2017թ. ապրիլի 15-ին՝ ժամը 13:00-ին, ԵՊՀ ԻՄ-ի մարզադահլիճում տեղի կունենա սեղանի թենիսի մարզային առաջնություն:
Մասնակցելու համար մինչև ապրիլի 14-ը կարող եք դիմել Արտակարգ իրավիճակների, մարմնակրթության և սպորտի ամբիոն:
2017թ. ապրիլի 7-ին ԵՊՀ ԻՄ-ի «Անգլերեն լեզու և գրականություն» մասնագիտության 2-րդ կուրսի ուսանողները պատրաստել էին ԱՄՆ-ի մշակույթին նվիրված միջոցառում, որին ներկա էին Անգլերեն լեզվի և գրականության ամբիոնի վարիչ Ք.Հարությունյանը, պրոֆեսորադասախոսական անձնակազմի ներկայացուցիչները, տվյալ մասնագիտության տարբեր կուրսերի ուսանողներ:
Միջոցառնան ընթացքում ներկայացվեցին ԱՄՆ-ի գլխավոր քաղաքները, մասնավորապես` Նյու Յորքը, Լոս Անջելեսը, Չիկագոն, Վաշինգտոնը, ամերիկյան հեղինակավոր բուհերը, ինչպիսիք են Հարվարդի, Փրինսթոնի, Յելի համալսարանները, Ամերիկայի Միացյալ Նահանգների հիմնական տոները՝ Շնորհակալության տոնը, Սուրբ Վալենտինի օրը, Հելոուինը, ինչպես նաև հարսանեկան ավանդույթները և ծեսերը:
Հետաքրքիր ներկայացվեցին հատկապես Հելոուինի և Սուրբ Վալենտինի տոների ծագումը, դրանք նշելու կարգը, նմանատիպ սովորույթները Հայաստանում:
Սուրբ Վալենտինի տոնը ներկայացնելիս ուսանողները քաղցրավենիք բաժանեցին բոլոր ներկաներին, իսկ Հելոուինը ներկայացնելիս մասնակիցները կերպարանափոխվել էին՝ նմանվելով ոգիների:
ԱՄՆ-ի մշակույթին նվիրված միջոցառումն անցավ շատ ջերմ ու անմիջական մթնոլորտում:
Հնչեցին նաև գեղեցիկ երգեր, հետաքրքիր պատմություններ:
Վերջում մասնակիցները Մայրության և գեղեցկության տոնի առթիվ շնորհավորեցին գեղեցիկ սեռի ներկայացուցիչներին՝ մաղթելով նրանց անսահման երջանկություն, անանց հմայք, ամենայն բարիք:
2017թ. ապրիլի 6-ին ԵՊՀ ԻՄ-ի ուսանողական խորհրդում կայացավ «Հայ զինվորի հոգեկերտվածքի ձևավորումը ազգային գաղափարախոսության համատեքստում» թեմայով քննարկում:
Ուսանողներն անդրադարձան ազգային ոգուն, հայ մարդու, հայ զինվորի դաստիարակությանը վերաբերող հարցերի՝ իրենց արտահայտած տեսակետները հիմնավորելով գեղարվեստական բնորոշ մեջբերումներով, բանաստեղծություններով ու երգերով:
Քննարկման ընթացքում ներկայացվեցին նաև մերօրյա հերոսների սխրագործությունները՝ ևս մեկ անգամ հաստատելով հայրենիքի պաշտպանության գործի առաջնայնությունը:
Ընդգծվեց հասարակական կյանքի տարբեր օղակներում ռազմահայրենասիրական դաստիարակությանը, ազգային արժեքների պահպանմանն ուղղված միջոցառումների կարևորությունը:
Հիմնավորվեց այն գաղափարը, որ պետք է մշտապես զգոն ու շրջահայաց լինել, բարձր պահել ազգային ինքնագիտակցության ոգին, խորապես ճանաչել սեփական ժողովրդի պատմությունը և նրան վերաբերվել որպես անցյալի արձագանքի՝ ապագայի մեջ:
Քննարկման վերջում Ուսխորհրդի անդամներն այցելեցին Ազատամարտիկների հուշարձան, ծաղիկներ դրեցին և աղոթեցին նրանց հոգու հանգստության համար՝ ուխտելով շարունակել նրանց կիսատ մնացած վեհ երազանքները:
Ամերիաբանկը փնտրում է ակտիվ, մոտիվացված և եռանդուն երիտասարդների` բանկի թիմը համալրելու և Ամերիաբանկի առաջատար մասնագետների մոտ բացառիկ վերապատրաստում անցնելու համար: Ամերիա Սերունդ ծրագիրը հաջողությամբ ավարտած մասնակիցները հնարավորություն կստանան աշխատանքի անցնել բանկի տարբեր ստորաբաժանումներում:
ՆԿԱՐԱԳՐՈՒԹՅՈՒՆ`
