարբեր  կազմակերպությունների ղեկավարների մեջ մեծ թիվ են կազմում մասնաճյուղի շրջանավարտները, ովքեր ուսանողական տարիներին եղել են ակտիվ: Նրանց մի մասն էլ աշխատում է մասնաճյուղում և այժմ այստեղ ներկա գտնվողների մեջ կան ուսանողներ, որոնց առաջարկելու ենք աշխատանքի անցնել մասնաճյուղում:

Հայկյան մրցանակակիրներին դիմավորեցին «տանը»՝ մասնաճյուղում

Տնօրենը շնորհակալություն հայտնեց ավարտական կուրսերի ուսանողներին, շնորհավորեց ֆակուլտետների ՈՒԽ-ների նորընտիր նախագահներին, բոլորին մաղթեց բեղմնավոր աշխատանք ու նորանոր ձեռքբերումներ և նշեց, որ մասնաճյուղի ղեկավարությունը միշտ պատրաստ է աջակցել ուսանողներին՝ իրականացնելու իրենց  նախաձեռնությունները: Ամփոփելով իր խոսքը՝ նա կոչ արեց լինել ակտիվ, ունենալ մեծ ընկերական շրջապատ, որը կօգնի կյանքի բոլոր իրադրություններում:

Հայկյան մրցանակակիրներին դիմավորեցին «տանը»՝ մասնաճյուղում

Ուսանողական խորհրդի նախագահ Իսկուհի Շաղբաթյանը շնորհակալություն հայտնեց շնորհավորանքների և աջակցության համար՝ մասնավորապես նշելով. «Ուրախ եմ, որ պատվով ենք ներկայացրել մեր համալսարանը, արժանացել նման մրցանակի: Շնորհակալ եմ Ուսխորհրդի աշխատանքային թիմին և իհարկե մասնաճյուղի տնօրեն պարոն Առաքելյանին՝ մեզ մշտապես աջակից լինելու համար։
Վստահ եմ, որ մրցանակն ավելի ոգևորիչ կլինի մեր կրտսեր ընկերների համար, որ նրանք էլ մեզ գերազանցեն»։

Հանդիպման վերջում տեղի ունեցավ հյուրասիրություն:Հայկյան մրցանակակիրներին դիմավորեցին «տանը»՝ մասնաճյուղում

Մասնաճյուղում կայացավ գիտական խորհրդի նիստ

2018թ. փերրվարի 28-ին ԵՊՀ Իջևանի մասնաճյուղում կայացավ Գիտական խորհրդի նիստ՝ ԵՊՀ ԻՄ-ի գիտխորհրդի նախագահ, մասնաճյուղի տնօրեն Ս. Ա. Առաքելյանի նախագահությամբ:

Մասնաճյուղում կայացավ գիտական խորհրդի նիստ

Նիստի ընթացքում քննարկվեցին ԵՊՀ-ում բակալավրի ավարտական աշխատանքի պատրաստման և գնահատման կարգում կատարված լրացումներին, ԵՊՀ ԻՄ-ի կողմից կազմակերպվող գիտաժողովներին դրամական աջակցություն տրամադրելու կարգին, 2017-2018 ուստարվա հեռակա ուսուցման համակարգի երկրորդ կիսամյակի ուսումնական գործընթացի և առաջին կիսամյակի լուծարքային շրջանների նախապատրաստական աշխատանքներին վերաբերող մի շարք հարցեր:

Ամփոփվեց 2017-2018 ուստարվա առկա ուսուցման համակարգի առաջին կիսամյակի քննաշրջանը:

Մասնաճյուղում կայացավ գիտական խորհրդի նիստ

Նիստում հաստատվեցին ԵՊՀ ԻՄ-ի գիտական խորհրդի՝ 2017-2018 ուստարվա երկրորդ կիսամյակի աշխատանքային ժամանակացույցը և մասնաճյուղի՝ 2017-2018 ուստարվա երկրորդ կիսամյակի անվանական կրթաթոշակ ստացող ուսանողների ցանկը:

«Մոնթե Մելքոնյան»  անվանական կրթաթոշակի համար առաջադրվել էր Բնական գիտությունների ֆակուլտետի «Քարտեզագրություն և կադաստրային գործ» մասնագիտության անվճար ուսուցման համակարգի երրորդ կուրսի ուսանողուհի Անգին Հրաչյայի Ծատուրյանի  թեկնածությունը:

«Վազգեն Սարգսյան»  անվանական կրթաթոշակի համար առաջադրվել էր Հումանիտար գիտությունների ֆակուլտետի «Հայոց լեզու և գրականություն» մասնագիտության անվճար ուսուցման համակարգի երկրորդ կուրսի ուսանողուհի Աստղիկ  Արթուրի Ղազարյանի  թեկնածությունը:

