2013թ. նոյեմբերի 5-ին ԵՊՀ Իջևանի մասնաճյուղում տեղի ունեցավ բասկետբոլի բաց առաջնություն, որին մասնակցում էր չորս թիմ` Հումանիտար գիտությունների ֆակուլտետի «Պատմություն» մասնագիտության I և II կուրսերը, Իջևանի ավագ դպրոցը և մարզադպրոցը:

Ավագ դպրոցի և մարզադպրոցի սաների մրցապայքարում հաղթող ճանաչվեց ավագ դպրոցի հավաքականը:

Հումանիտար գիտությունների ֆակուլտետի երկու թիմերի մրցապայքարում հաղթեց «Պատմություն» մասնագիտության II կուրսի հավաքականը:

Եզրափակիչում հանդիպեցին ավագ դպրոցի և «Պատմություն» մասնագիտության II կուրսի թիմերը: Հաղթեց «Պատմություն» մասնագիտության II կուրսի հավաքականը:

Քննարկելով 2013-14 ուստարվա հոկտեմբեր ամսվա ընթացքում ԵՊՀ Իջևանի մասնաճյուղի առանձին ստորաբաժանումների աշխատակիցների կողմից կատարված աշխատանքների արդյունքները` իրենց գործառույթներն ու պարտականությունները բարեխղճորեն և նվիրումով կատարելու համար դրամական խրախուսանքի արժանացան մասնաճյուղի հետևյալ աշխատակիցները.

• «ԱԿՈՒՆՔ» գիտական հոդվածների ժողովածուի գլխավոր խմբագիր, հումանիտար գիտությունների ֆակուլտետի  պատմության և քաղաքագիտության ամբիոնի պ.գ.դ., պրոֆեսոր Աշոտ Արտաշեսի Ներսիսյանը,
• Ուսումնամեթոդական վարչության ուսումնական գործընթացի պլանավորման և ծրագրամեթոդական բաժնի ավագ տեսուչ Գագիկ Շուրիկի Գյոզալյանը,
• Տեղեկատվական համակարգերի սպասարկման և զարգացման բաժնի օպերատոր Օնիկ Սամվելի Ճոկլինյանը,
• ԵՊՀ ԻՄ-ի սպասարկող անձնակազմի  հումանիտար գիտությունների ֆակուլտետի մասնաշենքի հավաքարար Մարուս Հաթամի Օթարյանը:

ԵՊՀ Իջևանի մասնաճյուղում 2013-2014 ուստարվա հեռակա ուսուցման դիմորդների ընդունելության փաստաթղթերի և քննությունների հետ կատարվելիք աշխատանքներն իրականացնելու համար պարգևատրվեց Բնական գիտությունների ֆակուլտետի մասնագիտական համակարգչային լաբորատորիայի վարիչ Նարինե Նվերի Դավթյանը:

2013թ. հոկտեմբերի 29-ին Երևանի պետական համալսարանի Իջևանի մասնաճյուղում տեղի ունեցավ սեղանի թենիսի բաց առաջնություն, որին մասնակցում էին 20 մարզիկներ:

Առաջնությունն անցկացվեց օլիմպիական ձևով:

Եզրափակիչ դուրս եկան Երևանի պետական համալսարանի Իջևանի մասնաճյուղի հումանիտար գիտությունների ֆակուլտետի «Անգլերեն լեզու և գրականություն» մասնագիտության II կուրսի ուսանող Հրաչ Ներսիսյանը և ավագ դպրոցի աշակերտ Սարգիս Խուդավերդյանը:

Հաղթող ճանաչվեց Սարգիս Խուդավերդյանը:

2013թ. հոկտեմբերի 25-26-ը Երևանում տեղի ունեցավ Ֆրանս-հայկական առևտրաարդյունաբերական պալատի գործարար համաժողով, որի շրջանակներում ձեռք բերվեցին տնտեսական-մշակութային և կրթական համաձայնություններ:

ԵՊՀ Իջևանի մասնաճյուղից համաժողովին մասնակցում էր Հումանիտար գիտությունների ֆակուլտետի դեկան Վ.Ալեքսանյանը:  Համաժողովի կրթության բաժնի պատասխանատուի հետ Վ.Ալեքսանյանը քննարկեց ԵՊՀ ԻՄ-ի մասնագիտություններին և ուսումնական գործընթացին վերաբերող հարցեր:

Ձեռք բերվեց նախնական համաձայնություն՝ ԵՊՀ ԻՄ-ի ուսանողների պրակտիկան Ֆրանսիայի Մարսել քաղաքի բանկերում և արդյունաբերական ձեռնարկություններում անցկացնելու վերաբերյալ: Ուսանողների պրակտիկայի կազմակերպման պարտադիր պայմաններից են ֆրանսերեն լեզվին տիրապետումը և մասնագիտական բարձր պատրաստվածությունը: