Երևանի պետական համալսարանի Իջևանի մասնաճյուղ

Հայտարարություններ

ՌԴ ԲՈՒՀԵՐՈՒՄ ՍՈՎՈՐԵԼՈՒ ՀԱՄԱՐ

ՀՀ ԿԳ նախարարությունը հայտարարում է մրցույթ 25 կրթաթոշակային տեղի համար

ՀԱՊԿ (Հավաքական անվտանգության պայմանագրի կազմակերպություն) քարտուղարության հայտի հիման վրա 2013-2014 ուստարում Ռուսաստանի Դաշնության բուհերում բարձրագույն կրթություն ստանալու նպատակով ՀՀ ԿԳ նախարարությունը հայտարարում է մրցույթ 25 կրթաթոշակային տեղի համար (բակալավր և դիպլոմավորված մասնագետ):

Մրցույթին կարող են մասնակցել հանրակրթական դպրոցների շրջանավարտները կամ ավարտական դասարանում սովորող ՀՀ այն քաղաքացիները, ովքեր տիրապետում են ռուսաց լեզվին:Դասընթացների վերաբերյալ մանրամասն տեղեկատվություն կարելի է ստանալ կից ներկայացվող նյութերից:

Կրթաթոշակներին հավակնող դիմորդները պետք է ներկայացնեն.

  • դիմում՝ մրցույթին մասնակցելու համար,
  • դիմում-հարցաթերթիկ,
  • ռուսական կողմից ներկայացված հարցաթերթիկներ (տպատառ լրացրած),
  • միջնակարգ (լրիվ) ընդհանուր կրթության ատեստատի կամ ավարտական դասարանի առաջադիմության տեղեկանք (գնահատականներով)` նոտարի կողմից ռուսերեն թարգմանված,
  • անձնագրի պատճենը` նոտարի կողմից ռուսերեն թարգմանված,
  • ծննդականի պատճենը՝ նոտարի կողմից ռուսերեն թարգմանված,
  • բժշկական տեղեկանքներ՝ ընդհանուր առողջության և
    ՁԻԱՀ/ՄԻԱՎ վերաբերյալ (ռուսաց լեզվով),
  • 6 գունավոր լուսանկար՝ 3×4 չափսի,
  • արական սեռի անձինք ներկայացնում են զինգրքույկի պատճենը, դրան փոխարինող կցագրման վկայականը կամ զորակոչային տեղամասից համապատասխան տեղեկանք:Պահանջվող փաստաթղթերի փաթեթը պետք է ներկայացնել 3 օրինակով (փաթեթ + 2 պատճեն):

    Մրցույթն անցկացվում է բակալավրի կրթական ծրագրով՝ համաձայն ՀՀ բարձրագույն ուսումնական հաստատությունների ընդունելության (ըստ բակալավրի կրթական ծրագրի) կարգի:

    Փաստաթղթերի ընդունման վերջնաժամկետն է 01.06.2013 թ-ը (ներառյալ):
    Մրցույթը տեղի կունենա Երևանի Ջոն Կիրակոսյանի անվան համար 20 միջնակարգ դպրոցում (Այգեստան 9, փող. 4) ս/թ հունիսի 3-ից 7-ն ընկած ժամանակահատվածում:

    Մրցույթին մասնակցել ցանկացողները լրացուցիչ տեղեկությունների համար կարող են դիմել ՀՀ ԿԳՆ աշխատակազմի արտաքին կապերի և սփյուռքի վարչություն (ք. Երևան, Կառավարության 3 շենք, VI հարկ, 619 սենյակ, հեռ.՝ 52-52-07):

Ուսանողական գիտական ընկերության հաշվետու նիստը

Հարգելի՛ դասախոսներ, ուսանողներ, մասնաճյուղի աշխատակիցներ, 2013թ. մայիսի 31-ին՝ ժամը 13:00-ին, ԵՊՀ ԻՄ-ի կիրառական արվեստի ֆակուլտետի նիստերի դահլիճում մասնաճյուղի ՈՒԳԸ-ն կներկայացնի հրապարակային հաշվետվություն:

Նիստն ունի հետևյալ օրակարգը.

  1. Բացման խոսք,
  2. ՈՒԳԸ-ի գործունեության մասին պատմող տեսանյութի դիտում,
  3. 2009-2013 թթ. առավել ակտիվ ուսանողներին պատվոգրերի հանձնում,
  4. ՈՒԳԸ-ին աջակցած և նրա հետ համագործակցած անձանց և կառույցներին (նրանց ղեկավարներին) շնորհակալագրերի հանձնում,
  5. Փակման խոսք:

Ստորև ներկայացնում ենք պարգևատրվողների ցանկը.

Ուսանողներ՝ Ֆլորա Սուքոյան, Վերգինե Սաֆարյան, Հերմինե Օթարյան, Նաթելա Օրդինյան, Մարիամ Բուդուրյան, Լիլիթ Բաբլումյան, Անի Երեմյան, Շուշան Գաբրիելյան, Տաթևիկ Գրիգորյան, Հայարփի Դավթյան, Սասուն Սահակյան, Նաիրի Ճաղարյան, Հայրապետ Առուստամով, Վարդուհի Վարդումյան, Տաթևիկ Ալիխանյան, Աշխեն Առաքելյան, Նվարդ Բոյաջյան, Մերի Ամիրզյան, Սյուզաննա Պետրոսյան, Հասմիկ Եգանյան, Մարիաննա Գրիգորյան, Լիլիթ Քալանթարյան, Շուշան Բաղդասարյան, Գոհար Ադամյան:

Աջակիցներ՝ Վահագն Չոբանյան, Նարինե Դավթյան, Արման Եգանյան, Էմմա Մաթևոսյան, Գագիկ Աղբալյան, Ոսկան Սարգսյան, Կառլեն Խաչատրյան, Միքայել Մալխասյան, Շողիկ Անտոնյան:

Սպասվում է նաև անակնկալ:

Սիրով բոլորիդ հրավիրում ենք ներկա գտնվելու այս իրադարձությանը:

ԿՐԹԱԹՈՇԱԿԱՅԻՆ ԾՐԱԳԻՐ /ԻՏԱԼԻԱ/

Իտալիայի ԱԳՆ-ը 2013-2014թթ. համար ՀՀ ուսանողներին (ավարտական և ետավարտական կրթությամբ) հատկացնում է կրթաթոշակներ՝ Իտալիայում ուսանելու   նպատակով։  
Հայտերի ներկայացման վերջնաժամկետն է ս.թ. մայիսի 31-ը։
«Կրթաթոշակների ծրագրի» վերաբերյալ համապատասխան տեղեկատվությանը կարելի է ծանոթանալ կից նյութերից, ինչպես նաև ՀՀ-ում  Իտալիայի դեսպանության կայքից՝ հետևյալ հասցեով. www.ambjerevan.esteri.it:
Աղբյուրը`  www.edu.am

Մոդել ԵԱՀԿ համաժողով

Երկօրյա այս համաժողովին (2013 թ. հոկտեմբերի 11-12) կմասնակցեն մոտ 60 երիտասարդներ Երևանից և Հայաստանի մարզերից, որոնք կկրկնօրինակեն ԵԱՀԿ հիմնական որոշում կայացնող մարմինը՝ Մշտական խորհրդի նիստը:

Համաժողովի լեզուն հայերենն է:

Հետաքրքրված երիտասարդները պետք է լրացնեն կից դիմումաձևը և ներկայացնեն այն ԵԱՀԿ գրասենյակ մինչև ս.թ. մայիսի 26-ը:

Մանրամասներն այստեղ`

Աղբյուրը` http://www.osce.org

Մրցույթ Վրաստանի բարձրագույն ուսումնական հաստատություններում սովորելու համար

Հայաստանի Հանրապետության կրթության և գիտության նախարարությունը հայտարարում է մրցույթ՝ 2013-2014 ուսումնական տարում Վրաստանի բարձրագույն ուսումնական հաստատություններում մագիստրոսական և ասպիրանտական
/10 կրթաթոշակ/ կրթություն ստանալու համար:
Մրցույթին կարող են մասնակցել անգլերեն լեզվին տիրապետող բակալավրի կամ մագիստրոսի կրթական աստիճան ունեցող կամ ավարտական կուրսերում սովորող ՀՀ քաղաքացիները:
Ուսուցումը իրականացվելու է անգլերեն լեզվով:
Կրթաթոշակներին հավակնող դիմորդները պետք է ներկայացնեն՝

  • դիմում՝ մրցույթին մասնակցելու համար, որում պետք է նշվի նախընտրած մասնագիտությունը,
  • դիմում-հարցաթերթիկ,
  • վրացական կողմից ներկայացված հարցաթերթիկը,
  • ինքնակենսագրություն (CV) /անգլերեն/,
  • դիպլոմի և միջուկի պատճենները, իսկ ավարտական կուրսում սովորողները՝ առաջադիմության թերթիկ /ակադեմիական տեղեկանք/ նոտարի կողմից անգլերեն թարգմանված:
  • անձնագրի պատճենը,
  • բժշկական տեղեկանք /հավերված/ անգլերեն լեզվով,
  • 3×4 չափի 4 լուսանկար,
  • արական սեռի անձինք՝ զինգրքույկի պատճենը, դրան փոխարինող կցագրման վկայականը կամ զորակոչային տեղամասից համապատասխան տեղեկանք:

Հետբուհական կրթության համար դիմորդները ներկայացնում են նաև.

  • ռեֆերատ՝ հայերեն լեզվով,
  •  օտար լեզվի իմացությունը հաստատող վկայական և ստուգարքային թերթիկ համակարգչից օգտվելու հմտությունների վերաբերյալ` ՀՀ ԿԳ նախարարի 30.11.2012 N 1093-Ա/Ք հրամանով հաստատված անցումային շեմերին համապատասխան:

Պահանջվող փաստաթղթերի փաթեթը պետք է ներկայացնել 3 օրինակով /փաթեթ + 2 պատճեն/:
Մրցույթն անցկացվում է.

  • Մագիստրոսի կրթական ծրագրով՝ համաձայն Հայաստանի Հանրապետության բարձրագույն ուսումնական հաստատություններում մագիստրատուրայի ընդունելության և ուսուցման կարգի:
  • Ասպիրանտուրայի կրթական ծրագրերով՝ համաձայն Հայաստանի Հանրապետությունում ասպիրանտուրայի ընդունելության կարգի:

Փաստաթղթերն ընդունվում են մինչև 31.05.2013թ. /ներառյալ/, ժամը 1500-1700-ը, բացի շաբաթ և կիրակի օրերից:
Ասպիրանտուրայի մրցույթը տեղի կունենա Երևանի Ջոն Կիրակոսյանի անվան թիվ 20 միջնակարգ դպրոցում (Այգեստան 9, փող.4) ս/թ հունիսի 1-ից 7-ը ընկած ժամանակահատվածում:
Մրցույթին մասնակցել ցանկացողները լրացուցիչ տեղեկությունների համար կարող են դիմել ՀՀ ԿԳՆ աշխատակազմի արտաքին կապերի և սփյուռքի վարչություն (ք. Երևան, Կառավարության 3 շենք, VI հարկ, 619 սենյակ, հեռ. 56-23-64):
Առաջնահերթությունը կտրվի կրթության և գիտության զարգացման համար գերակա հանդիսացող մասնագիտություններին:

Աղբյուրը` www.edu.am

Սկիզբ...271272273274275276277278279280...Վերջ

Հայտարարություն

Նորություններ