Ամերիա Սերունդ ծրագրի նպատակն է պատրաստել երիտասարդ մասնագետներից թիմ, ովքեր պատրաստ կլինեն հաղթահարել զանազան մարտահրավերներ, հանդես գալ իրենց նորաստեղծ գաղափարներով ու մոտեցումներով, իրենց անհատական ներդրումն ունենալ հասարակության համար կարևոր ու օգտակար արժեքների ստեղծման հարցում: Ծրագրի շրջանակներում անցնելով գործնական ուսուցում` երիտասարդները համագործակցում են փորձառու և վառ անհատականություն ունեցող թիմի հետ, ծանոթանում իրական գործարար միջավայրին, կիրառվող ժամանակակից տեխնոլոգիաներին և միտումներին:
ՆՎԱԶԱԳՈՒՅՆ ՊԱՀԱՆՋՆԵՐ
Եթե Դուք
ապա Ամերիա Սերունդ ծրագիրը հենց Ձեզ համար է:
ՓՈԽՀԱՏՈՒՑՈՒՄ`
Կրթության հնարավորություն` ամսական փոխհատուցմամբ:
«Ամերիա Սերունդ» ծրագրի մասնակիցը դառնալու համար անհրաժեշտ է անցնել 4 հիմնական փուլ` դիմում, ընտրություն, վերապատրաստում և աշխատանքի ընդունում:
ԴԻՄՈՒՄՆԵՐԻ ՆԵՐԿԱՅԱՑՄԱՆ ԸՆԹԱՑԱԿԱՐԳ`
Եթե Դուք պատրաստ եք նոր մարտահրավերների և ցանկանում եք դառնալ Երազանքի թիմի անդամ, խնդրում ենք լրացնել ներկայացվածդիմում հայտի ձևը, կցել CV-ն, ինչպես նաև մոտիվացիոն նամակը և ուղարկել հետևյալ էլ. հասցեին` generationA@ameriabank.am:
Խնդրում ենք նամակի վերնագիր դաշտում նշել Generation A անվանումը, Ձեր անունը և ազգանունը, այլապես ավտոմատացված համակարգման պատճառով Ձեր դիմումը կարող է չդիտարկվել:
Ընտրություն
Առաջին՝ նախընտրական, փուլն անցած մասնակիցները կհրավիրվեն թեստավորման:
Թեստը հանձնելու համար անհարաժեշտ է տիրապետել ստորև ներկայացված թեմաներին .
Թեստը հաջողությամբ անցնելու դեպքում Դուք կմասնակցեք հարցազրույցի:
Վերապատրաստում
«Ա» ուսուցման ծրագիրը ներառում է հետևյալ մոդուլները.
Աշխատանքի ընդունում
Ուսուցման փուլերի ավարտից հետո լավագույն երիտասարդները հնարավորություն կստանան հարցազրույց անցնել և ընդունվել աշխատանքի «Ամերիաբանկ» ՓԲԸ-ում:
Աշխատանքի առաջարկ կստանան միայն այն բացառիկ ուսնակները, ովքեր կցուցաբերեն բարձր կատարողական, վառ արտահայտված ինքնազարգացման ձգտում և մոտիվացիա միանալու Երազանքի թիմին:
Դիմումների ընդունման սկիզբը` 04.04.2017
Դիմումների ընդունման վերջնաժամկետ` 30.04.2017
Աղբյուրը՝ http://ameriabank.am
2017թ. ապրիլի 4-ին ԵՊՀ Իջևանի մասնաճյուղում կայացավ Ս. Ա. Առաքելյանի նախագահությամբ տնօրենության ընդլայնված նիստ, որին մասնակցում էին տնօրենության անդամները, հրավիրված էին ամբիոնների վարիչները, մասնագիտությունների կրթական ծրագրերի պատասխանատուները, ուսանողական կառույցների ներկայացուցիչները:
Տնօրենության ընդլայնված նիստում քննարկվեցին ԵՊՀ ԻՄ-ի՝ 2016-17 ուսումնական տարվա ամփոփիչ ատեստավորման քննությունների անցկացման և ավարտական աշխատանքների պաշտպանության նախապատրաստական աշխատանքներին, մասնաճյուղի դասախոսական կազմի ուսումնական և ուսումնամեթոդական բեռնվածության հաշվարկի նորմերին վերաբերող ու մի քանի ընթացիկ հարցեր:
Առաջին հարցի վերաբերյալ մասնավորապես նշվեց, որ ընթացքի մեջ են 2016-2017 ուսումնական տարվա առկա ուսուցման ավարտական աշխատանքների և հեռակա ուսուցման քննաշրջանների նախապատրաստական աշխատանքները:
Համապատասխան ստորաբաժանումների ղեկավարներին հանձնարարվեց երեք օրվա ընթացքում կազմել ամփոփիչ ատեստավորման քննությունների անցկացման և ավարտական աշխատանքների պաշտպանության խորհրդատվությունների ժամանակացույցները՝ այդ հարցերը նախապես քննարկելով ամբիոնների և ֆակուլտետների գիտական խորհուրդների նիստերում:
Մյուս հարցի կապակցությամբ որոշվեց մասնաճյուղի դասախոսական կազմի ուսումնական և ուսումնամեթոդական բեռնվածության հաշվարկի նորմերը, փոփոխություններով հանդերձ, ներկայացնել ԵՊՀ ԻՄ-ի գիտական խորհրդի քննարկմանը: