Երևանի պետական համալսարանի Իջևանի մասնաճյուղ

Գնումների մատակարարման և պահեստավորման բաժինը տեղեկացնում է

 

Գրենական պիտույքներ և գրասենյակային նյութեր

2017թ. նոյեմբերի 24-ին ԵՊՀ Իջևանի մասնաճյուղում հրավիրվեց նիստ, որտեղ ամփոփվեցին «Գրենական պիտույքներ և գրասենյակային նյութեր»-ի գնման մրցույթի արդյունքները:

Ըստ  «Երևանի պետական համալսարան» հիմնադրամի Իջևանի մասնաճյուղի 2017թ. գնումների պլանի՝ նախատեսվել էր ձեռք բերել «Գրենական պիտույքներ և գրասենյակային նյութեր» ապրանքատեսակը՝ ԵՊՀ ԻՄ ԳՀԱՊՁԸ 17/80 ծածկագրով շրջանակային համաձայնագիր կնքելու միջոցով:

Այդ նպատակով ԵՊՀ-ի կողմից հրավերներ էին ուղարկվել ՀՀ ֆինանսների նախարարություն՝ «Գնումների աջակցման կենտրոն»-ի հետ շրջանակային համաձայնագրեր կնքած «Գրենական պիտույքներ և գրասենյակային նյութեր»-ի 4 մատակարարների:

Նշված ընթացակարգին մասնակցելու հայտ էին ներկայացրել 4 ընկերություններ, որոնցից գնման ենթակա չափաբաժիններով հաղթող ճանաչվեցին «Սմարթլայն» ՍՊԸ-ն, «Հայկանուշ Մելքումյան» ԱՁ-ն և «Արման Ասմանգուլյան» ԱՁ-ն:

 

Գնումների մատակարարման և պահեստավորման

բաժնի վարիչ    Ս. Սարգսյան

Մեր դասախոսը մասնակցեց «Գիտենալու իրավունք» կոնֆերանսին

2017թ. նոյեմբերի 21-22-ին «Գիտենալու իրավունք» ծրագրի շրջանակներում ԵՊՀ-ում կայացավ ՀՀ ինտեգրացիոն գործընթացներին և սպասվող հեռանկարներին նվիրված կոնֆերանսը, որը կազմակերպվել էր «Ուրբան» և “Friedrich Ebert Stiftung” հիմնադրամների կողմից:

Մեր դասախոսը մասնակցեց «Գիտենալու իրավունք» կոնֆերանսին

Կոնֆերանսին մասնակցում էին ՀՀ մարզային բուհերի ուսանողներ և երիտասարդ դասախոսներ՝ Շիրակի պետական մանկավարժական համալսարանից, ԵՊՀ Իջևանի մասնաճյուղից, Գորիսի պետական համալսարանից:

Մեր դասախոսը մասնակցեց «Գիտենալու իրավունք» կոնֆերանսին

ԵՊՀ ԻՄ-ից համաժողովին մասնակցեց Ընդհանուր տնտեսագիտության ամբիոնի դասախոս Արփինե Եգանյանը՝ ներկայացնելով «ԵԱՏՄ ինտեգրման ազդեցությունը ՀՀ սոցիալ-տնտեսական բնութագրիչների վրա» թեմայով զեկուցում:

Մեր դասախոսը մասնակցեց «Գիտենալու իրավունք» կոնֆերանսին

«Գիտենալու իրավունք» ծրագիրը բաղկացած էր երեք փուլից:

Առաջին փուլում  ծրագրի ներկայացուցիչներն այցելել էին մարզեր, ներկայացրել ծրագիրը բուհերում (այդ թվում՝ ԵՊՀ Իջևանի մասնաճյուղում) և հետաքրքրված անձանց հրավիրել մասնակցելու ծրագրի երկրորդ փուլին՝ ամառային դպրոցին:

Երրորդ փուլում  նախատեսված էր ԵՊՀ-ում անցկացնել  կոնֆերանս, որի ընթացքում մասնակիցները, ամառային դպրոցի դասախոսներից ստանալով  խորհրդատվական աջակցություն,  ներկայացրին դպրոցում քննարկված և  իրենց հետաքրքրող թեմաներով գիտական զեկուցումներ:

Կոնֆերանսի կազմակերպիչները մասնակիցներին ներկայացրին ծրագրի նպատակներն ու խնդիրները, ընդհանուր գծերով անդրադարձան ՀՀ քաղաքական ու տնտեսական ինտեգրացիոն գործընթացներին, հարցին առնչվող հիմնական դիտարկումներին, Հայաստան-ԵՄ նոր համաձայնագրին:

Այնուհետև կոնֆերանսի մասնակիցները  ներկայացրին ՀՀ հարևան երկրների, Եվրամիության և ԵԱՏՄ հետ համագործացության պատմությունը, նախատեսվող և կորսված տնտեսական և քաղաքական հնարավորությունները, Արևելքի և Արևմուտքի  քաղաքատնտեսական և մշակութային արժեքները, օտարերկյա ԶԼՄ-ների քարոզչության դեմ պայքարի ուղղությունները, ՀՀ տնտեսական զարգացման հեռանկարները:

Մեր դասախոսը մասնակցեց «Գիտենալու իրավունք» կոնֆերանսին

Երկօրյա կոնֆերանսի ընթացքում տեղի ունեցան ակտիվ քննարկումներ,  բանավեճեր, որոնց ընթացքում հնչած հետաքրքիր կարծիքները հիմք տվեցին նոր տեսակետների ձևավորման համար:

Վերջում ծրագրի կազմակերպիչները մասնակիցներին հանձնեցին հավաստագրեր՝ ակնկալելով իրենց կողմից կազմակերպվելիք մարզային ծրագրերին նրանց ակտիվ մասնակցությունը:

Մեր դասախոսը մասնակցեց «Գիտենալու իրավունք» կոնֆերանսին

Կայացավ ՀՀ ազգային արժույթի թողարկման 24-ամյակին նվիրված միջոցառումը

2017թ. նոյեմբերի 22-ին ԵՊՀ ԻՄ-ի տնտեսագիտության ֆակուլտետում տեղի ունեցավ ՀՀ ազգային արժույթի թողարկման 24-ամյակին՝ դրամի պատմությանը, բանկային աշխատողի օրվան նվիրված միջոցառում, որը նախաձեռնել և կազմակերպել էր ֆակուլտետի ուսանողական խորհուրդը՝ ի դեմս ֆակուլտետային խորհրդի նախագահ Հասմիկ Քարտաշյանի և օգնական Արփինե Վերանյանի:

Կայացավ ՀՀ ազգային արժույթի թողարկման 24-ամյակին նվիրված միջոցառումը

Միջոցառմանը մասնակցում էին «Տնտեսագիտության տեսություն» մասնագիտության առաջին կուրսի ուսանողներ:

Մասնակիցները ներկայացրին հայկական դրամի պատմությունը, ինչպես նաև նրա կարևորությունը երկրի տնտեսության զարգացման գործում։

Միջոցառման ընթացքում ցուցադրվեց հոլովակ, որում ներկայացվում էր դրամի ստեղծման գործընթացը։

Կայացավ ՀՀ ազգային արժույթի թողարկման 24-ամյակին նվիրված միջոցառումը

Ցուցադրվեցին նաև ներդրումային դրամներ և հուշադրամներ։

Կայացավ ՀՀ ազգային արժույթի թողարկման 24-ամյակին նվիրված միջոցառումըՆերկայացվեցին այն արտասահմանյան դրամահատարանները, որոնց հետ համագործակցում է Հայաստանի Հանրապետության կենտրոնական բանկը:

«ՏՏ» մասնագիտության III կուրսի ուսանողների այցը ՀՀ կենտրոնական բանկ

2017թ. նոյեմբերի 20-ին ԵՊՀ ԻՄ-ի «Տնտեսագիտության տեսություն» մասնագիտության III կուրսի ուսանողները՝ նույն ամբիոնի դասախոսներ Ա.Շիրխանյանի և Գ.Մինասյանի գլխավորությամբ ճանաչողական այց կատարեցին ՀՀ կենտրոնական բանկի Դիլիջան ուսումնահետազոտական կենտրոն:

«ՏՏ» մասնագիտության III կուրսի ուսանողների այցը ՀՀ կենտրոնական բանկ

Նախ՝ կենտրոնում ուսանողները հանդիպեցին ԿԲ-ի տնտեսական  հետազոտությունների վարչության պետ Արմեն Նուրբեկյանին, ով ուսանողներին ներկայացրեց ՀՀ ֆինանսական համակարգում ՀՀ կենտրոնական բանկի դերը, գործառույթները, կարևորեց գների կայունացման խնդիրը, որը պետության մակրոտնտեսական կայունացման և տնտեսական աճի հիմքն է:

Անդրադառնալով Կենտրոնի վիճակագրական վարչության խնդիրներին և իրականացվող գործառույթներին՝ Ա.Նուրբեկյանը ընդգծեց վիճակագրության կարևորությունը դրամավարկային քաղաքականության իրականացման հարցում:

«ՏՏ» մասնագիտության III կուրսի ուսանողների այցը ՀՀ կենտրոնական բանկ

Ուսանողներն այցելեցին ԿԲ-ի դրամագիտական  թանգարան, որտեղ համակարգող-էքսկուրսավար Շուշաննա Սարատիկյանը նրանց ներկայացրեց դրամի պատմությունը,  թանգարանում առկա դրամագիտական նմուշների ընդարձակ և հարուստ հավաքածուն՝ ընդգծելով  դրանց պատմամշակութային արժեքը,   ԿԲ-ի՝ տարբեր միջազգային մրցույթներում շահած  մրցանակները:

Ճանաչողական այցի ընթացքում մեր ուսանողներն իմացան իրենց հետաքրքրող հարցերի պատասխանները, ամրապնդեցին իրենց գիտելիքները:

 

Մասնաճյուղի ներկայացուցիչները Հայաստանում անգլերեն լեզվի դասավանդողների ասոցիացիայի 14-րդ ամենամյա համագումարում

2017թ. նոյեմբերի 18-19-ին Աղվերանի “Best Western” հյուրանոցում (Best Western Aghveran Hotel) կայացավ Հայաստանում անգլերեն լեզվի դասավանդողների ասոցիացիայի 14-րդ ամենամյա համագումարը (AELTA 14th Annual Convention), որը կազմակերպվել էր Հայաստանում ԱՄՆ դեսպանատան (U.S. Embassy in Armenia) և Հայաստանում անգլերեն լեզվի դասավանդողների ասոցիացիայի (AELTA) կողմից:

Մասնաճյուղի ներկայացուցիչները Հայաստանում անգլերեն լեզվի  դասավանդողների ասոցիացիայի 14-րդ ամենամյա համագումարում

Համագումարին մասնակցում էին ասոցացիայի և դեսպանատան ներկայացուցիչներ (Աննա Առաքելյան, Ռոբերտ Անդերսոն և ուրիշներ), Խաղաղության կորպուսի կամավորներ, Երևանի պետական համալսարանի, ԵՊՀ Իջևանի մասնաճյուղի, Եվրասիա միջազգային համալսարանի, Խաչատուր Աբովյանի անվան հայկական պետական մանկավարժական համալսարանի, Երևանի Վալերի Բրյուսովի անվան լեզվահասարակագիտական համալսարանի դասախոսներ:

ԵՊՀ ԻՄ-ից համագումարին ներկա էին Անգլերեն լեզվի և գրականության ամբիոնի դասախոսներ Աստղիկ Սիմոնյանը և Էմմա Թեմրազյանը, ուսանողուհի Սյուզաննա Շահնազարյանը:

18-19-11-2017-2

Երկօրյա համագումարը նվիրված էր դասավանդման մեջ մշակութային, քննադատական մտածողության, ստեղծարարության և հաղորդակցական տարրերին ավելի բարձր տեղ հատկացնելու միջոցով դրական փոփոխություններ ձեռք բերելուն: Համագումարի կարգախոսն էր “4Cs 4 Change” (Communication, Creativity, Culture, Critical Thinking):

Բացման խոսքով հանդես եկավ Հայաստանում անգլերեն լեզվի դասավանդողների ասոցիացիայի նախագահ Աննա Առաքելյանը:

Մասնակիցները դիտեցին Հայաստանում ԱՄՆ դեսպան Ռիչարդ Միլլզի նախապես տեսագրված ելույթը և համագումարին մասնակցության խրախուսական հղումը:

Անգլերեն լեզվի տարածաշրջանային պատասխանատու Ջոն Սիլվերը իր պլենար ելույթում խոսեց արդյունավետ դասալսման և հետադարձ կապի (Effective Observation and Feedback) մասին:

Մասնաճյուղի ներկայացուցիչները Հայաստանում անգլերեն լեզվի  դասավանդողների ասոցիացիայի 14-րդ ամենամյա համագումարում

Այնուհետև մասնակիցներն ընտրեցին զուգահեռաբար ընթացող 3 սեմինարներից մեկը (Listen With All Your 4 Ears by Seda Dallakyan, Teaching: A Map of Actions, by Shushan Melik-Adamyan, The Classroom as a Safe Space, by Kelsey Rowe & Lusine Tadevosyan):

Սեմինարավարները շոշափեցին այնպիսի թեմաներ, ինչպիսիք են լսողական հմտությունները լսարանում զարգացնելու արդյունքում ծագող խնդիրները, քննադատական մտածողության կիրառումը ընթերցանության և խոսքի ձևակերպման ընթացքում (Three Cs of Top-Down Listening, by Lilit Bekaryan, Promoting Intercultural Competence Among Students by Sona Hakobyan & Irina Mkhitaryan, Teaching English Through STEM by Lilit Arshakyan, Flipped Classrooms by Karine Kostanyan, Touching the Roots: Armenian Culture and Geography in the English Classroom by Venera Melkonyan & Meline Ghondyan, Critical Thinking in Reading/Speaking Skills by Tatevik Martirosyan) և այլն:

Մասնաճյուղի ներկայացուցիչները Հայաստանում անգլերեն լեզվի  դասավանդողների ասոցիացիայի 14-րդ ամենամյա համագումարում

Սեմինարներից հետո մասնակիցների հիմնական քննարկման առարկան արվեստի տարբեր ճյուղերը լեզվի դասավանդման մեջ ինտեգրելն էր (Connecting Language Learning and Creativity through Art by Mariam Davtyan, Time 4 Tea by Liana Barseghyan):

Մասնաճյուղի ներկայացուցիչները Հայաստանում անգլերեն լեզվի  դասավանդողների ասոցիացիայի 14-րդ ամենամյա համագումարում

“AELTA 14th Annual Convention” hամագումարի գիտական մասը շատ արդյունավետ կերպով համադրված էր հանգստի միջոցառումների հետ, որոնց ընթացքում մասնակիցներին հնարավորություն ընձեռվեց հագեցած օրվա վերջում հանգստանալ բոուլինգի սրահում և դիսկո ակումբում:

Համագումարի 2-րդ օրը ելույթով հանդես եկավ Հայաստանում ԱՄՆ դեսպանատան մշակութային հարցերով պատասխանատու Դայանա Սիթը, որի ելույթին հաջորդեց Օրեգոնի համալսարանի ներկայացուցիչ, համագումարի հատուկ հյուր Ագնեշկա Ալբոշտայի ելույթը:

Մասնակիցներն ակտիվորեն ներգրավվեցին մի շարք թեմաներով (Critical Thinking: Orienting Students, Orienting Teachers by Agnieszka Alboszta, Promoting Communication and Cooperation in EFL Classroom by Anna Ayrapetyan, Ads in the Classroom. Developing Learner’s Writing Skills by Tsovinar Mkrtchyan & Sona Ivanyan, Promoting Speaking Fluency in the EFL Class by Lusik Hovakimyan, Freeze by Anna Arakelyan & Meri Arakelyan, Using Rubrics to Promote Learner Autonomy by Rubina Gasparyan, Student or Teacher: Who is Accountable for Productivity? by Lusine Stepanyan, Discovering the Beauty of Storytelling in English Language Teaching by Ruzan Gabrielyan & Narine Mkrtchyan) սեմինարներում:

Մասնաճյուղի ներկայացուցիչները Հայաստանում անգլերեն լեզվի  դասավանդողների ասոցիացիայի 14-րդ ամենամյա համագումարում

Սեմինարներին հաջորդեց ոչ պաշտոնական վիճակահանությունը, որի ընթացքում հաջողակ մասնակիցները ստացան նվերներ՝ գրքերի տեսքով:

Վերջում համագումարի բոլոր մասնակիցներին տրվեցին հավաստագրեր:

Մասնաճյուղի ներկայացուցիչները Հայաստանում անգլերեն լեզվի  դասավանդողների ասոցիացիայի 14-րդ ամենամյա համագումարում