«Մխիթար Գոշ»  անվանական կրթաթոշակի համար առաջադրվել էր Հումանիտար գիտությունների ֆակուլտետի «Պատմություն» մասնագիտության անվճար ուսուց­ման համակարգի երրորդ կուրսի ուսանողուհի Վանուհի Սամվելի Գևորգյանի  թեկնածությունը:

Մասնաճյուղում կայացավ գիտական խորհրդի նիստ

«Շառլ Ազնավուր»  անվանական կրթաթոշակի համար առաջադրվել էր Հումանիտար գիտությունների ֆակուլտետի «Անգլերեն լեզու և գրականություն» մասնա­գիտության անվճար ուսուցման համակարգի երրորդ կուրսի ուսանողուհի Էլինա Իշխանի Խաչատրյանի  թեկնածությունը:

«Երկրապահ» անվանական կրթաթոշակի համար առաջադրվել էր Հումանիտար գիտությունների ֆակուլտետի «Անգլերեն լեզու և գրականություն» մասնա­գիտության անվճար ուսուցման համակարգի երրորդ կուրսի ուսանողուհի Լիլիթ Արամի Ֆարմազյանի  թեկնածությունը:

«Սահակ Ձորափորեցի»  անվանական կրթաթոշակի համար առաջադրվել էր Տնտեսագիտության ֆակուլտետի «Սերվիս» մասնագիտության անվճար ուսուցման համա­կարգի երրորդ կուրսի ուսանողուհի Նարինե Վարդանի Մխիթարյանի թեկնածությունը:

Գիտխորհրդի նիստում քննարկված ընթացիկ հարցերից հատկանշական են Պատմության և հասարակագիտության ամբիոնի դոցենտ, պ.գ.թ. Ա.Հովհաննիսյանի «Հայոց եկեղեցին կիլիկյան շրջանում» աշխատությունը հրատարակության երաշխավորելու և Գիտական խորհրդի քարտուղար, Ընդհանուր մաթեմատիկայի և բնագիտության ամբիոնի դոցենտ, ֆ.մ.գ.թ. Մ. Ս. Աթոյանի՝ դոցենտի գիտական կոչում ստանալու համար սահմանված գործընթացին մասնակցելու հարցերը:

Մեր ուսանողական խորհուրդը «Հայկյան 2017» մրցանակաբաշխության հաղթող

2018թ. փետրվարի 28-ին Երևանի Ալ. Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ «Հայկյան 2017» մրցանակաբաշխությունը, որին ներկա էին ՀՀ նախագահ Սերժ Սարգսյանը, ՀԵՀ համակարգող Կարեն Ավագյանը, բարձրաստիճան պաշտոնյաներ, ուսանողական և երիտասարդական կազմակերպությունների ներկայացուցիչներ, հյուրեր։

Մեր ուսանողական խորհուրդը «Հայկյան 2017»  մրցանակաբաշխության հաղթող

«Հայկյան» մրցանակաբաշխությունը Հայաստանի երիտասարդական հիմնադրամի կողմից 17 տարի անընդմեջ իրականացվող ծրագիր է, որի նպատակն է խրախուսել, գնահատել երիտասարդներին, ուսանողներին և բոլոր երիտասարդական նախաձեռնություններին, որոնք տարվա ընթացքում իրականացնում են:

Մրցանակաբաշխության ժամանակ Կարեն Ավագյանը վստահեցրեց, որ ծրագիրը սպասված է և շատ կարևոր, որովհետև սա լավագույն օրինակն է, որտեղ երիտասարդները քրտնաջան և նվիրված աշխատանքով կարողանում են նման մրցանակների արժանանալ: Նա նաև ընդգծեց, որ գնալով դժվարանում է ընտրությունը, շատանում են ծրագրերը, և ամեն տարի ավելի բարդ է լինում հաղթահարել այն շեմը, որից հետո կարելի է արժանանալ «Հայկյան» մրցանակի:

Մեր ուսանողական խորհուրդը «Հայկյան 2017»  մրցանակաբաշխության հաղթող

«Հայկյան 2017» մրցանակաբաշխությանը մասնակցելու համար ընդունվել էր մոտ 40 հայտ՝ 11 անվանակարգերում: ԵՊՀ Իջևանի մասնաճյուղի ուսանողական խորհուրդը ևս հայտ էր ներկայացրել։ Հաղթողների անունները պարզ դարձան միայն մրցանակաբաշխության ժամանակ։

«Լավագույն մարզային ուսանողական ինքնակառավարման մարմին» անվանակարգում հաղթող ճանաչվեց ԵՊՀ Իջևանի մասնաճյուղի ուսանողական խորհուրդը:

Մեր ուսանողական խորհուրդը «Հայկյան 2017»  մրցանակաբաշխության հաղթող

Մրցանակաբաշխությանը մասնակցում էին ԵՊՀ ԻՄ-ի ուսանողական խորհրդի նախագահ Իսկուհի Շաղբաթյանը և ՈՒԽ-ի անդամներ Զառա Վարտանյանը, Անի Ասրյանը և Արփինե Վերանյանը:

Մրցանակը ստանալու համար բեմ բարձրացավ և ելույթ ունեցավ Իսկուհի Շաղբաթյանը, ում մրցանակը հանձնեց ՀՀ սպորտի և երիտասարդության հարցերի փոխնախարար Արսեն Քարամյանը:

Մեր ուսանողական խորհուրդը «Հայկյան 2017»  մրցանակաբաշխության հաղթող

 

Ի.Շաղբաթյանը սիրով ողջունեց ՀՀ նախագահին, ներկաներին և շնորհավորեց բոլոր մրցանակակիրներին: Նա շնորհակալություն հայտնեց ՈՒԽ-ի բոլոր անդամներին, մասնաճյուղի ամբողջ անձնակազմին՝ աջակցության համար, Հայաստանի երիտասարդական հիմնադրամին, մասնավորապես «Հայկյան» մրցանակաբաշխության ժյուրիին՝ կատարած աշխատանքը լավագույնս գնահատելու և նման պարտավորեցնող մրցանակի արժանացնելու համար:

Նախապես որոշված անվանակարգերից բացի` ՀՀ նախագահի կողմից տրվեցին 8 հատուկ մրցանակներ:

Մրցանակակիրները ստացան խորհրդանշական արձանիկներ, հավաստագրեր և թանկարժեք նվերներ։

Մեր ուսանողական խորհուրդը «Հայկյան 2017»  մրցանակաբաշխության հաղթող

Մրցանակաբաշխության վերջում Նախագահ Սերժ Սարգսյանը շնորհավորեց բոլոր մրցանակակիրներին, նրանց մաղթեց նորանոր հաջողություններ` հույս հայտնելով, որ նրանց ստացած մրցանակները բաղադրիչներն են դառնալու հաջողությունների այն երկար շղթայի, որ երիտասարդները հետագայում էլ պետք է ունենան` ի փառս Հայաստանի և հայ ժողովրդի: 

Միջոցառումն ուղեկցվեց համերգային ծրագրով. երեկոյի ընթացքում ելույթ ունեցան Հայաստանի պետական սիմֆոնիկ նվագախումբը (գեղարվեստական ղեկավար և գլխավոր դիրիժոր՝ Սերգեյ Սմբատյան), հայտնի երգիչ-երգչուհիներ: 

Աղբյուրներ` 

http://www.president.am

http://heh.am

http://www.erit.am

Մասնաճյուղում կայացավ ուսումնական գործընթացներին վերաբերող կարգերի փոփոխությունների մասին սեմինար-խորհրդատվություն

2018թ. փետրվարի 24-ին ԵՊՀ Իջևանի մասնաճյուղում կայացավ ուսումնական գործընթացներին վերաբերող կարգերի փոփոխությունների մասին սեմինար-խորհրդատվություն, որը վարում էր ԵՊՀ-ի ՈՒՄՎ ուսումնական գործընթացի վերահսկման բաժնի վարիչ Ա.Սարգսյանը:

Մասնաճյուղում կայացավ ուսումնական գործընթացներին վերաբերող   կարգերի փոփոխությունների մասին սեմինար-խորհրդատվություն

Սեմինարին ԵՊՀ-ից մասնակցում էր ԵՊՀ-ի ՏՏԿՀ կենտրոնի տեղեկատվական համակարգերի բաժնի վարիչ Ն.Դանիելյանը, մասնաճյուղի ուսումնամեթոդական վարչության աշխատակիցները, ֆակուլտետների դեկանները, դեկանների տեղակալները, գործավարները:

Մասնաճյուղում կայացավ ուսումնական գործընթացներին վերաբերող   կարգերի փոփոխությունների մասին սեմինար-խորհրդատվություն

  Սեմինար-խորհրդատվության նպատակն էր քննարկել Բակալավրի և մագիստրոսի կրթական ծրագրերով ուսումնական գործընթացի կազմակերպման, Բուհերում ուսանողների հեռացման (ազատման) և վերականգնման փոփոխված կարգերը:

Պարոն Սարգսյանն անդրադարձավ Բակալավրի և մագիստրոսի կրթական ծրագրերով ուսումնական գործընթացի կազմակերպման կարգի փոփոխությունների հետ կապված նոր տեղեկագրերի լրացման ձևերին:

Մասնաճյուղում կայացավ ուսումնական գործընթացներին վերաբերող   կարգերի փոփոխությունների մասին սեմինար-խորհրդատվություն

Քննարկվեցին նաև ուսանողներին մանկավարժի լրացուցիչ որակավորում շնորհելու հետ կապված դասընթացների կազմակերպման խնդիրները, ինչպես և 2017-18 ուսումնական տարվա II կիսամյակից ուսանողների՝ մինչև 12 կրեդիտ ակադեմիական պարտքերի վերահանձնման գործընթացին վերաբերող դիմումները ԵՊՀ-ի SuperVision ծրագրով ամրագրելու և միաժամանակ հրամանագրելու հարցերը: